e diel 14 gusht 2022
e diel 14 gusht 2022

 

Ushtria indoneziane deklaroi se nuk do të kryejë më testin “me dy gishta” për të provuar nëse gratë që duan t’u bashkohen forcave të armatosura janë të virgjëra.

 

Shefi i shtabit të ushtrisë indoneziane, gjenerali Andika Perkasa, njoftoi së fundi se ushtria nuk do të kryejë më teste virgjërie për gratë që bëjnë kërkesë për t’u bashkuar me forcat e armatosura. Fjala është për ekzaminimin me dy gishta që kryhet për të përcaktuar nëse himenet e aplikanteve femra ishin të paprekura.

 

Kjo praktikë e përdorur në të kaluarën nga ushtria për të përcaktuar moralin e rekruteve, ka kohë që dënohet nga grupet e të drejtave të cilët i quajtën teste të tilla degraduese dhe traumatike.

 

Njoftimi i shefit të ushtrisë u përshëndet nga aktivistet e të drejtave të grave dhe nga kadetet femra.

 

Por ka gjithashtu shqetësime se ky ndalim mund të mos zgjasë shumë pasi ushtria deri tani nuk ka lëshuar ende ndonjë urdhër për ta shpallur këtë vendim si të përhershëm.

 

Trauma vazhdon edhe pas shumë vitesh

 

Irawati Harsono, oficere veterane e policisë, e cila edhe vetë iu nënshtrua testit kur u regjistrua për t’u bërë oficere në vitin 1964, e përshëndeti vendimin.

 

“Sigurisht, jam mirënjohëse për vendimin edhe pse mendoj se vjen me shumë vonesë, sepse është absurde dhe qesharake të mendosh se sot e kësaj ditë dhe epokën tonë ekziston ende një test virgjërie për të përcaktuar nëse një femër pranohet ose jo në trupat e ushtrisë dhe të policisë”, tha ajo për DW.

 

Organizata Botërore e Shëndetit (OBSH) u ka kërkuar vazhdimisht vendeve në mbarë botën që të ndalojnë testet e virgjërisë, duke thënë se ato janë joshkencore, të dëmshme dhe shkelje të të drejtave të grave dhe vajzave.

 

Prania e himenit nuk është tregues i besueshëm për marrëdhënie seksuale vaginale, e lëre më për qëndrimin moral të dikujt.

 

Megjithatë ky test është kryer në Indonezi për dekada, dhe zbatohej madje edhe për të fejuarat e ushtarëve si parakusht që ata të merrnin miratimin me shkrim të oficerëve të tyre komandues për t’u martuar.

 

Më shumë

Duke shpresuar se Omicron nuk do të shkatërrojë Krishtlindjet, Betlehemi ndez dritat e pemës

BETHLEHEM, Bregu Perëndimor, 4 dhjetor (Reuters) – Banorët ndezën një pemë gjigante të Krishtlindjeve jashtë Kishës së Lindjes së Betlehemit të shtunën, duke shpresuar që një variant i ri i koronavirusit të mos prishë një sezon tjetër pushimi në vendlindjen tradicionale të Jezusit. Betlehemi u mbyll vetëm Krishtlindjet e kaluara, duke humbur sezonin […]

Zgjerimi i ndikimit turk rrit tensionet me Iranin

Arrestimi i agjentëve iranianë në Turqi muajin e kaluar, thonë analistët, është shenja më e fundit e rritjes së tensioneve midis dy fqinjëve. Kjo po ndodh ndërsa Turqia po zgjeron ndikimin e saj në rajonin e Kaukazit në dëm të Iranit.   Forcat turke të sigurisë arrestuan agjentët iranianë për të cilët Turqia […]

Energjia atomike energji e gjelbër?

Gjermania dhe disa shtete të BE kundërshtojnë kategorizimin e energjisë atomike si energji të gjelbër. Por shumica e vendeve të BE e mbështet këtë, mes tyre edhe Franca.     Gjermania dhe katër shtete të tjera e kundërshtuan hapur në Glasgou, ku përfundoi Konferenca Botërore për Klimën, kategorizimin e energjisë atomike si energji të […]

Izraeli mohon akuzat për spiunazh në Turqi

Izraeli është angazhuar për lirimin e një çifti izraelit të cilët janë dërguar në mbajtje nga ana e autoriteteve turke, tha kryeministri izraelit, Naftali Bennett.   Media shtetërore turke ka thënë se izraelitët e ndaluar ishin spiunë.   Kryeministri Bennett tha përmes një deklarate se ai ka biseduar me familjen e dy izraelitëve, […]

  • © 2017 Albanian Profile Të gjitha të drejtat e rezervuara