e enjte 29 korrik 2021
e enjte 29 korrik 2021

 

Irani ka vazhduar me shkeljen e marrëveshjes bërthamore të vitit 2015, pasi ka filluar pasurimin e uraniumit në uzinën e tij nëntokësore Natanz, përmes një teknologjie më të avancuar.

 

Drejtori i Përgjithshëm i Agjencisë Ndërkombëtare për Energji Bërthamore (IAEA) Rafael Grossi, tashmë i ka informuar vendet anëtare se, Irani tani po përdor centrifuga më të shpejta për të pasuruar uraniumin deri në pastërtinë 5 për qind.

 

Përdorimi i centrifugave të avancuar është shkelje e marrëveshjes bërthamore, e cila lejon vetëm centrifuga më të ngadalta. Grossi tha se Irani ka në plan të instalojë edhe centrifuga tjera, por instalimi ende nuk ka filluar.

 

Shtetet e Bashkuara janë tërhequr në mënyrë të njëanshme nga marrëveshja bërthamore në vitin 2018. Që nga ajo kohë Irani gradualisht ka shkelur kufizimet në marrëveshje. Ish-presidenti amerikan, Donald Trump kishte deklaruar atëbotë se marrëveshja ishte e keqe dhe se ajo i mundësonte Iranit të posedojë armë bërthamore. Ai kishte vendosur sanksione shkatërruese ndaj Iranit.

 

Irani kërkon që SHBA-ja të heqë sanksionet dhe që nënshkruesit tjerë tjerë të mbetur – Kina, Rusia, Gjermania, Franca dhe Britania – të veprojnë në përputhje me angazhimet e tyre dhe të kompensojnë sanksionet me stimuj ekonomikë.

 

Administrata e re e presidentit të SHBA-së, Joe Biden, ka treguar se është e hapur për negociata të mundshme për një kthim të SHBA-së në marrëveshje, por kërkon që Irani të veprojë i pari në respektimin e angazhimeve që dalin nga marrëveshja. rel

 

Më shumë

Bush: Tërheqja e trupave nga Afganistani, e gabuar

Ish-Presidenti i Shteteve të Bashkuara, George W. Bush, i cili mori vendimin për të dërguar trupat amerikane në Afganistan në vitin 2001 për të luftuar al-Kaidën pas sulmeve të 11 shtatorit, thotë se mendon se është e gabuar që trupat amerikane të tërhiqen tani ndërsa kryengritësit talebanë marrin kontrollin e një pjese gjithnjë […]

Tërheqja amerikane nga Afganistani, vendet e rajonit rrisin angazhimin diplomatik

Ndërsa tërheqja ushtarake Amerikane nga Afganistani është afër përfundimit, vendet e rajonit po shtojnë përpjekjet diplomatike që synojnë të ushtrojnë trysni mbi fraksionet afgane për të rifilluar bisedimet e bllokuara të paqes, të ndërmjetësuara nga Shtetet e Bashkuara, dhe për të parandaluar rrëshqitjen e vendin në një luftë të plotë civile.   Frika […]

Monstra e Kaspikut – Avioni sovjetik që duhej të kërcënonte perëndimin

Ekranoplani ka qenë gjatë Luftës së Ftohtë kërcënimi luftarak më serioz i sovjetikëve. Sot atraksion turistik.      

Talibanët marrin nën kontroll vendkalimin kryesor kufitar me Iranin

Zyrtarët afganë kanë njoftuar se talibanët kanë marrë nën kontroll një vendkalim të madh kufitar midis Afganistanit dhe Iranit.   Disa pamje të publikuara kanë treguar sesi forcat e talibanëve e heqin flamurin afgan nga çatia e zyrës doganore kufitare.   Vendkalimi kufitar – Islam Qala – është një nga pikat doganore më […]

  • © 2017 Albanian Profile Të gjitha të drejtat e rezervuara