e mërkurë 8 dhjetor 2021
e mërkurë 8 dhjetor 2021

 

Njoftimi i Teheranit i jep fund monitorimit ndërkombëtar të ambicieve bërthamore të Iranit.

 

Sipas njoftimeve të agjencisë shtetërore e lajmeve Tasnim Parlamenti iranian deklaroi të dielën, se marrëveshja për të ndarë pamje dhe fotografi nga disa centrale të caktuara bërthamore me Agjencinë Ndërkombëtare të Energjisë Atomike (IAEA) nuk do të zgjatet.

 

Irani e kishte zvogëluar prej kohësh bashkëpunimin me IAEA-në, sikurse qe parashikuar në marrëveshjen e vitit 2015 me fuqitë botërore për të mbajtur nën kontroll ambiciet bërthamore të Teheranit.

 

Por të dy palët kishin rënë dakord në shkurt për një marrëveshje tremujore për të ndarë disa imazhe në mënyrë që IAEA të monitoronte të paktën një pjesë të aktiviteteve atomike të Iranit.

 

Kryetari i Parlamentit të Iranit, Mohammad Baqer Qalibaf tha se “pas periudhës tremujore marrëveshja nuk u zgjat prandaj tani e tutje asnjë nga informacionet që do të regjistrohen nuk do t’i jepet IAEA, por do të mbetet në dispozicion të Republikës Islamike të Iranit.”

 

Dështimi i zgjatjes së marrëveshjes ndodh në një kohë që Irani po zhvillon bisedime indirekte me fuqitë perëndimore rreth rinovimit të marrëveshjes bërthamore. Shtetet e Bashkuara të Amerikës e anuluan në mënyrë të njëanshme marrëveshjen në vitin 2018 në kohën e ish-Presidentit Donald Trump. Administrata e Presidentit aktual të SHBA Joe Biden filloi të zhvillojë bisedime indirekte për një kthim të mundshëm në marrëveshje, por këto janë bllokuar nga mosmarrëveshjet e vazhdueshme.

 

 

Mosmarrëveshje të vazhdueshme

 

Përfundimi i marrëveshjes për ndarjen e imazheve me IAEA mund të sjellë një goditje të mëtejshme për marrëveshjen. Sekretari i Shtetit i SHBA, Antony Blinken tha se nëse Irani nuk e zgjat marrëveshjen për ndarjen e informacionit, kjo do të ishte një “pengesë serioze” për negociatat e ardhshme

 

Por moszgjatja e marrëveshjes konsiderohet edhe si një përpjekje e Teheranit për të bërë presion ndaj Bidenit për të hequr sanksionet shkatërruese ndaj Iranit.

 

Më shumë

Lukashenko dhe tranziti i gazit rus drejt Europës

Pushtetmbajtësi bjellorus, Aleksander Lukashenko kërcënoi me mbylljen e rubinetit të gazit Jamal Europa. Por Gazpromi ka rrugë të tjera për të sjellë gaz tek klientët e tij.   Lajmi pushtoi para pak ditësh mediat: Pushtetmbajtësi bjellorus, Aleksander Lukashenko kërcënon Europën me ndaljen e tranzitit të gazit rus drejt Europës! Kërcënimi erdhi në kulmin e […]

Thirrja nga Bjellorusia kalon përmes Turqisë

Në tetor, më shumë se 5000 emigrantë, kryesisht nga Lindja e Mesme, mbërritën në Gjermani nëpërmjet Bjellorusisë. Investigimi i ARD Report München tregon: itinerari është i organizuar mirë dhe kalon përmes Turqisë. Qendra e parë e pritjes në Eisenhüttenstadt është e rrethuar me gardhe të larta. Deri pak ditë më parë, çdo emigrant i […]

Irani kryen manovra ushtarake para rifillimit të bisedimeve bërthamore

Ushtria e Iranit ka nisur manovrat ushtarake të përvitshme pranë Gjirit Persik, njoftoi televizioni shtetëror iranian, disa javë përpara rifillimit të bisedimeve mes Teheranit dhe fuqive botërore për ringjalljen e marrëveshjes bërthamore të vitit 2015. Manovrat po zhvillohen në një territor të gjerë, në pjesën lindore të ngushticës së Hormuzit deri në atë veriore […]

32-vjetori i Rënies së Murit të Berlinit

09 Nëntori shënon 32-vjetorin e rënies së Murit të Berlinit. Kjo datë simbolizon rënien e komunizmit të Evropë. Pak pas mesnatës së 13 gushtit 1961, qeveria gjermane u dha urdhër 40 mijë ushtarëve dhe policëve gjermano-lindorë të bllokonin me tela me gjemba gjithë kufirin, duke lënë vetëm 13 pika kalimi për në Berlinin Perëndimor. […]

  • © 2017 Albanian Profile Të gjitha të drejtat e rezervuara