Itali. betohet qeveria e drejtuar nga Mario Draghi

Mario Draghi u betua si Kryeministri i ri i Italisë me një ceremoni të posaçme në Pallatin Quirinal në Romë, duke shënuar fillimin e një epoke të re në politikën italiane.

Ish-shefi i Bankës Qendrore Europiane, mbërriti tre minuta para për ceremoninë që u mbajt nën masa të rrepta parandalimi të koronavirusit.

Administrata e tij e re, që përbëhet nga një përzierje e teknokratëve dhe e politikanëve pritet të fillojë punë javën e ardhshme pasi të votëbesohet në të dyja dhomat e parlamentit. Votimi pritet të jetë formal pasi shumica e ligjvënësve kanë shprehur mbështetje për qeverinë e re Draghi.

Së pari dhe mbi të gjitha, në axhendën e 73-vjeçarit është nxjerrja e Italisë nga kriza pandemike e koronavirusit, që deri më tani u ka marrë jetën rreth 93,000 vetëve dhe e ka zhytur vendin në recensionin më të thellë që nga Lufta e Dytë Botërore.

I njohur edhe si Super Mario për qasjen e tij për të kaluar krizat pavarësisht vështirësive në eurozonë, qeveria e tij ka në përbërje njerëz nga thuajse të gjitha partitë politike. Në kabinet është përfshirë edhe zv./guvernatori i Bankës së Italisë, Daniele Franco.

Ekonomia do të jetë fokusi kryesor i qeverisë së re. Italia është ekonomia e tretë më e madhe e eurozonës, por pandemia e ka dëmtuar rëndë dhe GDP e vendit është tkurrur me 8.9 për qind në 2020.

Vendi gjithashtu renditet i dyti për borxhin e lartë publik, pas Greqisë që është e para, deri tani 158 për qind e GDP-së.

Detyra e parë e qeverisë është të vendosë se si do të shpenzojë 209 miliardë euro që do të marrë nga plani i rimëkëmbjes i BE-së.

Qeveria duhet ta paraqesë planin në Bruksel brenda prillit.

Mosmarrëveshjet për shpenzimin e fondit europian sollën rrëzimin e qeverisë Conte.

Qeveria e 67 e Republikës Italiane

Ekipi i ministrave të ekonomistit 73 vjeçarit përbëhet nga figura të njohura, si dhe nga politikanë e ekspertë. Politikani Lëvizjes Pesë Yjet Luigi Di Maio do të vazhdojë të mbajë postin e ministrit të Jashtëm dhe Roberto Speranza në kulmin e pandemisë së koronavirusit mbetet ministër i Shëndetësisë. Ministrinë e Ekonomisë do ta drejtojë Daniele Franco, drejtor i përgjithshëm i Bankës Italiane të Rezervave.

Ekspertja Marta Cartabia sipas planit të Draghit do të jetë ministre e Drejtësisë. Cartabia deri në shtator 2020 ka qenë presidente e Gjykatës Kushtetuese. Ministria mjaft e diskutuar më parë për Rindërtim ekologjik do të drejtohet po ashtu nga një ekspert, nga fizikanti Roberto Cingolani. Në kabinetin e Draghit ka më shumë politikanë se sa ekspertë.

• 

  Liderët e BE-së takohen ballë për ballë në Porto

• 

  Rusia urdhëron tërheqjen e trupave, por mban armatimet e rënda pranë Ukrainës

• 

  Masakra e Nisës në Francë, arrestohet pas 5 vjetësh bashkëpunëtori shqiptar

• 

  Parisi, kryeqyteti i mbeturinave

• 

  Erdogani nuk është i vetëm në politikën kundër grave

• 

  Itali, një vit më parë fotografia që tmerroi botën, 18 marsi shpallet Dita e Kujtimit ndaj viktimave nga COVID-19