e diel 17 janar 2021
e diel 17 janar 2021

 

Në Shqipëri, izolimi dhe kufizimet gjatë pandemisë Covid-19 sollën një shtim të dhunës në familje.

 

Përfaqësues të Kombeve të Bashkuara në Tiranë vlerësuan se në këtë periudhë të vështirë për të gjithë, gratë dhe vajzat kanë nevojë për më shumë mbrojtje dhe shërbime, që trajtojnë dhunën ndaj tyre.

 

Përfaqësuesit dhe specialistët e Kombeve të Bashkuara po përpiqen të ndihmojnë shoqërinë shqiptare për të kapërcyer goditjet psikologjike në familje gjatë pandemisë dhe dhunën ndaj grave dhe vajzave.

 

Pandemia COVID-19 ka rritur numrin e rasteve të raportuara të dhunës ndaj grave dhe vajzave, aq sa quhet nga ekspertët edhe si pandemi hije, ose pandemia e heshtur.

 

Sipas një vlerësimi gjinor të zhvilluar nga UN Women në Shqipëri, mbyllja nga pandemia ka ndikuar ndjeshëm në gjendjen grave dhe vajzave.

 

Estela Bulku, drejtuese programi dhe zëvendës-shefe e UN Women Albania, thotë se pandemia ndikoi më shumë mbi gratë e vetëpunësuara, sepse u ndikuan te mungesa e të ardhurave, reduktimin e orëve të punës.

 

Sondazhi vërtetoi shtimin e dhunës në familje, madje nxori në pah edhe nevojën për të përmirësuar edhe ligjin për mbrojtjen nga dhuna në marrëdhëniet familjare.

 

Gjatë pandemisë është vënë re një rritje e theksuar e dhunës në familje, dhe distancimi social i kërkuar nga mjekësia, rriti rrezikun e dhunës me bazë gjinore, pasi viktimat izolohen nga shoqëria dhe e kanë të veshtirë të kërkojne ndihmë.

 

Gjatë kohës së pandemisë mësohet se janë shtuar ndjeshëm telefonatat nga gratë dhe vajzat në linjat e këshillimit, që kërkojnë ndihmë dhe mbështetje për problemet familjare.

 

Krahas varfërisë dhe shkaqeve të tjera, dhuna ndaj grave dhe vajzave buron edhe nga pabarazia gjinore.

 

Nga vit në vit në Shqipëri shënohet një rritje e numrit të raportimeve të dhunës tek institucionet shtetërore nga gratë dhe vajzat.

 

Kjo tregon një rritje të ndërgjegjësimit dhe njohjes së të drejtave. Ndaj kërkohet që shërbimet shumë-disiplinore të shtrihen në çdo skaj të vendit.

 

Sfida e përditshme është mos përgjigja e duhur për cdo rast, edhe pse shërbimet që ofrojnë mbrojtje dhe akses në drejtesi mund të mos funksionojnë si duhet për shkak të kufizimeve gjatë pandemisë. voa

 

 

Më shumë

Raporti i BERZH: Rritet korrupsioni, PPP-të rrezikojnë borxhin, ulet eficienca e gjykatave

Reforma në Drejtësi nuk ka dhënë efektet e pritshme në luftën kundër korrupsionit. Ky është thelbi i raportit më të fundit të BERZH për Shqipërinë.   Raporti i fundit i tranzicionit i Bankës Europiane për Rimdërtim dhe Zhvillim , i cili këtë vit është përqëndruar në rëndësinë që ka roli i shtetit për […]

BB: Arritjet në kapitalin njerëzor në Shqipëri mund të jenë të qendrueshme edhe në kushtet e pandemisë

Sipas Raportit të Bankës Botërore, Indeksi i kapitalit njerëzor, përpara COVID-19, bota ishte më e shëndetshme dhe arsimuar se kurrë më parë. Shqipëria është ndër 10 vendet që janë përmirësuar më shumë gjatë 10 vjecarit të fundit në arsim dhe shëndetësi. Cfarë duhet të bëjë Shqipëria dhe vendet e tjera që të ruajnë arritjet […]

Krahasuar me një dekadë më parë, këtë vit 126000 nxënës më pak në bankat e arsimit 9 vjeçar

Numri i nxënësve në shkolla është duke u tkurrur me shpejtësi dhe kjo është më e dukshme në arsimin 9-vjeçar. Rënia e lindshmërisë dhe emigracioni i lartë janë dy faktorët që po zbrazin shkollat, dhe do të bëhen sfidë për zhvillimin e qëndrueshëm të vendit. Sipas të dhënave të INSTAT, numri i nxënëseve në […]

50 mijë persona mbetën të papunë si pasojë e krizës që shkaktoi pandemia e COVID-19

50 mijë persona rezultojnë të kenë humbur vendin e punës, gjatë 6 mujorit të parë të këtij viti, nën efektin kryesisht të pandemisë së COVID 19-ës. Sipas të dhënave të Anketës së forcave të Punës, të publikuara nga Instituti shqiptar i Statistikave, INSTAT, në fund të tremujorit të dytë përllogariteshin 1.224.823 të punësuar, ndërkohë […]

  • © 2017 Albanian Profile Të gjitha të drejtat e rezervuara