Albanian Profile
e premte 3 dhjetor 2021
e premte 3 dhjetor 2021

 

Për ata të sëmurë në gjendje të rëndë qoftë edhe me Covid-19 është një kalvar i gjatë mundimi për të mbërritur tek shtretërit e infektivit apo QSUT-së. Trafik makinash me shoferë të inatosur, të cilët mezi presin të shkojnë në denstinacionin që duan. Kjo sepse Unaza e Vogël e kryeqytetit nga dy korsi ka mbetur vetëm me një të tillë si pasojë e parkimit dysh dhe bllokimit me makina të parkuara në të gjithë gjatësinë nga “Zogu i Zi” e deri tek spitalet.

 

Policët edhe pse thuhet janë përqendruar për mënyrën e sjelljes së drejtuesve të mjeteve në rrethrrotullim dhe përparësitë ndaj këmbësorëve po e tolerojnë me vetëdije këtë situatë.

 

Radhë të gjata automjetesh në trafik u vërejtën edhe në rrugët e brendshme të kryeqytetit. Edhe pse shumica e banorëve pretendohet të jenë nëpër plazhe apo nëpër male për turizëm, trafiku i kësaj të enjte ka nervozuar shoferët jo vetëm në këtë aks, por në të gjitha rrugët e brendshme të kryeqytetit.

 

Në orët e para të mëngjesit të së enjtes të gjithë rrugët e Tiranës ishin të përfshira në trafik. Situata vazhdon të jetë e rënduar sidomos në rrugët hyrëse, kjo si pasojë e mungesës së mbikalimeve dhe nënkalimeve në rrugët kryesore të Tiranës.

 

Madje edhe ambulancat e kanë patur mjaft të vështirë të kalojnë në këtë trafik të rënduar. Arsyeja kryesore e trafikut të rënduar është edhe ngushtimi i rrugëve për shkak të punimeve në zona të ndryshme të kryeqytetit.

 

Zonat  më problematike janë Unaza e Vogël dhe kryqëzimi i “Vasil Shantos”.Edhe pse shkollat ende s’kanë filluar, radhët kanë krijuar shqetësim te qytetarët.

 

E njëjta situatë vijoi për disa orë edhe tek “Dogana”, ku drejtuesve iu deshën të presin me kohë të gjatë në kryeqytet. Klan Plus

Më shumë

Sherri mes afganëve në Lezhë: Gruaja qëlloi me thikë bashkëjetuesin!

Një grua afgane ka plagosur me thikë bashkëjetuesin që po qëndrojnë në Shëngjin. Nuk dihen ende rrethanat e plagosjes, por mësohet se i plagosuri është dërguar me urgjencë në spital, ai ndodhet jashtë rrezikut për jetën, ndërkohë që gruaja është shoqëruar në polici për të sqaruar rrethanat e ngjarjes.   Njoftimi i Policisë Policia […]

Vjedhja e energjisë, ka çuar në zbulimin e një laboratori që prodhonte Bitcoin në Krujë

Vjedhja e energjisë në Krujë, ka çuar në zbulimin e një laboratori që përdorej për prodhimin e Bitcoin në Krujë. OSHEE mësohet se ka zhvilluar një operacion mëngjesin e sotëm në një objekt pasi dyshohet për vjedhje energjie. Pasi kanë kontrolluar lidhjet elektrike, grupi i OSHEE kanë zbuluar se në këtë godinë kishte ndërhyrje […]

Organizatat studentore kundërshtojnë vaksinimin e detyrueshëm

Organizatat studentore shqiptare i thanë BIRN se vaksinimi i studentëve nuk duhet të jetë i detyrueshëm, megjithëse ata mbështesin në parim vaksinimin kundër COVID-19.   Vaksinimi i nxënësve, studentëve dhe punonjësve të arsimit, së bashku me punonjësit e shëndetësisë, u bë i detyrueshëm në Shqipëri në gusht dhe, ndërsa viti i ri akademik është […]

  • © 2017 Albanian Profile Të gjitha të drejtat e rezervuara