e premte 28 janar 2022
e premte 28 janar 2022

 

Me 57 vota “Pro” dhe 32 “Kundër”, Kuvendi i Maqedonisë së Veriut miratoi ligjin për shtetësi. Me ndryshimet në këtë ligj synohet të zgjidhet problemi i mijëra qytetarëve, shumë prej tyre shqiptarë, të cilëve u mohohet shtetësia edhe pse janë lindur ose me vite jetojnë në territorin e Maqedonisë së Veriut.

Ligji parashikon që kërkuesit e shtetësisë të mund të dëshmojnë se kanë jetuar në vend duke dorëzuar dokumente personale, certifikatë të lindjes, librezë pune, fletë-pronësi, fatura për obligimet komunale, librezë shëndetësore, tatime të paguara si dhe disa dokumente të tjera, të cilat deri tani nuk pranoheshin si dëshmi.

Ndryshimet e ligjit ishin nismë e koalicionit opozitar shqiptar, Aleanca për Shqiptarët e Alternativa. Kryetari i Aleancës për Shqiptarët Ziadin Sela tha se me këtë ligj ndërpritet diskriminimi dhe mohimi i të drejtave bazë të kësaj kategorie të qytetarëve.

“Shfrytëzoj rastin që të falenderoj në emrin tim personal, në emër edhe të grupit parlamentarë të ASH-AAA të gjithë deputetët të cilët e përkrahën dhe e votuan këtë ligj, sepse në fund të fundit e dëshmuam që jetojmë me problemet me të cilat përballen qytetarët. Dhe, kjo do të jetë një bazë e mirë në mënyrë që të arrihet edhe kjo e drejtë e këtyre qytetarëve që u është mohuar me dekada të tëra”, tha kryetari i Aleancës për Shqiptarët Ziadin Sela.

Ndërkaq, kryetari i Alternativës Afrim Gashi tha se me miratimin e këtij ligji, shteti në një farë mënyre ka pranuar fajin për diskriminimin që u ka bërë një numri të madh të qytetarëve që nga Pavarësia.

“Sot Kuvendi i Maqedonisë së Veriut me votimin e këtij ligji, ka pranuar një faj që ua ka bërë këtyre qytetarëve dhe njëkohësisht prej sot e andej ua njeh këtë të drejtë. Besoj që në të ardhmen nuk do të ndodhin gjëra të tilla të këtyre përmasave, të diskriminojnë qytetarët në këtë nivel”, u shpreh kryetari i Alternativës Afrim Gashi.

Projektligji për shtetësinë fillimisht u kundërshtua nga qeveria. Por pas bllokimit të punës së Kuvendit me mijëra amendamente nga opozita shqiptare, palët u ulën në tavolinë dhe përmes dialogut arritën te një zgjidhje kompromisi.

Më shumë

Zgjedhjet lokale: Bilall Kasami kryetar i Tetovës

Partia opozitare në Maqedoninë e Veriut, VMRO-DPMNE, shpalli të dielën mbrëma fitoren në shumicën e komunave në raundin e dytë të zgjedhjeve për pushtetin lokal.   Ndërsa nga partitë shqiptarë, Bashkimi Demokratik për Integrim tha se është fituese në këto zgjedhje, ndonëse humbi Tetovën që vlerësohet si komuna me e rëndësishme për shqiptarët […]

Maqedonia e Veriut shënon 30 vjetorin e pavarësisë

Me rastin e festimit të kësaj dite, në qendër të kryeqytetit do të parakalojnë punonjësit shëndetësorë, sportistët, zjarrfikësit, policia dhe ushtarët, minatorët, fermerët, vullnetarët e Kryqit të Kuq, si dhe ansamble kombëtare dhe shoqatat kulturore dhe artistike.   Festa qendrore do të jetë e hapur para Kuvendit duke filluar nga ora 17:30 dhe […]

Digjet spitali në Tetovë – viktima dhe të plagosur

Një zjarr përfshiu të mërkurën mbrëma spitalin në Tetovë ku ishin të shtrirë të sëmurë nga COVID-19 duke lënë pas vetes viktima të dhe të plagosur.   Ministri i Shëndetësisë i Maqedonisë së Veriut, Venko Filipçe, tha se deri tash janë konfirmuar 10 viktima, por numri mund të rritet.   Në Tetovë ndodhet […]

20-vjetori i Marrëveshjes së Ohrit

Nënshkrimi i Marrëveshjes së Ohrit u bë i mundur pas luftës së armatosur të vitit 2001. Marrëveshja u realizua me ndihmën e bashkësisë ndërkombëtare.   Qeveria e Maqedonisë së Veriut në bashkëpunim me programin për ndërtimin e paqes dhe të drejtat e njeriut në Universitetin Columbia organizoi panelin ndërkombëtar “Përtej Ohrit”.   Në panelin ndërkombëtar […]

  • © 2017 Albanian Profile Të gjitha të drejtat e rezervuara