e hënë 12 prill 2021
e hënë 12 prill 2021

 

Nga dita e sotme, pika e kalimit kufitar të Kapshticës është mbyllur.

 

Duket se dy të arrestuarit përpara tre ditësh me test negativ të falsifikuar në Greqi, dhe ngjarja e djeshme në Kakavijë ku një shqiptare është kthyer me vrap në tokën shqiptare pasi kontrollorët grekë verifikuan që kishte falsifikuar testin për COVID-19, ka bërë që pala greke të mbyllë doganën e Kapshticës, duke lënë të hapur vetëm Kakavijën me numër të limituar, deri në 750 persona në ditë.

 

Tre ditë më parë janë arrestuar në territorin grek dy shtetas shqiptarë me test të falsifikuar, të cilët u thanë autoriteteve greke se testet i kishin marrë në një agjenci udhëtimi në Korçë, ndërsa me gjasa janë të implikuar edhe policë shqiptare që shërbejnë në këtë pikë kufitare.

 

Sipas informacioneve të shërbimeve greke, trafikantët kanë shfrytëzuar mungesën e ekipit të mjekëve që kryejnë testet verifikuese rapid test në pikën kufitare, duke e kthyer doganën e Kapshticës në një pikë të kuqe për infektimin nga covid për Greqinë e Veriut.

 

Së fundmi organet greke të sigurisë janë vënë në alarm, pas informacioneve të shërbimeve greke të sigurisë, se në zonën e Korçës ekzistojnë laboratorë të cilat falsifikojnë përgjigjet e testeve negative të COVID-19 PCR , që shërbejnë së bashku me formën PFL, për të hyrë në territorin grek.

 

Nga ana e saj ministria për Evropën dhe Punët e Jashtme njofton në lidhje me kufizimet e hyrjes në rrugë tokësore të udhëtarëve drejt Greqisë, përfshirë pikat kufitare me Shqipërinë. Si më poshtë, detaje të vendimit të publikuar në Gazetën Zyrtare të Qeverisë greke:

 

Duke filluar nga dita e nesërme, datë 20 nëntor 2020, ora 06:00 e mëngjesit, mbyllet pika kufitare në Kapshticë. Kushdo që do të hyjë nga kjo pikë në territorin grek para orën 6:00, datë 20 nëntor, duhet të vetëkarantinohet një javë.

 

Lejohet kalimi i njerëzve, automjeteve, kamionave në Kakavijë. Në rast kalimi, aplikohet vetëkarantinim i detyrueshëm një javë pavarësisht shtetësisë dhe në rast shkelje, gjobitesh me 5000€.

 

Orari i lëvizjes në Kakavijë është 7:00- 23:00 dhe vetëm 750 persona lejohen të kalojnë në ditë.

 

Kush hyn në Greqi për nevoja absolute pune dhe del nga territori i saj, nuk do të ketë më mundësi të hyjë deri në përfundim të afatit të vendimit.

 

Më tej, qytetarët që hyjnë në Greqi, përveç paraqitjes së testit negativ PCR të kryer deri në 72 orë më parë, do të kryejnë edhe rapid test nga Njësi të Sekretariatit të Përgjithshëm të Mbrojtjes Civile dhe Organizatës Kombëtare të Shëndetit Publik të Greqisë. Personat që rezultojnë negativë, mund të hyjnë në vend dhe të shkojnë në destinacionin e tyre, në bazë të dokumentit PLF që do dorëzojnë.

 

Ky vendim vlen vetëm për kufijtë tokësorë, të lartpërmendur, ndërkohë që kufijtë ajrorë mbeten të hapur. Vendim do të jetë në fuqi nga data 20.11-4.12.2020.

 

 

Më shumë

Vazhdon kaosi në aeroport, anulohen të gjitha fluturimet

TIA ka njoftuar në faqen zyrtare anulimin e fluturimeve të paradites së sotme, ndërkohë që ende nuk ka asnjë vendim për fluturimet e orëve të pasdites.   Situata vijon të mbetet shqetësuese në aeroportin e Rinasit, teksa deri më tani 26 kontrollorë janë shoqëruar në ambientet e Policisë së Shtetit.   Shoqërimet e tyre […]

Një muaj nga zgjedhjet, Rama dhe Basha çelin fushatën nga qendra e Tiranës

Dy partitë e mëdha politike hapën të enjten në mbrëmje fushatat e tyre për zgjedhjet e 25 prillit.   Në sheshin “Nënë Tereza” të tejngjeshur me përkrahës opozitarë dhe automjetet e tyre, Partia Demokratike zhvilloi tubimin e vet, duke shkelur rregullat e pandemisë për t’u mbrojtur nga koronavirusi, ku mijëra pjesëmarrës nuk ruanin distancën […]

Studimi mbi ekstremizmin e dhunshëm: “Qytetarët më shumë të shqetësuar për ekstremizmin politik”

Instituti për Demokraci dhe Ndërmjetësim publikoi sondazhin kombëtar “Statusi i Ekstremizmit të Dhunshëm në Shqipëri 2021”.   Studimi zbuloi se shqiptarët janë gati të presin për riintegrim të kthyerit nga zonat siriane të konfliktit, por ata janë më shumë të shqetësuar për ekstremizmin politik sesa për ekstremizmin fetar apo nacionalist.   Të anketuarit pohuan […]

Shqipëri-Andorrë, Kuqezinjtë nisin rrugëtimin drejt Katar 2022

Asnjë dëmtim dhe i gjithë grupi në dispozicion të trajnerit Edy Reja. Përfaqësuesja shqiptare e futbollit mbylli përgatitjet e fundit, mbrëmjen e së mërkurës dhe është gati për të zbritur sot në fushë për debutimin në kualifikueset e kampionatit botëror Katar 2022.   Për fat të mirë, edhe tamponët përpara ndeshjes rezultuan të gjithë […]

  • © 2017 Albanian Profile Të gjitha të drejtat e rezervuara