e enjte 29 korrik 2021
e enjte 29 korrik 2021

 

Rreth tre vjet pas dakordimit për të filluar kërkimin për personat që u zhdukën gjatë regjimit komunist, prokurorët shqiptarë nuk kanë dhënë ende urdhra për të gërmuar varret e dyshuara masive, thotë një raport nga Komisioni Ndërkombëtar për Personat e Zhdukur.

 

Komisioni Ndërkombëtar për Personat e Zhdukur, ICMP tha në një raport të publikuar të martën se prokurorët shqiptarë ende nuk po lëshojnë urdhra për zhvarrosjen e vendeve të dyshuara të varreve masive ku mund të jenë varrosur njerëz që u zhdukën gjatë periudhës komuniste.

 

Qeveria shqiptare ra dakord me ICMP për të filluar kërkimin në 2018, pas tetë vjet negociatash.

 

ICMP dhe Instituti për Integrimin e ish të Përndjekurve Politikë atëherë paraqitën kërkesën e tyre të parë për të gërmuar dy varre masive të njohur nga epoka komuniste në Dajt dhe Ballsh në shtator 2018.

 

“Deri më sot, nuk janë lëshuar urdhra për gërmimin e vendeve të dyshuara”, thuhet në raportin e ri të ICMP.

 

“Zyrat e prokurorëve nuk kanë lëshuar urdhra për gërmime, duke përmendur mungesën e burimeve financiare për të mbuluar kostot që do të lindnin nga angazhimi i ekspertëve teknikë të Institutit të Mjekësisë Ligjore të Shqipërisë”, shton ai.

 

Të njëjtat shqetësime në lidhje me progresin e ngadaltë në nisjen e gërmimeve në dy vendet e varreve masive u ngritën në një konferencë në Tiranë në vitin 2019.

 

ICMP është zotuar të ndihmojë Shqipërinë të hetojë dhe identifikojë eshtrat e mbi 6,000 shqiptarëve që u vranë ose u zhdukën nën regjimin komunistin autoritar të diktatorit Enver Hoxha në vend midis vitit 1944 dhe 1991.

 

“Sipas të dhënave zyrtare, 5,501 persona të dënuar për arsye politike u ekzekutuan gjatë kësaj periudhe. Trupat e tyre nuk iu kthyen kurrë familjeve të tyre”, thuhet në raportin e ICMP.

 

“Të dhënat zyrtare tregojnë gjithashtu se 987 të burgosur politikë vdiqën nga shkaqe të ndryshme në burgjet dhe qendrat e paraburgimit në Shqipëri. Vendndodhja e mbetjeve të tyre mortore nuk dihet nga të afërmit e të mbijetuarve”, shton ai. BIRN

 

Më shumë

Përfundon afati për regjistrim online për klasat e para, asnjë përgjigje nga institucionet

Shqipëria aplikoi për herë të parë këtë vit, regjistrimin e fëmijëve në klasën e parë, përmes portalit e-Albania. Të dhënat paraprake tregojnë se nga data 15-30 qershor janë kryer 5580 aplikime në 182 shkollat ku u pilotua ky proces. Pas regjistrimit në e-Albania, prindërit apo kujdestarët ligjorë të fëmijës, duhet të ishin njoftuar nga […]

Në universite, më shumë vajza/ Meshkuj linden më shumë, por arsimohen më pak

Në Shqipëri lindin më shumë djem sesa vajza, si dhe janë ata që kur rriten emigrojnë më shumë se sa gratë shqiptarë, tregojnë të dhënat më të fundit nga Instituti i I statistikave.   Diferencimi gjinor vihet re edhe në ciklet arsimore. Teksa në arsimin parauniversitar pjesëmarrja e djemve është më e lartë se […]

Në 1939, nën pushtimin italian, Tirana bëhet me rrjet ujësjellës

Ishte viti 1939 kur në Tiranë për herë të parë u ndërtua sistemi i ujësjellësit!   Deri në këtë vit kryeqyteti i Shqipërisë me ujë furnizohej nga puset.   Në ’39-tën, me përfundimin e qendrës së Tiranës, ndërtimin e ministrive dhe shëtitores “Dëshmorët e Kombit”, u vu në punë Impianti i Pastrimit të Ujit […]

Me Himnin e Flamurit biznesi i Vlorës, proteston kundër masave anti-covid

Gjatë mbrëmjes së djeshme baret dhe restorantet në zonën e Lungomares në Vlorë protestuan për  ndryshimin e orës policore nën tingujt e Himnit të Flamurit.   Disa prej pronarëve të bizneseve refuzuan ta mbyllin aktivitetin e tyre dhe më pas janë përplasur me efektivët.   Policia shoqëroi dhe tërhoqi me forcë mbrëmjen e […]

  • © 2017 Albanian Profile Të gjitha të drejtat e rezervuara