e shtunë 23 janar 2021
e shtunë 23 janar 2021

 

 

Një Institut amerikan i ka akuzuar autoritetet kineze se kanë detyruar qindra mijëra ujgurë etnikë dhe njerëz të tjerë, kryesisht myslimanë autoktonë, të bëjnë punë të rënda fizike në fushat e pambukut në provincën perëndimore të Ksinjiang.

 

Dokumentet e qeverisë kineze dhe raportet e mediave treguan se të paktën 570.000 njerëz, në tre rajone me shumicë ujgure, u dërguan të punojnë në fusha të pambukut, përmes një skeme shtetërore të “zbutjes së varfërisë”, thuhet në raportin e botuar më 15 dhjetor nga Qendra për Politika Globale.

 

Raporti tha se numri i përgjithshëm ka të ngjarë të jetë “disa qindra mijëra” më i lartë.

 

Këtë vit, Shtetet e Bashkuara sanksionuan Korpusin e Prodhimit dhe Ndërtimit Xinjiang (XPCC), duke thënë se ishte përfshirë në “shkelje serioze të të drejtave” të ujgurëve dhe grupeve të tjera të pakicave në rajon.

 

Por, kjo njësi prodhon vetëm një të tretën e pambukut të Ksinjiangut, tha Qendra për Politikën Globale, duke shtuar se “puna e detyruar lidhej me të gjithë pambukun e prodhuar në Ksinjiang”.

 

Rajoni prodhon 85 për qind të pambukut të Kinës dhe 20 për qind të furnizimit global.

 

Ministria e Jashtme e Kinës e hodhi poshtë raportin, duke thënë se të gjitha grupet etnike në Ksinjiang ishin të lira të zgjedhin profesionin e tyre.

 

“Ndihma për njerëzit e të gjitha grupeve etnike për të siguruar punësim të qëndrueshëm është krejtësisht e ndryshme nga puna e detyruar”, tha zëdhënësi i ministrisë, Wang Wenbin.

 

Pekini është përballur me kritika të fuqishme ndërkombëtare për politikat e tij në Ksinjiang, ku Kombet e Bashkuara kanë vlerësuar se të paktën 1 milion ujgurë etnikë dhe pakica të tjera janë arrestuar dhe mbahen në ato që përshkruhen si “qendra kundër-ekstremizmit” në rajon.

 

Kombet e Bashkuara kanë thënë gjithashtu se miliona të tjerë janë dërguar në kampe internimi, megjithëse Pekini këmbëngul se objektet janë “qendra të arsimit profesional” që synojnë të ndihmojnë njerëzit të largohen nga terrorizmi dhe t’i lejojnë ata të riintegrohen në shoqëri.

 

*Në foto: Pjesëtarë të komunitetit ujgur në Ksinjiang të Kinës.

Më shumë

FBI: Përpjekje për t’u shitur rusëve kompjuterin e zyrës së Pelosit

Sipas një aktpadie, strukturat e zbatimit të ligjit po kryejnë hetime mbi një grua e cila dyshohet se ka marrë një kompjuter portativ ose një usb nga zyra e Kryetares së Dhomës së Përfaqësuesve Nancy Pelosi gjatë sulmit të dhunshëm të 6 janarit në Kapitol dhe më pas është përpjekur t’ia shesë pajisjet zbulimit […]

Ekspertët e OBSH mbërrijnë në Wuhan për të hetuar origjinën e koronavirusit

Një ekip shkencëtarësh nga Organizata Botërore e Shëndetësisë (OBSH) mbërritën në Wuhan, kryeqyteti i Provincës Hubei të Kinës qendrore, të enjten për të bashkëpunuar me kolegët e tyre kinezë në hulumtimin mbi origjinën e mundshme të koronavirusit të ri Sars-Cov-2.   Ekipi i OBSH-së iu nënshtrua kontrollit PCR dhe testeve të antitrupave për koronavirusin […]

Një gjykatë në Peru akuzon Soros, Bill Gates dhe Rockefeller: “Ata krijuan COVID-19”

Sipas një gjykate në Peru, virusi u krijua nga figura të shquara të tilla si Gates, Soros dhe Rockefeller për të shfrytëzuar aspektet ekonomike të pandemisë.   LIMA (Peru) – Një gjykatë peruane ka deklaruar se COVID-19 është një shpikje e “elitës kriminale botërore” e përbërë, sipas magjistratëve të kësaj gjykate, nga miliarderë […]

Vendi i pagëzimit të Jezusit, i pastruar nga minat pas 50 vjetësh

Një faltore afër vendit tradicional të pagëzimit të Jezusit në lumin Jordan, priti të dielën një meshë Epifanie për herë të parë në më shumë se 50 vjet pasi u shpall pa mina.   At Francesco Patton, kujdestari i Tokës së Shenjtë për kishën Katolike Romake, udhëhoqi pruftërinjtë françeskanë drejt një vendi të […]

  • © 2017 Albanian Profile Të gjitha të drejtat e rezervuara