e shtunë 4 dhjetor 2021
e shtunë 4 dhjetor 2021

 

 

Kina dhe Rusia përmes një projekt-rezolute po kërkojnë që Këshilli i Sigurimit të lehtësojë sanksionet kundër Koresë së Veriut, me qëllim të përmirësimit të jetesës së popullatës. Projekt-rezoluta bën thirrje për heqjen e sanksioneve për eksportet e ushqimeve të detit dhe tekstilit dhe mbi importet e produkteve të naftës të rafinuar.

 

Detajet e draftit të rezolutës janë raportuar nga AP dhe Reuters.

 

Edhe në vitin 2019 Kina dhe Rusia patën qarkulluar një projektrezolutë të ngjashme mirëpo ajo ishte hedhur poshtë nga vendet perëndimore dhe nuk doli kurrë në votim. Diplomatët që folën në kushte anonimiteti treguan se rezoluta e fundit mbase do të përballet me një kundërshtim të ngjashëm për shkak të shkeljeve të vazhdueshme të sanksioneve të OKB-së nga Koreja e Veriut.

 

Ata thanë se Kina dhe Rusia nuk kanë planifikuar ende ndonjë bisedë mbi draftin. Misioni i Shteteve të Bashkuara në Kombet e Bashkuara tha se administrata e presidentin amerikan, Joe Biden “mbetet e përkushtuar ndaj regjimit të sanksioneve” dhe tha se anëtarët e OKB-së duhet të fokusohen në sanksionet tashmë të vendosura.

 

“Koreja e Veriut nuk ka ndërmarrë asnjë hap për të përmbushur kërkesat e Këshillit të Sigurimit në lidhje me programet e saj të ndaluara bërthamore dhe raketore balistike”, tha një zëdhënës i misionit të OKB-së.

 

Projekt-rezoluta Kinë-Rusi nuk përmend testet e fundit të raketave nga Koreja e Veriut.

 

Koreja e Veriut, e cila ka vuajtur prej kohësh nga pasiguria ushqimore, po përjeton rritje të çmimeve dhe mungesë të ilaçeve dhe furnizimeve të tjera thelbësore. Vendi ka thënë se nuk ka pasur asnjë rast të COVID-19, por ekspertët e kanë vënë në dyshim pretendimin.

 

Ndërkohë në periudhën e fundit ka bërë disa testime të raketave balistike.

 

Më shumë

Shtetet e Bashkuara dhe Kina befasojnë me një deklaratë të përbashkët për klimën

Shtetet e Bashkuara dhe Kina befasuan takimin botëror për klimën COP26, që po mbahet në Glasgou, me një deklaratë të përbashkët, në të cilën zotohen se do të ndërmarrin veprime për të kufizuar ngrohjen globale gjatë dekadës së ardhshme.   Deklarata u bë ndërsa delegatët hynë në orët e fundit të negociatave për […]

Britania paralajmëron qytetarët se mund të ekstradohen në Hong Kong

Ligji i sigurisë kombëtare, të cilin Kina vendosi kohët e fundit në Hong Kong po shkakton shqetësime. Britania ka paralajmëruar disa nga qytetarët e saj se ata mund të përballen me arrestim dhe ekstradim në ish-koloninë britanike nëse udhëtojnë në vende të treta që kanë marrëveshje ekstradimi me Kinën.   Në qershor të […]

SHBA, 10 mln dollarë për të gjetur “kokat” e grupit kriminal “REvil”

Zyrtarët amerikanë bënë të ditur se Uashingtoni ka ngritur padi ndaj dy personave, të dyshuar si pjesë e grupit kriminal REvil, lidhur me një valë sulmesh kibernetike, përfshirë një rast që çoi në mbylljen e përkohshme të fabrikës më të madhe të përpunimit të mishit në botë, si dhe sulme të tjera ndaj […]

OKB: 45 milionë njerëz kërcënohen nga uria

Rreth 45 milionë njerëz në të gjithë botën janë aktualisht të kërcënuar nga uria, tha Organizata e Kombeve të Bashkuara.   Sipas Programit Botëror të Ushqimit (WFP), situata është veçanërisht e rëndë në Afganistan. Shefi i këtij programi, David Beasley, u bëri thirrje individëve të pasur që të ndihmojnë me donacione.   Ai […]

  • © 2017 Albanian Profile Të gjitha të drejtat e rezervuara