Koha për të përgatitur dollma–japrak, me lakër të bardhë – më të shijshmet e Traditës Shqiptare

 

Disa u thonë japrak, disa të tjerë dollma, por ka edhe akoma të tjerë që u thonë sarma me lakër të bardhë.

 

Të shijshme sa s’ka më, lakrat turshi të mbushura janë padyshim një ndër gatimet më fantastike shqiptare.

 

Të lehta e të plota në shije ashtu si edhe në përgatitje, ky është një ndër gatimet që nëse i ke përpara në tryezë vështirë se mund t’i rezistosh.

 

Është ndër recetat që ka fituar zemrën dhe oreksin e shqiptarëve prej shekujsh e shekujsh me radhë, trashëguar brez pas brezi duke vijuar edhe sot të ketë po të njëjtën shije e tërheqje ashtu si dikur.

 

Më poshtë sjellim recetën tipike me japrakë me lakër të bardhë, e thjeshtë për t’u përgatitur e për të kënaqur gjithë familjen me një vakt krejt të shijshëm.

 

Përgatitja Krejt Lehtë në Shtëpi

Përbërësit

1 lakër e plotë e bardhë

 

Gjysmë kg mish i grirë

 

Vaj ulliri

 

2 kokrra qepe

 

4 thelpinj hudhre

 

Dy filxhanë të vegjël me oriz

 

Piper i kuq

 

Piper i zi

 

Përgatitja

Ndajmë të gjitha gjethet e lakrës së bardhë nga kërcelli.

 

I pastrojmë me ujë të bollshëm dhe i vendosim në një tas.

 

Qepën dhe hudhrat i grijmë hollë përmes një thike të mprehtë.

 

Në një tigan hedhim vajin e ullirit dhe e vendosim në zjarr.

 

Hedhim qepët dhe hudhrat dhe i kavërdisim për pak minuta derisa volumi i tyre të bjerë. Në këtë moment i heqim nga zjarri.

 

Hedhim mishin e grirë në një tas, hedhim gjithashtu qepët dhe hudhrat e kavërdisura, hedhim orizin, piperin e kuq dhe pierin e zi bashkë me kripën.

 

I përzjejmë derisa të sigurohemi që masa është e njëtrajtshme.

 

Mbushja e Gjetheve të Lakrës së Bardhë

Pasi kemi gati mbushjen, nisim përgatitjen e dollmave.

 

Hapim një gjethe lakër, në qendër të saj vendosim një lugë me mbushjen e përgatitur.

 

Kthejmë anët e lakrës duke mbështjellë mbushjen e më pas e paketojmë në formën e rolesë.

 

Vijojmë kështu edhe me gjethet e tjera duke ruajtur tre të tillë për më vonë.

 

Pasi kemi përgatitur të gjitha roletë e japrakëve të mbushur, tre nga gjethet e lakrës turshi të lënë mënjanë, i grijmë hollë dhe i vendosim në tenxhere.

 

Mbi to nisim të vendosim me rradhë roletë e dollmave.

 

Pasi i kemi vendosur të gjitha, i spërkasim me tre lugë vaj ulliri dhe pas u hedhim ujë të nxhetë derisa të mbulohen.

 

Më pas, tenxheren e mbulojmë dhe dollmat i lëmë të zjejnë për rreth 45-50 minuta.

 

Në fund nëse preferoni mund t’i servirni me disa feta limoni të prera hollë sipër.

 

Japrakët me lakër të bardhë mund të shoqërohen me supa të lehta dhe sallata të stinës.

Më shumë

• 

  Japrak me gjethe rrushi – Shije fantastike nga tradita

• 

  Ëmbëlsira e Pranverës – Receta e Vjetër e Traditës Arbëreshe

• 

  Pulë me lëng me miell misri – një recetë e ngrohtë plot shije dhe vlera

• 

  Petulla me nenexhik, djathë e hudhra – për të kënaqur nepsin dhe oreksin

• 

  Koha për të përgatitur dollma–japrak, me lakër të bardhë – më të shijshmet e Traditës Shqiptare

• 

  Jahni me presh dhe mish viçi – receta dimërore