Koronavirusi në Shqipëri, Qeveria mbyll shkollat, ndërpriten fluturimet dhe lundrimet me veriun e Italisë

Mbrëmjen e së dielës u konfirmuan dy rastet e para me koronavirus në Shqipëri, ku babë e bir, 54 vjeç dhe 28 vjeç kanë qëndruar disa ditë në Firence dhe kanë udhëtuar në rrugë tokësore nga Firence drejt Tiranës, nëpërmjet pikës kufitare të Hanit të Hotit, me makinë personale.

Menjëherë pas shfaqjes së shenjave klinike dhe lajmërimit të urgjencës kombëtare në nr.127 i janë marrë mostrat, të cilat u konfirmuan mbrëmjen e sotme nga laboratori i virologjisë në IShP.

Dy rastet e konfirmuara me COVID-19 janë në gjendje të stabilizuar dhe po trajtohen në spitalin infektiv në Tiranë. Strukturat e shëndetit publik po realizojnë hetimin epidemiologjik dhe marrjen e mostrave të kontakteve.

Ndërkohë Qeveria në një mbledje urgjente vendosi që shkollat të mbyllen për dy javë.

Fluturimet me veriun e Italisë, do të ndërpriten deri në 3 prill, për shkak se kjo pjesë e shtetit fqinj, është cilësuar si “zonë e kuqe”.

Këto masa u prezantuan nga Kryeministri Edi Rama në mbledhjen e jashtëzakonshme të qeverisë mëngjezin e sotëm.

“Masat e sotme vijnë në ndjekje të protokollit të përcaktuar nga OBSH. Mbyllja e institucioneve arsimore për një periudhë dy javore, dhe pastaj vlerësimi në proces. Gjithashtu pezullimi i fluturimeve e Italinë e veriut deri në 3 prill. Nga të gjitha statistikat e nxjerra deri më tani pjesa më pak e kërcënuar është e të rinjve, por nga ana tjetër duhet kuptuar se të rinjtë, fëmijët, të cilët për shkak të faktit që duhet të shkojnë në shkollë apo kopsht dhe mblidhen së bashku mund ta transmetojnë virusin tek të tjerët, edhe pse tek ata vetë virusi nuk shfaqet kërcënues në rrezikshmëri për jetën”, u shpreh Rama.

Ai sqaroi se është momenti të mbyllen të gjitha institucionet arsimore dhe të kërkohet anulimi i të gjitha grumbullimeve masive, kulturore, sportive, dëgjesave publike, deri në datën 3 prill, për ta parë dinamikën e këtij zhvillimi dhe pastaj për të vendosur për më tutje.

Po ashtu kreu i qeverisë kërkoi që gjithë ata që vijnë nga “zonat e kuqe” të vetëkarantinohen për 14 ditë dhe ata që ndodhen prej tyre të përdorin ndonjë filtër mbrojtës.

Kryeministri kërkoi që ata që kanë të afërmit e prekur me koronavirus, të shmangin vizitat në spital.

Rama bëri me dije se në dispozicion të situatës së emergjencës është vendosur edhe një fond tjetër prej 400 milionë lekësh, sipas kërkesave të Ministrisë së Shëndetësisë.

Ministria e Infrastrukturës dhe Energjisë ka urdhëruar ndalimin e lundrimeve të trageteve drejt Italisë.

9 mars 2020

• 

  Vaji i palmës favorizon përhapjen e kancerit

• 

  Dita Botërore kundër HIV-AIDS – Më shumë meshkuj nën 20 vjeç të prekur në Shqipëri

• 

  Omicron – varianti i ri i COVID-19 i identifikuar në Afrikën e Jugut

• 

  Vdekshmëria foshnjore, Shqipëria është vendi me bilancin më negativ në kontinent

• 

  Pfizer në kaos/ E punësuara vodhi dokumentet konfidenciale për vaksinën antiCovid dhe ia mbathi

• 

  BE rekomandon përdorimin e pilulës së Merck kundër COVID-19