e mërkurë 18 maj 2022
e mërkurë 18 maj 2022

 

Policia e Kosovës arrestoi pesë vetë të dyshuar për përgatitjen e veprave terroriste, Atyre ju konfiksuan mjete të ndryshme shpërthyese, dron dhe armë antitanke.

 

 

Arrestimi i pesë të dyshuarve erdhi pas një hetimi disamujor nga Drejtoria Kundër Terrorizmit e Policisë së Kosovës, njoftoi Prokuroria Speciale e Kosvës.

 

Pesë të ndaluarve pritet t’u caktohet masa e paraburgimit, sepse dyshohen për kryerjen e disa veprave penale, si përgatitje veprash terroriste, kryerje të veprës terroriste si dhe vepra penale për import, eksport, furnizim, transportim, prodhim, këmbim, ndërmjetësim ose shitje të paautorizuar armësh apo lëndësh shpërthyese, thuhet në njoftimin e prokurorisë.

 

Parandalimi i ekstremizmit dhe i radikalizmit sfidë për Kosovën

 

Kosova po përballet që prej 10 vjetësh me shtimin e shkallës së radikalizimit tek të rinjtë, disa prej të cilëve janë përfshirë në konfliktet në Lindjen e Mesme. Ekspertë të çështjeve të sigurisë në Kosovë thonë se parandalimi i ekstremizmit dhe radikalizmit që shpie në terrorizëm do të vazhdojë të jetë sfidë për shtetin e Kosovës.

 

Një studim i bërë në vitin 2015 nga Qendra Kosovare për Studime për Sigurinë,  (QKSS) thuhej se që nga fillimi i konfliktit në Siri e deri në muajin janar të vitit 2015, 232 qytetarë të Kosovës kanë shkuar në Siri dhe Irak për të luftuar. Ky numër u rrit gjatë viteve të fundit. Deri tani sipas të dhënave zyrtare dhe jozyrtare, afro 60 kosovarë kanë humbur jetën në këto luftëra. Mbi 200 vetë janë arrestuar ose hetuar dhe mbi 50 syresh janë dënuar për përfshirje në luftërat në Lindjen e Mesme si dhe nxitje dhe rekrutim  luftëtarësh.

 

Kosova është pjesë aktive e aleancës globale kundër terrorizmit dhe ekstremizmit të dhunshëm. Parlamenti i Kosovës në fillim të vitit 2015 ka miratuar ligjin që synon parandalimin e qytetarëve të Kosovës për t’u bashkuar në luftëra jashtë vendit. Hapat konkretë që janë ndërmarrë për luftën kundër terrorizmit, janë: Ligji për ndalimin e bashkimit në konflikte të armatosura jashtë territorit të Kosovës, si dhe hartimi i strategjisë për parandalimin e ekstremizmit të dhunshëm dhe radikalizmit, që shpie në terrorizëm.

 

Më shumë

Kosova ftohet në takimin e lartë për demokraci

Kosova pritet të marr pjesë në takimin e lartë për demokraci që do të organizohet nga presidenti amerikan, Joe Biden më 9 dhe 10 dhjetor. Burime të Zërit të Amerikës konfirmuan pjesëmarrjen e Kosovës në këtë takim dhe sipas tyre, kjo u bë e ditur pas takimeve që presidentja Vjosa Osmani zhvilloi me […]

Mosnjohja e plotë e Kosovës, pengesë drejt NATO-s

Mosnjohja e Kosovës nga katër shtete evropiane që janë edhe pjesë NATO-s, është pengesa kryesore për anëtarësimin e Kosovës në këtë organizatë ndërkombëtare, u tha në Komisionin për Punë të Jashtme dhe Diasporë në Kuvendin e Kosovës.   Lidhur me anëtarësimin e Kosovës në NATO, para anëtarëve të këtij komisioni raportoi të martën […]

Kosova vendos sanksione për shtatë individë dhe një kompani për lidhje me Hezbollahun

Qeveria e Kosovës u vendosi sanksione shtatë afaristëve dhe një kompanie për lidhje me grupin ushtarak të Libanit, Hezbollah.   Ministrja e Jashtme e Kosovës, Donika Gërvalla-Schwarz, tha se sanksionet vendosen në pajtim me Rezolutën 1373 të Këshillit të Sigurimit të Kombeve të Bashkuara ndaj shtatë individëve dhe një kompanie “për lidhjet e […]

Kërcënohet kryeministri i Kosovës Albin Kurti

Masa të shtuara të sigurisë janë parë të mërkurën mbrëma përreth shtëpisë së kryeministrit të Kosovës, Albin Kurti.   Zëdhënësi i qeverisë, Përparim Kryeziu, tha se kryeministri Kurti është kërcënuar dhe për këtë arsye, “si masë e kujdesit të shtuar, është rritur edhe niveli i tij i sigurisë. Institucionet e hetuesisë dhe sigurisë […]

  • © 2017 Albanian Profile Të gjitha të drejtat e rezervuara