Albanian Profile
e shtunë 8 maj 2021
e shtunë 8 maj 2021

 

 

Referuar statistikave nga KQZ-ja, në këto zgjedhje të drejt votimi kanë  102,100 qytetarë që janë regjistruar dhe verifikuar për të votuar nga jashtë, për dallim nga zgjedhjet e vitit 2019, ku ishin 35,087 të regjistruar, por që në Kosovë brenda afatit arritën 20,200 vota.

 

Zëdhënësi i KQZ-së, Valmir Elezi, ka treguar numrin e aplikacioneve dhe se si ka vajtur ky proces, përcjell albinfo.ch.

 

“Në këtë proces zgjedhor kemi një numër rekord të qytetarëve që janë regjistruar suksesshëm nga jashtë për të votuar, për dallim nga herët e kaluara. Numri i atyre që kanë arritur të regjistrohen si votues jashtë vendit është 102,100 dhe të cilët kanë plotësuar kriteret e zotësisë juridike”.

 

Duhet theksuar se në total numri i aplikacioneve nga jashtë vendit ka qenë 130, 168, por vetëm 102,100 i kanë plotësuar kriteret ligjore, sipas Elezit.

 

“Pra, janë refuzuar diku 28,068 aplikacione për arsye që mund të ndahen në dy grupe: 15,933 janë refuzuar për shkak se kanë dërguar vetëm formularin e aplikimit për regjistrim, ndërsa 11, 164 aplikues janë refuzuar për shkak se nuk e kanë dëshmuar identitetin ose zotësisë juridike”.

 

“Në zgjedhjet e vitit 2019 kanë aplikuar 40, 313 persona dhe pas verifikimit, janë aprovuar 35,087, ndërsa 20,200 persona kanë dërguar pakon me postë. Në këto zgjedhje të shohim se sa do të jetë numri i atyre që do të dërgojnë pakon e tyre me fletëvotime përmes postës”.

 

Votimi për qytetarët jashtë vendit ka filluar më 2 shkurt dhe do të përfundojë më 12 shkurt, sipas ligjit në fuqi.

 

Ligji obligon që fletëvotimet të pranohen nga KQZ-ja 24 orë para ditës së zgjedhjeve.

 

Për ankesat e shumta që erdhën nga mërgimtarët se iu mohua e drejta e votës për shkak se KQZ nuk i thirri në telefon për t’i verifikuar, Elezi ka thënë se të gjithë ata që s’janë përgjigjur në telefon apo që nuk kanë arritur t’i telefonojnë, janë regjistruar me qëllimin që të mos u mohohet e drejta për të votuar.

 

Më shumë

35 ditë në pushtet, Qeveria Kurti 2 ende pa planprogram

Shefi i qeverisë të dielën ishte në Shqipëri.   E të martën kryeministri do të udhëtojë për në Bruksel për një vizitë zyrtare dy ditore atje.   Ndërsa pas kthimit Kurti planifikon ta dërgojë planprogramin për miratim në qeveri e votim në Kuvend.   Por në Zyrën e tij nuk kanë treguar se […]

Identifikohen dy shqiptarë të Kosovës në varrin masiv të gjetur në Serbi

Ekspertët ndërkombëtarë kanë konfirmuar identitetin e dy viktimave të tjera shqiptarë të Kosovës nga lufta e viteve 1998-1999 të cilët u gjetën të varrosur së bashku me të tjerë në një varr masiv në një minierë të hapur në Kizevak, Serbi.   Komisioni Ndërkombëtar për Personat e Zhdukur tha për BIRN të martën […]

Kosova për herë të dytë zgjedh një grua për presidente

Vjosa Osmani ka pranuar sot edhe zyrtarisht detyrën e presidentes së Kosovës.   Për shkak të pandemisë së koronavirusit, Osmani ka pranuar detyrën pa ceremoni të inaugurimit.   Kosova, për herë të dytë zgjedh një grua në krye të shtetit. Vjosa Osmani-Sadriu u zgjodh të dielën presidente e Kosovës pasi pro kandidaturës së […]

PE me shumicë votash mbështet liberalizimin e vizave për Kosovën

Parlamenti Europian me shumicë dërrmuese kanë mbështetur liberalizimin e vizave për Kosovën.   Raportuesja për Kosovën në këtë institucion, Viola von Cramon ka bërë të ditur se liberalizimin e vizave për Kosovën e kanë mbështetur 472 eurodeputetë.   “Në votimin plenar për raportin për Kosovën në Parlamentin Europian, shumica dërrmuese mbështet liberalizimin e vizave […]

  • © 2017 Albanian Profile Të gjitha të drejtat e rezervuara