e diel 24 tetor 2021
e diel 24 tetor 2021

 

 

Në Kosovë sot u hap edhe zyrtarisht fushata njëmuajshe për zgjedhjet lokale të 17 tetorit, ndonëse fushata në terren ka filluar tashmë që një kohë. Gjithsej 48 subjekte politike, nga të cilat 18 parti politike, një koalicion, 17 nisma qytetare dhe 12 kandidatë të pavarur janë regjistruar për të marrë pjesë në këto zgjedhje, në një kohë kur vendi po përballet me një situatë të rënduar shëndetësore si pasojë e pandemisë COVID-19.

 

Në Kosovë, të enjten u vendosën pjesëtarët e parë të Misionit të Bashkimit Evropian për vëzhgimin e zgjedhjeve për pushtetin komunal që pritet të mbahen me 17 tetor.

 

Zëvendës shefi i këtij misioni, Konrad Olszewski tha se sot po vendosen 22 vëzhgues afatgjatë që do të qëndrojnë në Kosovë gjatë tërë procesit zgjedhor.

 

“Ne gjithashtu do të kemi vëzhgues afatshkurtër që do të vendosen më afër ditës së zgjedhjeve, rreth ditës së zgjedhjeve, në mënyrë që të sigurohet një mbulim i mirë i vendvotimeve dhe veprimtaritë gjatë ditës së zgjedhjeve, të tilla si mbikëqyrja e votimit, numërimi i votave dhe përcaktimi i rezultateve”, tha zoti Olszewski.

 

Vendosja e vëzhguesve evropianë filloi në ditën kur edhe zyrtarisht u hap fushata njëmuajshe për zgjedhjet e 17 tetorit, ndonëse fushata në terren ka filluar tashmë që një kohë.

 

Çështja e fushatës dhe shtyrjes së zgjedhjeve për shkak të situatës së përkeqësuar me pandeminë COVID-19 u përcoll me debate javëve të fundit.

 

Lëvizja Vetëvendosje që udhëheq me qeverinë kërkoi shtyrjen e datës së zgjedhjeve pas një rekomandimi të Institutit Kombëtar të Shëndetësisë Publike për shkak të rrezikut për përhapjen e infeksioneve me COVID-19. Por kjo u refuzua nga partitë politike në opozitë, të cilat thanë se janë të gatshme të shkurtojnë veprimtaritë e fushatës për shkak të situatës shëndetësore.

 

Lidhja Demokratike dhe Aleanca për Ardhmërinë e Kosovës kanë vendosur që të kufizojnë fushatën në pesë ditë.

 

Vetëm nga 20 gushti i këtij viti e deri më sot 552 qytetarë kanë humbur jetën si pasojë e COVID-19, duke e bërë këtë periudhë nga më të rëndat që nga shfaqja e pandemisë në mesin e muajit mars të vitit të kaluar.

 

Gjithsej 48 subjekte politike, nga të cilat 18 parti politike, një koalicion, 17 nisma qytetare dhe 12 kandidatë të pavarur janë regjistruar për të marrë pjesë në këto zgjedhje.

 

Më shumë

Hovenier: Pa një normalizim të marrëdhënieve Kosovë-Serbi, pa njohje të ndërsjellë, rajoni do të mbetet i bllokuar

Jeffrey M. Hovenier, i emëruari për postin e ambasadorit të ardhshëm amerikan në Kosovë, tha të martën para Komisionit të Senatit për Marrëdhëniet me Jashtë se nëse konfirmohet, ai do të punojë për të çuar përpara mbështetjen e vazhdueshme të Shteteve të Bashkuara për një Kosovë sovrane dhe demokratike. “Kjo mbetet thelbësore për stabilitetin […]

Osmani: Investohuni për ne, e jo për stabilokraci 

Presidentja e Kosovës, Vjosa Osmani, ka kërkuar në Berlin mbështetje më të fortë për Kosovën. Në ditën e dytë të takimeve të saj të mërkurën, ajo pati edhe një prezantim për publikun me ambasadorin, Wolfgang Ischinger.     Në ditën dytë të vizitës së parë zyrtare në Berlin, Vjosa Osmani u takua me ministrin e […]

BE me mision vëzhgues të zgjedhjeve lokale në Kosovë

BE thotë se mbetet i përkushtuar për të mbështetur Kosovën në rrugëtimin e saj evropian. Zgjedhjet lokale në Kosovë mbahen me 17 tetor, ndërsa për shkak të pandemisë ende nuk dihet si do të zhvillohet fushata zgjedhore.     Bashkimi Evropian do të dërgojë në Kosovë një mision për vëzhgimin e zgjedhjeve lokale, që do […]

Përgjaket fushata e zgjedhjeve vendore në Kosovë, dy politikanë të PDK-së vrasin njëri-tjetrin!

Policia e Kosovës bëri të ditur se dy persona kanë humbur jetën në një incident me armë zjarri në qytetin e Pejës, rreth 85 kilometra në perëndim të Prishtinës.   Policia tha se si pasojë e të shtënave tre persona janë plagosur dhe janë dërguar në spitalin Rajonal në Pejë. “Nga ekipi mjekësor […]

  • © 2017 Albanian Profile Të gjitha të drejtat e rezervuara