e diel 24 tetor 2021
e diel 24 tetor 2021

 

Nga mbrëmë ka ndryshuar rrjedha politike në Kosovë. Me shumicë votash, gjyqtarët e Gjykatës Kushtetuese e kanë cilësuar të drejtë dhe në përputhje me kushtetutën e vendit vendimin e presidentit Hashim Thaçi për t’ia dhënë mandatin për formimin e qeverisë së re Avdullah Hotit të Lidhjes Demokratike të Kosovës (LDK).

 

Aktgjykimi i Kushtetueses e ka rrëzuar çdo pretendim të Lëvizjes Vetëvendosje (LVV), që kërkonte zgjedhje të reja pas votimit të mocionit për rrëzimin e qeverisë me 2/3 e votave të deputetëve të Kuvendit të Kosovës. Në vendimin e arsyetuar të Kushtetueses shpjegohet se dekreti i kontestuar i presidentit është në përputhshmëri me kushtetutën dhe se votimi i suksesshëm i një mocioni mosbesimi të Kuvendit ndaj qeverisë nuk çon në shpërndarjen e detyrueshme të Kuvendit, por si në këtë rast, mundëson formimin e një qeverie të re.

 

Kësisoj, kryeministri në detyrë, Albin Kurti, do të duhet ta lëshojë karrigen e pushtetit për t’u kthyer sërish në opozitë. Vendin e tij pritet ta marrë Avdullah Hoti, i cili paraprakisht ia ka dëshmuar presidentit se i ka votat e mjaftueshne për ta formuar qeverinë e re.

 

Pasi Albin Kurti i shkruante “zgjedhje” në cdo kthim letre presidentit që ia kërkonte emrin e propozimit për mandatar të ri, ky i fundit më 30 prill vendosi që ta mandatojë të nominuarin e LDK-së, Avdullah Hotin për kryeministër.

 

Në po të njëjtën ditë, LVV u ankua në Kushtetuese dhe arriti ta parandalojë formimin e shpejtë të Qeverisë Hoti, pasi gjykata vendosi që ta marrë masën e përkohshme për ta pezulluar dekretin e presidentit.

 

Ky pezullim është anuluar me publikimin e aktgjykimin mbrëmë, që mundëson formimin e qeverisë së re me LDK-në, AAK-në, Nismën, Listën Serbe dhe minoritetet tjera, dhe 8 çon për herë të parë në opozitë së bashku LVV-në e PDK-në.

 

Pas publikimit të këtij aktgjykimi, erdhën reagime të ashpra nga LVV, që edhe ashtu kishin paralajmëruar se nuk do ta respektonin një vendim që s’është në favor të tyre. Për këtë, ata paraprakisht dje gjatë ditës i mblodhën rreth 5 mijë veta në sheshet e kryeqytetit për një test-protestë, organizim të cilin e quajtën “performancë”.

 

Nënkryetarja e kësaj partie dhe ministrja në detyrë e Drejtësisë, Albulena Haxhiu, ka paralajmëruar eskalim të situatës, derisa nuk përjashtohet as rezistenca fizike e Lëvizjes së Kurtit për t’i lëshuar zyret e qeverisë. Këtë opsion ata nuk e kanë mohuar asnjëherë kur po pritej vendimi i Gjykatës Kushtetuese.

 

29 maj 2020

Më shumë

Hovenier: Pa një normalizim të marrëdhënieve Kosovë-Serbi, pa njohje të ndërsjellë, rajoni do të mbetet i bllokuar

Jeffrey M. Hovenier, i emëruari për postin e ambasadorit të ardhshëm amerikan në Kosovë, tha të martën para Komisionit të Senatit për Marrëdhëniet me Jashtë se nëse konfirmohet, ai do të punojë për të çuar përpara mbështetjen e vazhdueshme të Shteteve të Bashkuara për një Kosovë sovrane dhe demokratike. “Kjo mbetet thelbësore për stabilitetin […]

Osmani: Investohuni për ne, e jo për stabilokraci 

Presidentja e Kosovës, Vjosa Osmani, ka kërkuar në Berlin mbështetje më të fortë për Kosovën. Në ditën e dytë të takimeve të saj të mërkurën, ajo pati edhe një prezantim për publikun me ambasadorin, Wolfgang Ischinger.     Në ditën dytë të vizitës së parë zyrtare në Berlin, Vjosa Osmani u takua me ministrin e […]

BE me mision vëzhgues të zgjedhjeve lokale në Kosovë

BE thotë se mbetet i përkushtuar për të mbështetur Kosovën në rrugëtimin e saj evropian. Zgjedhjet lokale në Kosovë mbahen me 17 tetor, ndërsa për shkak të pandemisë ende nuk dihet si do të zhvillohet fushata zgjedhore.     Bashkimi Evropian do të dërgojë në Kosovë një mision për vëzhgimin e zgjedhjeve lokale, që do […]

Përgjaket fushata e zgjedhjeve vendore në Kosovë, dy politikanë të PDK-së vrasin njëri-tjetrin!

Policia e Kosovës bëri të ditur se dy persona kanë humbur jetën në një incident me armë zjarri në qytetin e Pejës, rreth 85 kilometra në perëndim të Prishtinës.   Policia tha se si pasojë e të shtënave tre persona janë plagosur dhe janë dërguar në spitalin Rajonal në Pejë. “Nga ekipi mjekësor […]

  • © 2017 Albanian Profile Të gjitha të drejtat e rezervuara