e premte 30 korrik 2021
e premte 30 korrik 2021

 

 

Ashtu siç pritej, Lëvizja Vetëvendosja e Albin Kurtit u rendit partia e parë në votime me 49.9 % të votave të fituara. Pas çertifikimit të rezultateve zgjedhore duhet brenda 30 ditësh të bëhet kostituimi i Kuvendit.

 

Komisioni Qendror i Zgjedhjeve shpalli rezultatet përfundimtare të zgjedhjeve të parakohshme të 14 shkurtit, duke e shpallur kështu fituese të zgjedhjeve Lëvizjen Vetëvendosja me 49.9 % të votave të fituara. E dyta renditet PDK me 16.9 %. LDK me 12.64 % renditet partia e tretë. AAK fitoi 7.07%. Lista Srpska ka fituar 10 vendet e rezervuara në parlamentin e Kosovës, ndërsa 10 vende u takojnë pakicave jo serbe.

 

Sipas KQZ-së pjesëmarrja në zgjedhje ishte 48%, apo mbi 800 mijë votues. Sipas renditjes së vendeve në parlament, Lëvizja Vetëvendosja ka siguruar 58 deputetë. Partia Demokratike e Kosovës 19 deputetë. Lidhja Demokratike e Kosovës 15 deputetë, Aleanca për Ardhmërinë e Kosovës 8 deputetë. Lista Srpska ka siguruar 10 vendet e rezervuara për ta, ndërsa 10 deputetë janë siguruar nga radhët e pakicave jo serbe.

 

Kryetarja e KQZ-së Valdete Daka tha se pas shpalljes zyrtare të rezultateve, partitë politike apo kandidatët kanë të drejtë ankese në Panelin Zgjedhor për Ankesa dhe Parashtresa brenda 24 orëve. Pas PZAP-së, ankesa mund të bëhen edhe në Gjykatën Supreme. Ngritja e ankesave eventuale mund të shtyjnë edhe më tej çertifikimin e rezultateve të zgjedhjeve, proces ky që i hap rrugën afatit të ri ligjor për konstituimin e Kuvendit të Kosovës.

 

Konstituimi i Kuvendit brenda 30 ditësh pas çertifikimit

 

Pas çertifikimit të rezultateve zgjedhore, Kuvendi i Kosovës duhet të konstituohet brenda 30 ditëve. Pika e parë e kuvendit të ri është zgjedhja e kryetarit të kuvendit që në bazë të kushtetutës i takon automatikisht partisë fituese, në këtë rast Lëvizjes Vetëvendosja. Udhëheqësi i ri i kuvendit, mund të marrë në mënyrë automatike edhe rolin e ushtruesit të detyrës së presidentit, post ky që aktualisht ushtrohet nga Vjosa Osmani, që ishte kryetare e Kuvendit në legjislaturën e kaluar. Vjosa Osmani tanimë është kandidate për të marrë postin e presidentes së vendit me mandat pesë vjeçar.

 

Pas konstituimit të Kuvendit, ushtruesja e detyrës së presidentes duhet të dekretojë kandidatin për kryeministër ku qeveria e re duhet të votohet brenda 15 ditësh. Sfidë tjetër me të cilën do të përballet kuvendi i ri është zgjedhja e presidentit të Kosovës. Për zgjedhjen e presidentit në raundin e tretë, nevojitet pjesëmarrja e 80 deputetëve në sallë, ndërsa, presidenti mund të zgjidhet me 61 vota.

 

Më shumë

Stoltenberg: FSK-së i duhet leje nga NATO-ja që të shkojë në veriun e Kosovës

Sekretari i Përgjithshëm i NATO-s, Jens Stoltenberg, tha të enjtën se forcat paqeruajtëse të KFOR-it do të vazhdojnë të qëndrojnë në Kosovë për të siguruar paqen ndërsa bëri thirrje për një zgjidhje politike ndërmjet Kosovës dhe Serbisë.   Ai i bëri këto komente në një konferencë për gazetarë pas qëndrimit të tij në […]

Mbajtja e liturgjisë tek kisha serbe në oborrin e Universitetit të Prishtinës, Çeku: “Presion” mbi gjykatën

​​​​​​​Ministri i Kulturës, Rinisë dhe Sportit, Hajrullah Çeku, ka folur për mbajtjen e liturgjisë nga kisha ortodokse serbe në kishën e ndërtuar në oborrin e Universitetit të Prishtinës.   Çeku ka thënë se Policia e Kosovës nuk ka qenë e lajmëruar për këtë aktivitet dhe ka thënë se Qeveria nuk do të lejojë […]

Qeveria e Kosovës miraton heqjen e leje qëndrimit të përkohshëm me Shqipërinë

Qeveria e Kosovës ka miratuar në parim Marrëveshjen Ndërkombëtare ndërmjet Qeverisë së Republikës të Kosovës dhe Këshillit të Ministrave të Republikës së Shqipërisë për heqjen e leje qëndrimit të përkohshëm.   Zëvendësministri i Punëve të Brendshme, Blerim Gashani, tha se kjo projektmarrëveshje është në frymën e interesave të përbashkëta në kuadër të bashkëpunimit bilateral […]

Themelimi i institutit për krimet e kryera gjatë luftës në Kosovë

Kryeministri i Kosovës, Albin Kurti, tha të hënën në Prishtinë se është koha e fundit që të dokumentohen e njihen të gjitha krimet e kryera gjatë luftës në Kosovë si dhe dëmet që i janë shkaktuar vendit gjatë asaj periudhe.   Këto komente kryeministri Kurti i bëri gjatë takimit të parë të grupit të […]

  • © 2017 Albanian Profile Të gjitha të drejtat e rezervuara