Tuesday 27 February 2024
Tuesday 27 February 2024

 

Sa kushton të jetosh në Shqipëri? Si ka ndikuar pandemia në çmimet e konsumit dhe me gjerë? A është Tirana një qytet i lirë apo i shtrenjtë? Indeksi i Çmimeve të Konsumit, për muajin gusht u fiksua në 2.1%, sipas të dhënave nga Instituti i Statistikave. Diferencën, edhe gjatë këtij muaji e bënë produktet e shportës ushqimore.

“Në vlerësimet e çmimeve të konsumit të nxjerra nga INSTAT për muajin gusht, ne vëmë re një rritje 1.3 për qind….. Grupet kryesore që patën rritje kanë qenë produktet ushqimore, qira dhe lëndë djegëse”, shprehet Elton Alika, Drejtoria e Statistikave të sektorit real, INSTAT  për euronews albania.

Por si ndikuan muajt e izolimit nga pandemia tek familje? “Tendenca që është vënë re në çmime, sidomos  në periudhën kulminante të pandemisë dhe deri më sot, ka qenë rritja e çmimit të produkteve të konsumit, e cila gradualisht ka pësuar ulje deri në krijimin e normalitetit”, thotë Alika.

Por të dhënat e INSTAT, shërbejnë si orientim, jo vetëm në perceptim, por edhe në vlera reale, se jetesa në Shqipëri po bëhet gjithnjë e më e vështirë. Agjencia “Numbeo”, e cila merr në analizë kostot e jetesës në më shumë se 500 qytete, referon se të jetosh në Tiranë kushton më shtrenjtë se në Prishtinë, Shkup apo Sarajevë. Sipas kësaj agjencie, kosto e jetesës së një banori të kryeqytetit në muajin gusht arriti në 52,580 lekë. E thënë ndryshe një familje me 4 anëtarë duhet të siguronte në portofol jo më pak se 185 mijë lekë.

Nëse do t’i referoheshin prodhimeve kryesore dhe shërbimeve që i nevojiten një familjeje në Tiranë, do të shihnim se pothuajse në të gjithë prodhimet janë shënuar kosto të larta. Grafiku i përpunuar, tregon se për banorët e kryeqytetit, pjesa më e madhe e parave në portofol harxhohet në market, më tej për qira e transport, ndërsa koha e lirë dhe veshjet zënë volumin më të ulët. Përveçse ka çmime të shtrenjta të ushqimeve, shqiptarët kanë dhe të ardhurat ndër më të ulëtat në rajon, çka bënë që ata të kenë dhe peshën më të lartë të shpenzimeve për ushqime.

Por për të parë se ku qëndron Shqipëria dhe Tirana në raport me vendet e tjera, rezulton se në Europë, Zvicra e Norvegjia janë 3 vendet me koston me të lartë të jetesës, ndërsa sipas qyteteve Tirana renditet në vendin e 353, nga 512 rajone të marrë në shqyrtim.

 

Përmbledhje e kostos së jetesës në Tiranë

Kostot mujore të familjes me 4 persona:

185,505.83 lekë (pa shpenzime qiraje)

Kosto e një personi të vetëm:

52,577.90 lekë

Kostoja e jetesës renditet në 367-të nga 553 qytete në botë. Tirana ka një indeks të kostos së jetesës 40,62.

 

Indeksi i kostos së jetesës në rajon

Kosovë 28.42

RMV      32.96

Bosnje  36.57

Shqipëri 36.96

Serbi      36.98

Mali i Zi 38.68

 

Kosto e jetesës sipas qyteteve

1             Zyrihu                  

7             Neë York

107         Roma                  

341         Podgorica          

349        Beogradi             

353        Tirana                  

364        Sarajeva                              

384        Shkupi  

475        Prishtina             

512        Karaçi                   

 

Shpërndarja e shpenzimeve

Transport                                 15.1 %            

Veshje                                     4.5 %

Sporti dhe koha e lire              7.2 %

Market                                     31.6 %

Faturat                                     9.3 %

Qira                                         19.1 %

Bar-Restorante                       13.2 %

Më shumë

Rreziku nga sulmet kibernetike

Siguria kibernetike po bëhet çdo ditë e më shumë një fushë që kërkon fuqi punëtore të specializuar. Ndaj Ministri i Mbrojtjes Niko Peleshi, si drejtues i institucionit që shumë shpejt do të marrë drejtimin për garantimin e mbrojtjes kibernetike përshëndeti pjesëmarrësit në aktivitetin inovativ “Cyber Camp Albania”, ku ftoi të rinjtë të orientojnë karrierën […]

4 – Dhjetori, Festa Kombëtare e Forcave të Armatosura Shqiptare

Me propozimin e Isa Boletinit, më 4 dhjetor 1912, Mehmet pashë Dërralla u zgjodh ministër i Luftës në Qeverinë e Përkohshme, duke fituar 42 vota dhe duke u radhitur i treti pas Luigj Gurakuqit me 54 vota dhe Myfit Bej Gjirokastrës (Libohovës) me 52 vota. Ministri i Luftës Mehmet pashë Dërralla duke bashkëpunuar me […]

Një shqiptar në krye të Arqipeshkivisë së Tiranës dhe Durrësit

Papa Françesku emëroi sot (30 nёntor 2021) imzot Arjan Dodaj, kryeipeshkëv të ri të kryedioqezës së Tiranë-Durrësit. Imzot Dodaj është kryeipeshkvi i tretë i kësaj Kishe në periudhën pas rënies së komunizmit, pasardhës i imzot Rrok Mirditës dhe i imzot George Frendos.   R.SH. – Vatikan   Dorëheqja dhe emërimi i Kryeipeshkvit Mitropolit […]

Mbi 17’000 shqiptarë e festuan Pavarësinë jashtë atdheut

Një numër i konsiderueshëm shqiptarësh kanë zgjedhur t’i kalojnë festat e nëntorit jashtë atdheut.   Stambolli ishte destinacioni kryesor për të kaluar pushimet 4-ditore që erdhën nga festat e Pavarësisë dhe Çlirimit.   “Stambolli është shitur në masë, gati  muaj përpara, pra në fund të tetorit të gjitha grupet e Stambollit kanë qenë të […]

  • © 2017 Albanian Profile Të gjitha të drejtat e rezervuara