e premte 30 korrik 2021
e premte 30 korrik 2021

 

Kremlini ka thënë të mërkurën se ndjen keqardhje për vendimin e Britanisë së Madhe për të rritur arsenalin bërthamor, pasi Britania ka bërë të ditura planet për të rritur numrin e kokave bërthamore nga 180 në 260, deri në fund të dekadës.

 

Britania ka publikuar të martën një dokument që rikalibron politikën e saj të jashtme, duke përfshirë edhe rritjen e arsenalit bërthamor, duke u tërhequr nga përkushtimet e së kaluarës për të zvogëluar sasinë që ka.

 

“Neve na vjen keq që Mbretëria e Bashkuar ka marrë këtë rrugë të rritjes së kokave bërthamore. Ky vendim dëmton stabilitetin ndërkombëtar dhe sigurinë strategjike”, ka thënë zëdhënësi i Kremlinit Dimtry Peskov para gazetarëve.

 

“Prezenca e kokave bërthamore kërcënon paqen në botë”, ka shtuar.

 

Vendimi i ri i autoriteteve britanike është në kundërshtim me marrëveshjen e fundit të nënshkruar në mes të Moskës dhe Uashingtonit.

 

Në janar, Rusia është pajtuar me Shtetet e Bashkuara për të vazhduar një pakt bërthamor në mes të të dyja shteteve, për zvogëlim të numrit të armëve.

 

Në dokumentin e Britanisë për politikë të jashtme, Rusia është identifikuar si “kërcënimi më direkt” për Mbretërinë e Bashkuar.

 

Peskov ka thënë të mërkurën se Mbretëria e Bashkuar ka cituar “kërcënimin” pa “sqarim”.

 

“Kjo nuk është e vërtetë”, ka shtuar ai.

 

“Asnjë kërcënim nuk vjen nga Rusia”.

 

Moska dhe Londra kanë përkeqësuar marrëdhëniet për shkak të helmimit të ish-agjentit rus Sergei Skripal në qytetin britanik Sallbëri më 2018, me agjent nervor Noviçok.

 

Marrëdhëniet e Rusisë me Perëndimin janë në pikën më të ulët prej Luftës së Ftohtë, për shkak të supozimeve për ndërhyrje në zgjedhje dhe sulme kibernetike. REL

 

Më shumë

Bush: Tërheqja e trupave nga Afganistani, e gabuar

Ish-Presidenti i Shteteve të Bashkuara, George W. Bush, i cili mori vendimin për të dërguar trupat amerikane në Afganistan në vitin 2001 për të luftuar al-Kaidën pas sulmeve të 11 shtatorit, thotë se mendon se është e gabuar që trupat amerikane të tërhiqen tani ndërsa kryengritësit talebanë marrin kontrollin e një pjese gjithnjë […]

Tërheqja amerikane nga Afganistani, vendet e rajonit rrisin angazhimin diplomatik

Ndërsa tërheqja ushtarake Amerikane nga Afganistani është afër përfundimit, vendet e rajonit po shtojnë përpjekjet diplomatike që synojnë të ushtrojnë trysni mbi fraksionet afgane për të rifilluar bisedimet e bllokuara të paqes, të ndërmjetësuara nga Shtetet e Bashkuara, dhe për të parandaluar rrëshqitjen e vendin në një luftë të plotë civile.   Frika […]

Monstra e Kaspikut – Avioni sovjetik që duhej të kërcënonte perëndimin

Ekranoplani ka qenë gjatë Luftës së Ftohtë kërcënimi luftarak më serioz i sovjetikëve. Sot atraksion turistik.      

Talibanët marrin nën kontroll vendkalimin kryesor kufitar me Iranin

Zyrtarët afganë kanë njoftuar se talibanët kanë marrë nën kontroll një vendkalim të madh kufitar midis Afganistanit dhe Iranit.   Disa pamje të publikuara kanë treguar sesi forcat e talibanëve e heqin flamurin afgan nga çatia e zyrës doganore kufitare.   Vendkalimi kufitar – Islam Qala – është një nga pikat doganore më […]

  • © 2017 Albanian Profile Të gjitha të drejtat e rezervuara