e premte 3 dhjetor 2021
e premte 3 dhjetor 2021

 

Kryeministri i Kosovës, Abdulla Hoti, zhvilloi sot një vizitë zyrtare në Shqipëri, ku diskutoi për të zgjeruar bashkëpunimin ekonomik mes dy vendeve.

 

Qeveria e Shqipërisë dhe ajo e Kosovës do të vazhdojnë me mbledhje të përbashkëta për të lehtësuar bashkëpunimin mes tyre.

 

Kryeministri i Kosovës, Abdullah Hoti, e vizitoi sot zyrtarisht Tiranën vetëm dy ditë pasi kryeministri i Shqipërisë, Edi Rama, vizitoi Prishtinën me një seri të gjatë takimesh.

 

Kjo është vizita e tij e parë zyrtare jashtë Kosovës si kryeministër.

 

Shqipëria dhe Kosova janë marrë vesh për mbledhje të përbashkëta të qeverive dhe autoriteteve vendore për të lehtësuar bashkëpunimin mes tyre.

 

Kryeministri Hoti përmendi 3 projekte, që i quajti strategjike e madhore: një doganë të Kosovës në Durrës, një hidrocentral në Shqipëri për të furnizuar Kosovën dhe një hekurudhë Tiranë – Prishtinë.

 

“Duke konsideruar edhe ndërtimi i një hidrocentrali në territorin e Shqipërisë për të furnizuar me energji elektrike Kosovën. Është edhe projekti i madh për të lidhur dy kryeqytetet tona me hekurudhë. Ky është një projekt që e kemi ideuar moti, tani duhet të punojmë konkretisht për studimin e fizibilitetit de unë besoj se në vjeshtë të këtij viti mund të gjenden edhe fondet konkrete për të filluar realizimin e këtij projekti” – tha Hoti.

 

Të dy kryeministrat thanë në një konferencë të përbashkët se do të vënë në lëvizje disa marrëveshje kyçe dypalëshe të mbetura pezull, ndërkohë që disa të tjera po zbatohen.

 

Krahas mundësimit të një dogane të Kosovës në Durrës dhe të një shengeni ballkanik për të lehtësuar lëvizjen e njerëzve dhe ekonomisë, kryeministri Edi Rama tha se foli me Hotin edhe për njëjtësimin e dokumentave tregtare për mallrat, që qarkullojnë mes Shqipërisë dhe Kosovës.

 

“Kemi folur për njësim e shumëherëfolur të dokumentacionit lidhur me mallrat, që eksportohen apo importohen mes të dy vendeve, ku është e pamundur të flasim për efikasitet të plotë nëse nuk arrijmë që të dyja palët në nivelin teknik të kenë gjuhë teknike të njësuar” – tha Rama.

 

Qeveritarët e të dy vendeve takohen vazhdimisht midis tyre për të diskutuar bashkëpunimin mbi kapacitetet ende të pashfrytëzuara ekonomike, që kanë Shqipëria dhe Kosova, në prodhime ekonomike dhe shkëmbime tregtare.

 

 

Pallati Brigadave – Konferencë e përbashkët për shtyp me Kryeministrin e Kosovës, Avdullah Hoti🇽🇰🇦🇱

Posted by Edi Rama on Friday, 3 July 2020

 

 

Më shumë

Albin Kurti: Sipas kushtetutës së Kosovës nuk mund të ketë asociacion mbi baza etnike, pikë!

Kryeministri i Kosovës flet në një intervistë ekskluzive për DW për Asociacionin e Komunave Serbe, rrezikun e bosnjëzimit të Kosovës, dialogun me Serbinë dhe për “Open Balkan” ndaj të cilit është kategorisht kundër.     DW: Zoti Kurti, ju keni disa muaj në qeveri si kryeministër i Kosovës me një mandat të fituar me […]

Kosova shpall persona të padëshiruar dy zyrtarë rusë

Në Kosovë, ministria e Punëve të Jashtme ka shpallur persona të padëshiruar dy zyrtarë të Zyrës Ndërlidhëse të Federatës Ruse që punojnë në këtë vend. Lajmi u njoftua në median sociale nga Presidentja e Kosovës Vjosa Osmani, e cila më herët tha se i kishte kërkuar ministrisë së Jashtme t’i shpallte këta persona si të […]

Zgjedhjet lokale në Kosovë; më shumë se gjysma e komunave shkojnë në balotazh, bie Vetëvendosja

Rezultatet paraprake të zgjedhjeve komunale të së dielës në Kosovë, tregojnë se në 21 nga 38 komunat e vendit do të ketë një raund të ri zgjedhjesh, meqë asnjëri nga kandidatët nuk ka siguruar votat e mjaftueshme për t’u zgjedhur në raundin e parë.   Lëvizja Vetëvendosja e Albin Kurtit që udhëheq qeverinë, […]

Festivali “Mirëdita, Dobar dan” në Prishtinë, debat për marrëdhëniet Kosovë – Serbi

Përfaqësues të shoqërisë civile të Kosovës dhe Serbisë thanë se qytetarët e të dyja vendeve nuk duhet të presin vetëm nismat e elitave politike për normalizimin e marrëdhënieve, por kjo duhet të jetë pjesë e angazhimit më të gjerë.     Këto komente u bënë gjatë një debati në Prishtinë me temën “Cila […]

  • © 2017 Albanian Profile Të gjitha të drejtat e rezervuara