e premte 28 janar 2022
e premte 28 janar 2022

 

Kryeministri i Kosovës Albin Kurti në një deklaratë për mediat pas takimit me kancelaren Merkel renditi katër elementë të domosdoshëm për paqe, stabilitet dhe siguri në rajonin e Ballkanit Perëndimor.

 

Këta katër elementë janë:

  • Sundimi i ligjit i cili vepron kundër korrupsionit dhe oligarkëve.
  • Demokratizimi i cili mundëson media të lira dhe të pavarura dhe vepron kundër autokratëve
  • Ballafaqimi me të kaluarën që nuk lejon të ketë kriminelë të luftës në liri e aq më pak në pushtet
  • Reciprociteti, simetria, balanca e të drejtave të pakicave kombëtare, në kundërshti me hegjemonitë nacionaliste në Ballkan.

Për dialogun Kosovë-Serbi, z. Kurti tha se janë dy shtete që zhvillojnë dialog për statusin e marrëdhënieve me njëra-tjetrën.

 

“Është detyrë e shqiptarit të bëjë presion mbi Serbinë dhe jo mbi Kosovën. Kosova nuk do jetë pjesë e Open Balkan”, tha Kurti teksa iu përgjigj edhe deklaratave të kryeministrit Rama, i cili i bëri thirrje Kosovës të heqë dorë nga teoritë konspirative, duke shtuar se procesi i Berlinit nuk ka asnjë kontradiktë me “Open Balkan”.

 

Sipas Kurtit, Procesi i Berlinit është i nevojshëm dhe i mjaftueshëm për rrugëtimin evropian dhe s’ka nevojë për variante të reja.

 

“Nuk e di se për çfarë teori konsiparacioni? E keni pyetur se për cilën teori? Unë po ua tregoj qëndrimin tim që e thashë po aty dhe ky është që: Procesi i Berlinit është i nevojshëm por edhe i mjaftueshëm për rrugëtimin evropian dhe nuk ka nevojë për variante të tjera”, tha Kurti.

 

Shefi i qeverisë së Kosovës pohoi se iniciativat rajonale nuk mund të zhvillohen pa prezencën e BE-së.

 

“Iniciativat rajonale ne nuk besojmë të bëhen pa BE brenda. BE duhet të jetë aty. Dallimi mes Procesit të Berlinit edhe Open Balkan është që në të dytën s’e kemi BE. Dhe po ashtu duhet theksuar se Republika e Kosovës është një shtet i pavarur, për të cilin të gjithë ne duhet të angazhohemi për pozitën, që kemi dhe të kërkojmë njohjen e saj”, tha ai.

 

Ai tha se ndryshimi i Serbisë është kusht për të pasur raporte normale mes shteteve të Ballkanit Perëndimor.

 

“Për raporte normale në Ballkanin Perëndimor nuk duhet të ndryshojë Kosova, por Serbia. Nuk bën që trysnia të jetë mbi Kosovën, por mbi Serbinë, e cila mohon krimet dhe nuk njeh pavarësinë e Kosovës”,  tha Kurti.

 

Më shumë

Lira në rënie drastike, të huajt dynden për të blerë banesa në Turqi

Shitjet e banesave në Turqi për të huajt u rritën me 48.4% në një nivel rekord në nëntor, sipas shifrave zyrtare të publikuara sot, pasi një rënie e lirës turke bëri që blerjet të jenë dukshëm më të lira për ata që blejnë me valutë “të fortë”.   Tregu i pasurive të paluajtshme […]

BIRN hap ekspozitën në nder të gazetarëve të vrarë në luftërat në Ballkan

  Rrjeti Ballkanik i Gazetarisë Investigative do të hapë një ekspozitë dhe do të botojë një libër që përkujton gazetarët dhe punonjësit e medias që u vranë gjatë dhe menjëherë pas shpërbërjes së përgjakshme të Jugosllavisë.     Një ekspozitë e BIRN, e titulluar “Last Despatches”, do të hapet në Sarajevë më 14 dhjetor […]

Maqedoni e Veriut: Alternativa bëhet pjesë e koalicionit qeveritar

Partia opozitare Alternativa është bërë pjesë e koalicionit qeveritar në RMV. Kryeministri Zoran Zaev dhe kryetari i Alternativës Afrim Gashi kanë nënshkruar marveshjen 9 pikëshe për hyrjen e Alternativës në Qeveri.     Kryeministri i Maqedonisë së Veriut, Zoran Zaev tha se kjo marrëveshje paraqet një qëndrueshmëri politike për të hapur negociatat me BE-në, […]

Kosovë-Serbi: Normalizim i marrëdhënieve apo bllokim?

Kosova dhe Serbia në javën e fundit ashpërsuan retorikën politike me akuza dhe kundërakuza dhe ndaluan vizitat e ndërsjella të zyrtarëve qeveritarë, duke bërë kështu që të reagojë edhe Bashkimi Evropian. Autoritetet e Prishtinës i ndaluan hyrjen në Kosovë kreut të Zyrës për Kosovën në Qeverinë e Serbisë, Petar Petkoviç, njëherësh edhe drejtues i […]

  • © 2017 Albanian Profile Të gjitha të drejtat e rezervuara