Monday 29 May 2023
Monday 29 May 2023

 

 

Ylli Hoxha ka luftuar gjatë për të qenë pranë me vajzën e vetme, sot 10 vjeç. Pas divorcit, ish-bashkëshortja u largua nga shtëpia e përbashkët në Fushë-Krujë pa lënë gjurmë dhe duke marrë vajzën me vete.

 

“Kisha dy vite pa parë vajzën, nuk e dija ku jetonte”, thotë Ylli.

 

Ai kërkoi ndihmë nga shteti në Krujë dhe Fushë-Krujë. Por pa rezultat. Vetëm pas ndërhyrjes së Përmbarimit të Tiranës, vajza u gjet dhe nëna u bind që të lejonte takimet me babanë.

 

Por Ylli Hoxha nuk është prindi i vetëm që lufton për fëmijën pas divorcit. Janë mbi 2200 të tillë. Shumicën e rasteve megjithatë, viktimat janë nënat.

 

“Në një rast në Vlorë është marrë masa e arrestit me burg për gjyshen dhe të atit të fëmijës, të cilët e  morën fëmijën dhe jo vetëm nuk ja jepnin të ëmës, por humbën çdo gjurmë në qytetin e Vlorës dhe vajtën e strehuan në Berat”, thotë Piro Lutaj, drejtor i Përmbarimit.

 

Lutaj tregon se ka raste kur fëmijët janë dërguar dhe jashtë Shqipërisë, konkretisht një rast në Elbasan dhe një në Mat.

 

1 në 4 rastet për kujdestarinë e fëmijëve në Përmbarim kalojnë në konflikte fizike, duke detyruar dhe ndërhyrjen e policisë.

 

Për rastet ku prindërit nuk e zgjidhin me konsensus, takimet me fëmijët nën 18 vjeç zhvillohen kryesisht në zyrat e Përmbarimit. Janë 22 të tilla në gjithë Shqipërinë.

 

“Sillen para fëmijëve sikur të jenë dy bisha, edhe në zyrat e Përmbarimit”, thotë Piro Lutaj.

 

Sipas ligjit, Përmbarimi shtetëror është i vetmi që mund të ndjekë çështjet e takimit me fëmijët apo dhe pensionet ushqimore pas divorcit. Ato zënë 1/5 e 52 mijë rasteve që ky institucion trajton. Prindi që nuk ka kujdestarinë, duhet të paguajë pension ushqimor për fëmijën deri në moshën 25 vjeç.

 

“Unë e kam 5000 lekë të reja në muaj, por jap aq sa kam mundësi”, tregon Ylli Hoxha.

 

Por vështirësi në pagimin e këtij detyrimi shfaqin dhe prindërit e pasur.

 

“Pala që duhet të paguajë detyrimin heq të gjitha llogaritë e veta, edhe rrogën nuk e kalon në emër të vet”, thotë kreu i Përmbarimit.

 

Janë vetëm 78 përmbarues që i ndjekin këto çështje në të gjithë Shqipërinë. Për t’iu përshtatur nevojave të kohës dhe konkurrencës së privatit, ligji për përmbarimin shtetëror pritet të ndryshohet së shpejti , për herë të parë që nga viti 2001.

 

Më shumë

Rreziku nga sulmet kibernetike

Siguria kibernetike po bëhet çdo ditë e më shumë një fushë që kërkon fuqi punëtore të specializuar. Ndaj Ministri i Mbrojtjes Niko Peleshi, si drejtues i institucionit që shumë shpejt do të marrë drejtimin për garantimin e mbrojtjes kibernetike përshëndeti pjesëmarrësit në aktivitetin inovativ “Cyber Camp Albania”, ku ftoi të rinjtë të orientojnë karrierën […]

4 – Dhjetori, Festa Kombëtare e Forcave të Armatosura Shqiptare

Me propozimin e Isa Boletinit, më 4 dhjetor 1912, Mehmet pashë Dërralla u zgjodh ministër i Luftës në Qeverinë e Përkohshme, duke fituar 42 vota dhe duke u radhitur i treti pas Luigj Gurakuqit me 54 vota dhe Myfit Bej Gjirokastrës (Libohovës) me 52 vota. Ministri i Luftës Mehmet pashë Dërralla duke bashkëpunuar me […]

Një shqiptar në krye të Arqipeshkivisë së Tiranës dhe Durrësit

Papa Françesku emëroi sot (30 nёntor 2021) imzot Arjan Dodaj, kryeipeshkëv të ri të kryedioqezës së Tiranë-Durrësit. Imzot Dodaj është kryeipeshkvi i tretë i kësaj Kishe në periudhën pas rënies së komunizmit, pasardhës i imzot Rrok Mirditës dhe i imzot George Frendos.   R.SH. – Vatikan   Dorëheqja dhe emërimi i Kryeipeshkvit Mitropolit […]

Mbi 17’000 shqiptarë e festuan Pavarësinë jashtë atdheut

Një numër i konsiderueshëm shqiptarësh kanë zgjedhur t’i kalojnë festat e nëntorit jashtë atdheut.   Stambolli ishte destinacioni kryesor për të kaluar pushimet 4-ditore që erdhën nga festat e Pavarësisë dhe Çlirimit.   “Stambolli është shitur në masë, gati  muaj përpara, pra në fund të tetorit të gjitha grupet e Stambollit kanë qenë të […]

  • © 2017 Albanian Profile Të gjitha të drejtat e rezervuara