e shtunë 4 dhjetor 2021
e shtunë 4 dhjetor 2021

 

 

Kuvendi i Shqipërisë ratifikon konventën me Izraelin për shmangien e taksimit të dyfishtë. Ministrja e Financave Delina Ibrahimaj ka prezantuar në Kuvend projektligjin që do të votohet ditën e sotme mbi konventën e nënshkruar mes Shqipërisë dhe Izraelit.

 

Sipas saj kjo konventë do të bëjë që çdo shtetas apo biznes që zhvillon aktivitet edhe këtu edhe në Izrael të mos tatohet 2 herë.

 

Sipas saj me këtë konventë po hidhen bazat për një bashkëpunim më intensiv me bashkëpunëtorët izraelitë. Ajo tha se qëllimi i kësaj është krijimi i një kuadri ligjor që bën të mundur përpjekjet e qeverisë shqiptare kundër evazionit fiskal.

 

“Qeveria shqiptare ka intensifikuar luftën kundër pastrimit të parave dhe fianancimit të terrorizmit. Marrëveshjet për parandalimin e taksimit të dyfishtë dhe evazionit fiskal përbëjnë një faktor kyç për bashkëpunimin mes vendeve. Projektligji që do të paraqitet për miratim sot lidhet me konventën midis këshillit të ministrave të Shqipërisë dhe Izraelit për shmangien taksimit të dyfishtë ne parandalimin e evazionit fiskal.

 

Kjo konventë është firmosur në Tel Aviv në maj duke hedhur bazat për një bashkëpunim intensiv me bashkëpunëtorët tonë izraelitë. Përmes kësaj konvente qeveria shqiptare siguron kuadrin e plotë funksional që një person apo një biznes zhvillon aktivitet edhe këtu edhe në Izrael të mos tatohet 2 herë. Ne do të ulim mundësinë për shpangjen e tatimit në të dyja vendet. Lehtësojmë komunikimet mes autoriteteve dhe shkëmbimin e informacionit. Qëllimi ynë është krijimi i një kuardri ligjior që bën të mundur përpjekjet e qeverisë shqiptare kundër evazionit fiskal”- tha ajo.

 

Projektligji “Për ratifikimin e konventës ndërmjet Këshillit të Ministrave të Republikës së Shqipërisë dhe Qeverisë së Shtetit të Izraelit për shmangien e taksimit të dyfishtë dhe parandalimin e evazionit fiskal në lidhje me tatimin mbi të ardhurat”, u miratuan me 113 vota pro dhe një abstenim.

 

Më shumë

Dekriminalizim e dorëheqje, si mbetën 6 bashki pa kryetar

Vënia nën akuzë nga SPAK i kryebashkiakut të Mallakastrës, Qerim Ismailaj, dhe mënyra se si do t’i rrjedhë përballja me drejtësinë për akuzën e “falsifikimit”, nuk e përjashton mundësinë e ndërprerjes së mandatit të tij.   Por nga ana tjetër, në vend janë gjashtë bashki të cilat nuk e kanë një kryetar të […]

Nga “Foltorja” e Kavajës, Sali Berisha shpall kandidaturën për kryetar të PD

Ish-kryeministri Sali Berisha konfirmoi gjatë “Foltores” së Kavajës se do të jetë njëri prej kandidatëve në garë për kreun e PD-së.   “Ftoj çdo delegat të Kavajës, çdo delegat të Kuvendit Kombëtar të firmos që të instalojmë primaret, që të rikthejmë referendumin, të firmosë natyrisht që të hapim një garë, në të cilën garantoj […]

Zgjerohet debati brenda Partisë Demokratike për statutin dhe kongresin

Partia Demokratike e opozitës është përfshirë në një debat të brendshëm lidhur me autoritetin drejtues të partisë më të madhe opozitare.   Partia Demokratike sapo është kthyer brenda institucioneve pas 2 vjet braktisje të parlamentit dhe pushtetit vendor.   6 muaj më parë opozita humbi zgjedhjet e përgjishthshme të 25 prillit, ndërsa sekretari […]

Berisha sfidon Bashën: Jam i hapur për çdo detyrë, përfshirë dhe kryetar i PD

Ish-kryeministri Sali Berisha ka deklaruar gjatë takimit në Berat se javën e ardhshme do të shpallë datën për mbledhjen e Kuvendit Kombëtar të Partisë Demokratike, ndërsa nuk përjashtoi rikandidimin për kryetar të PD. Në fjalën e tij në “foltoren” e Beratit, ish-kryeministri Berisha është shprehur se është i hapur për çdo detyrë në harkun […]

  • © 2017 Albanian Profile Të gjitha të drejtat e rezervuara