Tuesday 28 May 2024
Tuesday 28 May 2024

 

Autoritetet njoftuan sot se kishin siguruar 1 milion doza të vaksinës Sinovac, përmes distributorit të saj të autorizuar në Turqi. Ngarkesa e parë prej 192 mijë dozash u soll sot Stambolli me avionin e quajtur “Lasgushi” të Air Albania.

 

Për efektshmërinë e kësaj vaksine ka deri më tani të dhëna të ndryshme. Në Janar të këtij viti Brazili bëri të ditur se efikasiteti i saj ishte 50.4 përqind, ndërsa në fillim të marsit Turqia njoftoi për një efikasitet mbi 80 përqind.

 

Nga ana e saj, kompania prodhuese kineze Sinovac, ka vetë-ofruar disa rezultate kryesore, por në ndryshim nga ç’ndodh zakonisht me prodhuesit e vaksinave, këto të dhëna nuk janë botuar në ndonjë revistë shkencore, gjë e cila do të kërkonte një vlerësim nga ekspertë të palëve të treta.

 

Aktualisht Shqipëria ka në përdorim edhe tre vaksina të tjera, Pfizer-in, Astrazeneca-n dhe vaksinën ruse Sputnik V. Në total numri i dozave të mbërritura në vend është 282 mijë. Kryeministri Rama ërit ë ditur se priten dhe 70 mijë Pfizer, 80 mijë Astrazenca dhe 25 mijë vaksina të tjera Sputnik V. Ndërsa 106 mijë vaksina të tjera sipas tij janë në proces me Bashkimin Europian. Së bashku me mbi 300 mijë dozat e tjera të vaksinës kineze, totali i përgjithshëm arrin në 871 mijë doza, ndërsa sasitë e kontraktuara në 2.6 milion.

 

Mbërritja e vaksinave kineze “na mundëson që menjëherë të shtrijmë vaksinimin në të gjithë territorin në bazë të planit që kemi përgatitur dhe të nisim një process shumë intensive vaksinimi”, deklaroi kryeministri Rama në një konferencë shtypi në aeroportin “Nënë Tereza”, menjëherë pas mbërritjes së sasive të para nga Turqia. Ai theksoi se brenda muajit qershor synohet vaksinimi i 500 mijë qytetarëve.

 

Kryeministri, njoftoi se Shqipëria është e gatshme të ndihmojë në vaksinimin e të gjithë personalit shëndetësor të Kosovës. “Janë 11 mijë punonjës shëndetësie në Kosovë dhe brenda 20 ditësh, maksimumi, duke pasur parasysh ritmin e ardhjes së tyre në Kukës në dy ditët që bëmë vaksinimin e 500 personave, ne jemi gati të kryejmë vaksinimin e të gjithëve. Në rast se ata duan ta përshpejtojnë procesin e janë në gjendje të organizohen për të ardhur në numra më të mëdhenj në Kukës, apo edhe për ta bërë me 3 turne vaksinimin, nuk ka problem, mund të bëhet dhe në një kohë shumë më të shpejtë”, tha ai.

 

Më tej ai bëri të ditur se kishin nisur bisedimet për të sjellë në Shqipëri dhe një fabrikë të prodhimit të vaksinave dhe produkteve të tjera farmaceutike. “Një fabrikë e teknologjisë së lartë, e cila aktualisht është një ndër kompanitë më të mëdha farmaceutike në botë, kompania farmaceutike që bën distribucionin e vaksinës Sinovac,por që në të njëjtën kohë është prodhuese e shumë vaksinave dhe produkteve të tjera farmaceutike. Me këtë kompani ne kemi nisur bisedimet për të sjellë në Shqipëri një investim shumë të rëndësishëm, jo vetëm për këtë moment, por për të ardhmen”, shpjegoi kryeministri.

 

 

 

 

Më shumë

Kongresi Botëror i Kanabisit dhe e ardhmja e industrisë

Këtë vit shteti i Nju Jorkut legalizoi marijuanën për përdorim personal. Kjo industri pritet të rritet në mënyrë dramatike, duke sjellë fitime dhe vende pune.   Më shumë se 200 kompani që morën pjesë në Kongresin Botëtor të Kanabisit dhe Ekspozitën e Biznesit, po përpiqen të investojnë.   Brian Benjamin, zëvendës guvernator i […]

Spitalet po e përballojnë pandeminë me mungesa të shumta në mjekë e pajisje

Në Tiranë, Organizata Together for Life publikoi një raport mbi standardet minimale që u nevojiten spitaleve për të përballuar pacientët me COVID-19.   Nga monitorimi në 57 spitalet publike dhe private u zbulua një seri mungesash në stafe dhe në pajisje mjekësore gjatë pandemisë Covid.     Raporti theksoi se spitalet e Shqipërisë kanë […]

Në 2020-n, shqiptarët shpenzuan 72 milionë euro më shumë për shëndetin

Vitit 2020 ishte i jashtëzakonshëm, teksa pandemia ndikoi ndjeshëm shëndetin e popullatës dhe aktivitetin e ekonomisë.   Ndërsa vala e parë e virusit u arrit të frenohej si rrjedhojë e karantinës së fortë, në pjesën e dytë të vitit shumë familje dhe individë u gjendën përballë zgjidhjeve të vështira, ndërsa për shumë pasojat ishin […]

100 Vjet Kryqi i Kuq Shqiptar

Si sot, më 4 tetor 1921, u themelua Kryqi i Kuq Shqiptar. Është shoqata më e vjetër humanitare në Shqipëri. Ai është njohur zyrtarisht nga Komiteti Ndërkombëtar i Kryqit të Kuq në vitin 1923. Që nga ky vit është anëtar i Federatës (në atë kohë Ligës) së Shoqatave të Kryqit të Kuq dhe Gjysmëhënës […]

  • © 2017 Albanian Profile Të gjitha të drejtat e rezervuara