e martë 17 maj 2022
e martë 17 maj 2022

 

 

Kur bëhet fjalë për dokumentimin e provave të krimeve të luftës në Siri, gazetarët dhe civilët ishin ata që udhëhoqën. Dokumentari “Bringing Assad to Justice”, “Të vësh Assadin para drejtësisë” zbulon rolin e rëndësishëm që gazetarët e huaj dhe vendas mund të luajnë në ekspozimin e abuzimeve të të drejtave, sulmeve dhe torturave

 

 

Bombardime, akuza për përdorim të armëve kimike, tortura dhe vrasje. OKB-ja dhe të tjerët akuzojnë presidentin Bashar al-Assad për një listë të gjatë krimesh në dekadën që Siria ka qenë në luftë.

 

Një film i ri, “Bringing Assad to Justice” thekson përpjekjet e gazetarëve dhe qytetarëve për të mbledhur prova dhe për të kërkuar përgjegjësi për ato krime.

 

“Njerëzit duhet të ndërgjegjësohen se Siria është një nga skenat më të mëdha të krimit në botë, se torturat janë sistematike, zhdukjet vazhdojnë dhe qindra mijëra njerëz kanë qenë tashmë viktima të këtyre krimeve famëkeqe si dhe vrasjeve arbitrare”, thotë Ronan Tynan, drejtori i filmit.

 

Siria renditet si një nga vendet më të këqija për sigurimin e drejtësisë në sulmet ndaj mediave, thotë Komiteti për Mbrojtjen e Gazetarëve.

 

Midis viktimave janë edhe korrespondentja amerikane Marie Colvin dhe fotoreporteri francez Remi Ochlik. Ata u vranë ndërsa fotoreporteri britanik Paul Conroy u plagos rëndë kur forcat siriane bombarduan qendrën e tyre të improvizuar mediatike në Homs, në vitin 2012.

 

Fotoreporteri britanik Paul Conroy thotë se është shumë i vetëdijshëm për rolin që luajtën media lokale ndërsa Siria u bë më e rrezikshme.

 

“Siria ishte një vend i vështirë për gazetarët perëndimorë që të hynin. Sigurisht ISIS ishte aty, pasi Marie u vra kjo ishte pothuajse një pikë kthese ku vërtet duhej të mendoje dy here. Ne jemi ndihmuar shumë nga gazetarët lokalë sirianë që paguan një çmim të tmerrshëm, disa janë të vdekur dhe të tjerë të zhdukur”, thotë ai.

 

Assad mohon krimet e luftës. Por në vitin 2019, një gjykatë amerikane e gjeti qeverinë siriane përgjegjëse për vrasjen e Colvin, duke e urdhëruar atë të paguajë 300 milionë dollarë si dëmshpërblim. Rasti përfshinte prova të mbledhura nga gazetarë sirianë dhe perëndimorë.

 

Regjisori Tynan thotë se shumica e pamjeve të përdorura në film ishin filmuar nga Conroy dhe gazetarë lokalë në Siri.

 

“Këta njerëz nuk janë vetëm punonjës të medias; ata janë mbrojtës të të drejtave të njeriut në kuptimin e vërtetë të kësaj fjale. Dhe pa to, ne nuk do të kishim provat që kemi sot kundër krimeve kundër njerëzimit në Siri”, thotë ai.

 

Ndërsa sirianët kërkojnë drejtësi për viktimat e luftës, krijuesit e këtij filmi dokumentar shpresojnë se provat që ata kanë mbledhur do të përdoren që përgjegjësit të vihen para drejtësisë. VOA

 

Më shumë

Duke shpresuar se Omicron nuk do të shkatërrojë Krishtlindjet, Betlehemi ndez dritat e pemës

BETHLEHEM, Bregu Perëndimor, 4 dhjetor (Reuters) – Banorët ndezën një pemë gjigante të Krishtlindjeve jashtë Kishës së Lindjes së Betlehemit të shtunën, duke shpresuar që një variant i ri i koronavirusit të mos prishë një sezon tjetër pushimi në vendlindjen tradicionale të Jezusit. Betlehemi u mbyll vetëm Krishtlindjet e kaluara, duke humbur sezonin […]

Zgjerimi i ndikimit turk rrit tensionet me Iranin

Arrestimi i agjentëve iranianë në Turqi muajin e kaluar, thonë analistët, është shenja më e fundit e rritjes së tensioneve midis dy fqinjëve. Kjo po ndodh ndërsa Turqia po zgjeron ndikimin e saj në rajonin e Kaukazit në dëm të Iranit.   Forcat turke të sigurisë arrestuan agjentët iranianë për të cilët Turqia […]

Energjia atomike energji e gjelbër?

Gjermania dhe disa shtete të BE kundërshtojnë kategorizimin e energjisë atomike si energji të gjelbër. Por shumica e vendeve të BE e mbështet këtë, mes tyre edhe Franca.     Gjermania dhe katër shtete të tjera e kundërshtuan hapur në Glasgou, ku përfundoi Konferenca Botërore për Klimën, kategorizimin e energjisë atomike si energji të […]

Izraeli mohon akuzat për spiunazh në Turqi

Izraeli është angazhuar për lirimin e një çifti izraelit të cilët janë dërguar në mbajtje nga ana e autoriteteve turke, tha kryeministri izraelit, Naftali Bennett.   Media shtetërore turke ka thënë se izraelitët e ndaluar ishin spiunë.   Kryeministri Bennett tha përmes një deklarate se ai ka biseduar me familjen e dy izraelitëve, […]

  • © 2017 Albanian Profile Të gjitha të drejtat e rezervuara