Lorenc Antoni – kompozitori, dirigjenti dhe etnomuzikologu shqiptar, (1901-1991)

Ka lindur në Shkup më 21 tetor 1901 ku ka studiuar në Fakultetin Filozofik në Shkup e muzikën e ka mësuar privatisht në qytetin e lindjes dhe në Beograd. Veprimtarinë muzikore e fillon së pari si dirigjent koresh. Jo shumë vonë fillon të kompozojë edhe pjesë të ndryshme, veçanërisht për orkestra mandolinash dhe tamburash, të cilat i udhëhiqte. Bashkë me kompozime fillon të merret njëkohësisht edhe me mbledhje të folklorit dhe me etnomuzikologji, kurse veprimtarinë si pedagog muzike e fillon më vonë. Këto katër veprimtari Lorenc Antoni i zhvilloi në Shkup deri në vitin 1941.

Në prill të vitit 1941 zhvendoset në Kosovë, më parë në Ferizaj e pastaj në Prizren duke u marrë me muzikë.

I vetëmi dirigjent i korit shqiptar atëherë ishte Lorenc Antoni. Fondi tepër i vogël i muzikës korale që kishte kompozuar qysh para lufte i shërbeu për të filluar punën me kore. Për punën e mëtejshme iu desh të krijojë një literatyrë korale të re. Për nevojat e korit të Shoqërisë Kulturale Artistike “Agimi” në Prizren, të cilin e udhëhoqi deri në gjysmën e vitit 1956, kompozoi një varg pjesësh korale.

Më 1948, kur u hap Shkolla e parë e muzikës në Prizren, Lorenc Antoni qe drejtori i parë i saj deri më 1956. Pas kalimit në Radio Prishtina, si redaktor i muzikës popullore, udhëheq shumë kohë edhe korin e saj. Më se 40 vjet ka dirigjuar kore të ndryshme në Shkup, Ferizaj, Prizren e Prishtinë e gjithkund ka korrë suksese të dukshme.

Si muziktar i parë në Kosovë, pa kurrfarë traditash muzikore të trashëguara, Lorenc Antonit iu desh që vetë ta hapë rrugën e vështirë të shkencës dhe të artit muzikor dhe të zgjidhë shumë e shumë probleme lidhur me jetën muzikore. Andaj, kontributi i tij është aq më i vlefshëm dhe merita e tij është po aq e madhe.

Në AQSH ruhet një përmbledhje e krijmtarisë së Lorenc Antonit e botuar nga shtëpia botuese “Prosveta” të Beogradit, në vitin 1957.

• 

  Sali Butka – Patriot, kaçak, poet dhe një nga delegatët e Korçës në Kongresin e Lushnjës në vitin 1920

• 

  Lorenc Antoni – kompozitori, dirigjenti dhe etnomuzikologu shqiptar, (1901-1991)

• 

  Epopeja e Kodrës së Kuqe: Vojo Kushi, Sadik Stavileci dhe Xhoxhi Martini

• 

  Abedin D. Çiçi, babai i hortikulturës Shqiptare

• 

  Shën Joan Kukuzeli – mjeshtri durrsak dhe krijuesi i metodave të shkrimit muzikor bizantin

• 

  Shkodër, nderohen luftëtarët e kryengritjes antiosmane të vitit 1911