e diel 17 janar 2021
e diel 17 janar 2021

 

Lugina e Lumit të Gashit, në rrethin e Tropojës e mbuluar nga pyjet e vjetër të ahut, është një zonë e mrekullueshme malore ku gëlon jeta e egër. Ky territor mban statusin rezervë strikte natyrore, kategoria I sipas IUCN, dhe vlerësohet si pasuri natyrore ndërkombëtare nga UNESCO.

 

Ekipi i PPNEA, në kuadër të Programit për Rimëkëmbjen e Rrëqebullit të Ballkanit, realizoi një monitorim ekstensiv në këtë zonë, i cili zgjati rreth një muaj. Larmishmëria e jetës së egër, e fotografuar nga kamerat tona, ishte mbresëlënëse, duke numëruar lloje si:

 

ariu i murrmë (Ursus arctos),

gjumashi i madh i pyllit (Glis glis),

baldosa (Meles meles),

macja e egër (Felis sylvestris),

kaprolli (Capreolus capreolus),

thëllëza e malit (Alectoris graeca),

derri i egër (Sus scrofa),

ujku (Canis lupus),

dhelpra (Vulpes vulpes),

lepuri i egër (Lepus europaeus)

dhe kunadhja (Martes foina).

 

Pavarësisht se qëllimi i këtij studimi ishte vërtetimi i pranisë së rrëqebullit të Ballkanit, të dhënat e marra vërtetuan praninë e gjahut të tij, i cili konsiston në lloje si kaprolli, lepuri i egër, etj.

 

Ky monitorim u realizua së bashku me stafin e Adzm Kukës, të cilët janë trajnuar prej ekipit tonë, duke ndihmuar në rritjen e kapaciteteve institucionale për menaxhimin e jetës së egër.

 

 

Territori i Lumit të Gashit

Lumi i Gashit u shpall nga autoritetet shqiptare si rezervë natyrore në vitin 1996, me një sipërfaqe prej 3000 ha në verilindje të Alpeve, në rrethin e Tropojës, shumë larg zonës së banuar. Një pjesë e madhe e sipërfaqes së Lumit të Gashit mbulohet me pyje të virgjëra ahu. Pellgu gjeografik përshkohet nga rrjedha ujore të cilat prej dekadash kanë ndihmuar botën e gjallë të lulëzojë dhe jetojë e qetë, e patrazuar nga dora e njeriut.

 

 

Flora dhe fauna

Ahu dhe halorët jetojnë harmonkisht në këtë zonë që njihet edhe për faunën e rrallë që fsheh në brendësi. Tërritori i mbrojtur rigorozisht është habitat për ariun e murrmë, kaprollin, ujkun, derrin e egër, thëllëzën e malit, gjelin e egër, zhgabën, etj. Klima në këtë park kombëtar është e favorshme për të ndihmuar rritjen e pyjeve të ahut. Pavarësisht se është veri, Lumi i Gashit jeton ndikimet e klimës mesdhetare të krejt Shqipërisë. I gjithë rezervati rezulton i padëmtuar nga ndërhyrja e njeriut dhe pyjet e ahut janë rritur e zhvilluar sipas kushteve natyrore të ahut evropian.

 

Ku ndodhet

Në afërsi të Lumit të Gashit ndodhen liqejtë akullnajorë të Dobërdolit dhe Sylbicës, të cilët vetëm sa rrisin favoret atraktive të zonës. Për të vizituar rezervën natyrore ndiqet rruga automobilistike që fillimisht kalon nga Bajram Curri në fshatrat Qerem, Torkuz, Doberdol dhe pas 45 kilometrave përshkohet rrugë këmbësore që të afron tek Lumi i Gashit. Guidat lokale mund të sugjerojnë edhe një shteg tjetër për këmbësorë i cili duhet thënë se është më shumë impenjativ.

 

 

 

 

 

 

Më shumë

Foka e Mesdheut vazhdon të na befasojë në brigjet e Karaburunit (video)

Foka e Mesdheut (Monachus monachus) është dëshmuar disa ditë më parë në afërsi të bazës ushtarake në Pashaliman. Ky raportim u krye nëpërmjet pamjeve filmike të regjistruara nga një vizitor në zonë.   Prania e këtij lloji në brigjet e Shqipërisë na bën krenarë dhe na motivon akoma më tepër për të ruajtur ekosistemet […]

Hidrocentrali mbi lumin Vjosa nuk do të ndërtohet

Hidrocentrali i Kalivaçit nuk do të ndërtohet. Agjencia Kombëtare e Mjedisit ka refuzuar lejen mjedisore pas kërkesës së bërë nga shoqëria koncesionare AYEN-ALB në fillim të vitit.   Hidrocentrali i Kalivaçit do të ndërtohej mbi lumin Vjosa, por kundërshtimet kanë qënë të forta si nga organizatat e mbrojtjes së mjedisit edhe nga eurodeputetë të […]

Një specie e re peshkaqeni në PKD Karaburun-Sazan

Një specie e re peshkaqeni është shfaqur në Parkun Kombëtar Detar  në Karaburun-Sazan. Sipas njoftimit nga Qendra e Vizitorëve Radhimë në Vlorë, peshkaqeni është i parrezikshëm për njerëzit.   Mbretëria: Shtazore Tipi: Kordata Klasa: Kondrihtët Rendi: Skualiformët Familja: Dalatide Gjinia: Dalatias Lloji: Dalatias licha (Peshkaqeni fokë)   𝗞𝗮𝗿𝗮𝗸𝘁𝗲𝗿𝗶𝘀𝘁𝗶𝗸𝗮𝘁 𝗲 𝘀𝗽𝗲𝗰𝗶𝗲𝘀: Peshkaqen i parrezikshëm për […]

Parada e përvitshme e banorëve të pyllit në rajonin e Prespës, para kamerave kurth të PPNEA

Për të tretin vit rradhazi, prej fundit të muajit shtator e deri ne fillim të dhjetorit, PPNEA po zhvillon studimin me kamera kurth në rajonin e Prespës, një studim i cili zbatohet në nivel ndërkufitar prej partnerëve të PrespaNet, përgjatë vitit. Në filim të kësaj jave të fundit të muajit tetor, eskpertët e PPNEA, […]

  • © 2017 Albanian Profile Të gjitha të drejtat e rezervuara