e shtunë 25 qershor 2022
e shtunë 25 qershor 2022

 

Partia opozitare Alternativa është bërë pjesë e koalicionit qeveritar në RMV. Kryeministri Zoran Zaev dhe kryetari i Alternativës Afrim Gashi kanë nënshkruar marveshjen 9 pikëshe për hyrjen e Alternativës në Qeveri.

 

 

Kryeministri i Maqedonisë së Veriut, Zoran Zaev tha se kjo marrëveshje paraqet një qëndrueshmëri politike për të hapur negociatat me BE-në, bisedimet me Bullgarinë dhe për të vazhduar luftën kundër Covid-19 dhe sfidave që priten nga kriza energjetike.

 

“Vlera e kësaj marrëveshjeje është përballja me sfidat. Gjëja më e rëndësishme është funksionimi i institucioneve dhe përgjegjësia e përcaktuar qartë ndaj qytetarëve. Kjo është e rëndësishme në kohë sfidash në vend dhe më gjerë. Kjo qeveri duhet të japë rezultate në interes të qytetarëve, veçanërisht në kohën kur nevojitet një kurs veprimi euroatlantik”, tha Zaevi.

 

Gashi: Po hyjmë në qeveri për të ndihmuar vendin

 

Kryetari i Alternativës, Afrim Gashi duke folur për nëntë pikat e dakorduara me LSDM-në dhe BDI-në si bazë të programit të ri të qeverisë ka konfirmuar zyrtarisht se opozita hyn në qeveri me katër deputetët e saj. Afrim Gashi tha se në qeveri po hyjnë për të ndihmuar shtetin që të dalë nga kriza.

 

“Asnjëherë nuk kemi thënë fjalë të rënda për këtë qeveri, por kemi pasur vërejtjet e tona.Unë nuk mendoj se qeveria ku futemi është perfekte, përndryshe nuk do të kishte nevojë të ishim ne aty. As nuk mendoj që me hyrjen tonë gjithçka do të bëhet qumësht e mjaltë. Është shumë lehtë të kritikoni, kritika është gjëja më e lehtë që mund të bëhet. Puna më e rëndë është t’i hysh punës, të përveshësh mëngët dhe të zgjidhësh problemet”, tha kryetari i Alternativës, Afrim Gashi. Ai është zotuar edhe për zbardhjen e një sërë rasteve të montuara politike.

 

“Për herë të parë ndodh që Qeveria e Maqedonisë do të dërgojë kërkesë zyrtare deri tek Komisioni Evropian, që ata të dërgojnë një grup ekspertësh për të bërë hetim ndërkombëtar të rasteve. Dhe ky është momenti i ri dhe kjo është shpresa jonë që mund të vihet deri te zbardhja e atyre rasteve”, vlerësoi Gashi.

 

DOM dhe LDP kanë vërejteje për konfiguracionin e ri qeveritar

 

Kryeministri Zaev duhet t’i informojë partnerët e koalicionit për marrëveshjen e arritur me liderin e Alternativës Afrim Gashi, për hyrjen e tyre në qeveri. Partitë më të vogla të koalicionit LDP dhe DOM kanë disa vërejtje për hyrjen e Alternativës në Qeveri.

 

“Vendi ka një sfidë të fortë në dhjetor dhe ky është fillimi i negociatave me Bashkimin Evropian. Gjithë energjia e aktorëve politikë duhet të drejtohet drejt zgjidhjes së këtij problemi e jo të merremi me pozitat personale dhe vendimet kuadrovike për të cilat padyshim janë dakorduar”, ka tha kryetari i LDP-së Goran Milevski.

 

VMRO-DPMNE: Alternativa bëhet partner me krimin dhe korrupcionin

 

Pas hyrjes së Alternativës në Qveri ka reaguar edhe partia më e madhe opozitare maqedonase VMRO-DPMNE. Sipas saj, Alternativa në vend që të bëhet korrigjues i vlerave të shtrembëruara, bëhet partner i LSDM-së dhe BDI-së.

 

“Deri kur partitë e vogla politike që janë pjesë e pushtetit do të jenë ndjekës të verbër të krimit, padrejtësive dhe marrëveshjeve politike që janë në dëm të shtetit. Qytetarët nuk duhet të bien pre e spektakleve të LSDM-së, BDI-së dhe Alternativës, pasi asgjë nuk do të ndryshojë për mirë dhe Maqedonia do të vazhdojë të jetë në fund të të gjitha raporteve vendi më i korruptuar dhe më kriminal ”, thuhet në reagimin e VMRO-së.

 

Me hyrjen në qeveri , Alternativa zgjeron shumicën parlamentare me katër deputetë ndërsa merr dy poste ministrore në Ministrinë e Shëndetësisë dhe Ministrinë e Teknologjisë Informative dhe Administratës, si dhe një  ministër pa portofol, të angazhuar për diasporën.

 

Më shumë

Zgjedhjet lokale: Bilall Kasami kryetar i Tetovës

Partia opozitare në Maqedoninë e Veriut, VMRO-DPMNE, shpalli të dielën mbrëma fitoren në shumicën e komunave në raundin e dytë të zgjedhjeve për pushtetin lokal.   Ndërsa nga partitë shqiptarë, Bashkimi Demokratik për Integrim tha se është fituese në këto zgjedhje, ndonëse humbi Tetovën që vlerësohet si komuna me e rëndësishme për shqiptarët […]

Maqedonia e Veriut shënon 30 vjetorin e pavarësisë

Me rastin e festimit të kësaj dite, në qendër të kryeqytetit do të parakalojnë punonjësit shëndetësorë, sportistët, zjarrfikësit, policia dhe ushtarët, minatorët, fermerët, vullnetarët e Kryqit të Kuq, si dhe ansamble kombëtare dhe shoqatat kulturore dhe artistike.   Festa qendrore do të jetë e hapur para Kuvendit duke filluar nga ora 17:30 dhe […]

Digjet spitali në Tetovë – viktima dhe të plagosur

Një zjarr përfshiu të mërkurën mbrëma spitalin në Tetovë ku ishin të shtrirë të sëmurë nga COVID-19 duke lënë pas vetes viktima të dhe të plagosur.   Ministri i Shëndetësisë i Maqedonisë së Veriut, Venko Filipçe, tha se deri tash janë konfirmuar 10 viktima, por numri mund të rritet.   Në Tetovë ndodhet […]

20-vjetori i Marrëveshjes së Ohrit

Nënshkrimi i Marrëveshjes së Ohrit u bë i mundur pas luftës së armatosur të vitit 2001. Marrëveshja u realizua me ndihmën e bashkësisë ndërkombëtare.   Qeveria e Maqedonisë së Veriut në bashkëpunim me programin për ndërtimin e paqes dhe të drejtat e njeriut në Universitetin Columbia organizoi panelin ndërkombëtar “Përtej Ohrit”.   Në panelin ndërkombëtar […]

  • © 2017 Albanian Profile Të gjitha të drejtat e rezervuara