e shtunë 19 qershor 2021
e shtunë 19 qershor 2021

 

Numri i personave që kërkojnë të punësohen nga Zyrat e Punës shënoi rritje të shpejtë gjatë pandemisë Covid-19, nga marsi 2020 në marsin 2020.

 

Sipas Observatorit të Këshillit të Bashkëpunimit Rajonal (RCC) gjatë vitit të pandemisë, rreth 66,770 persona u regjistruan sërish në Zyrat e Punës në kërkim të punësimit. Numri i punëkërkuesve thuajse u dyfishua në krahasim me para pandemisë, teksa kulmi u shënua në muajin prill 2020, kur mbi 12,744 persona u regjistruan për punësim.

 

Stoku i të papunëve të raportuar nga të dhënat administrative shënoi rreth 97 mijë në fund të marsit 2021. Vetëm në tremujorin e parë të vitit rreth 13821 persona u regjistruan rishtas si të papunë.

 

Stoku i të papunëve, sipas të dhënave administrative, shënoi nivelin më të lartë në tremujorin e parë 2021 që nga viti 2016.

 

Në mars – prill 2020 ishin flukset më mëdha të regjistrimeve të cilat u nxitën nga kushtet e qeverisë për të përfituar nga paketat e ndihmës gjatë pandemisë. Kërkesat ranë disi me hapjen e ekonomisë dhe fillimin e sezonit veror, por regjistrimet nisën sërish me rritjen në muajin shtator 2020 e cila ka vijuar të jetë e lartë edhe për tre muajt e parë të vitit 2021.

 

Të dhënat e tjera nga Anketa e Forcës së Punës treguan se gjatë vitit 2020 humbën punën mbi 37 mijë persona, prej të cilëve 33% ishin të rinj.

 

Në gjashtëmujorin e parë të vitit 2020, kur ndikimi i pandemisë në tregun e punës ishte më i mprehtë dolën të papunë rreth 47 mijë persona, mirëpo me ardhjen e sezonit turistik, punësimi nisi rigjallërimin, madje treguesit e punësimit shënuan përmirësim sidomos te të rinjtë. Me përfundimin e sezonit turistik dhe rikthimin e valës pandemike, mijëra të rinj e humbën sërish punën.

 

Performancën më të mirë në tregun e punës e kanë ata më pak të arsimuarit. Shkalla e papunësisë në këtë kategori ishte 9.9%, shumë poshtë papunësisë së përgjithshme që ishte 11.8% në tremujorin e fundit të vitit. Gjithashtu kriza e shihet te ketë qenë më e butë në këtë nivel të arsimi, pasi statistikat zyrtare tregojnë se papunësia në këtë kategori u rrit me vetëm 0.2 pikë përqindje.

 

Sipas të dhënave të brendshme, nga zyrat e punës, kërkesa për punë fokusohet më tepër në kategorinë e zejtarëve dhe zanatçinjve me 30% të totalit të vendeve të lira të shpallura, ndërsa oferta përbën 15% të totalit të të regjistruarve për këto vende.

 

Edhe pse për këtë kategori, kërkesa e tejkalon ofertën për punë, një pjesë e konsiderueshme e të papunëve nuk arrijnë të punësohen për shkak të moshës, arsimit dhe profesioneve specifike që ata kanë.

 

Kategoria e dytë me më shumë vende të lira janë profesionet elementare, me 22% të totalit të vendeve të lira të shpallura

 

Punëkërkuesit e papunë, të cilët janë pa profesion, përbëjnë rreth 19% të regjistrit të punëkërkuesit. Sikurse te profesionet elementare, përveç mungesës së vendeve të lira për punonjës të pakualifikuar, në këtë kategori 24% e punëkërkuesve të papunë trajtohen me ndihmë ekonomike. Monitor

Më shumë

Rriten  shkëmbimet tregtare midis Kinës dhe Shqipërisë

Sipas një studimi të fundit nga China-CEE Institute me seli në Hungari, tregtia dypalëshe midis Kinës dhe Shqipërisë, ka pësuar rritje të konsideruesheme në tremujorin e parë të vitit 2021. Të dhënat sipas tremujorit tregojnë se importet nga Kina në tremujorin e parë të vitit 2021 janë rritur me 32% dhe eksportet shqiptare në […]

Në ambientet e spitaleve qarkullojnë më shumë para të falsifikuara

Dokumentari Unpublished investigon si funksionon tregu i falsifikimi të parave në vendin tonë. Vendet të cilat hidhen në treg paratë false sipas ekspertëve, janë zyrat e këmbimit valutor, pikat e karburantit, tregun e gjësë se gjalle, dyqanet e ushqimore etj. Ndërsa periudhat më të përshtatshme janë sezoni turistik dhe festat e fund vitit. […]

Shqiptarët konsumuan më shumë në muajin e zgjedhjeve

INSTAT thotë se në muajin prill inflacioni shënoi shifrën më të lartë që prej muajit tetor të vitit të kaluar, duke konfirmuar perceptimin se gjatë muajit zgjedhor shqiptarët konsumuan më shumë.   Kategoria me rritjen më të fortë të inflacionit është ajo e ushqimeve dhe pijeve joalkoolike. Krahasuar me prillin e 2020-ës, kjo […]

Moody`s: Barra e lartë e borxhit publik dhe skemat PPP mbeten sfida

Moody`s ka mbyllur rishikimin periodik të notës së borxhit të Shqipërisë. Ky veprim i gjigandit të vlerësimit nuk vlen si një vendim për notën e borxhit, pasi është në kuadër të rishikimit periodik me frekuencë dy herë në vit. “Profili i kreditit të Shqipërisë, në “B1”, është i sforcuar nga vlerësimi në “ba3” […]

  • © 2017 Albanian Profile Të gjitha të drejtat e rezervuara