e premte 19 gusht 2022
e premte 19 gusht 2022

 

 

Bashkëshortja e kryeministrit, Linda Rama u shfaq sot në lozhën e sallës së parlamentit për të ndjekur nga afër prezantimin e programit qeverisës në mandatin e tretë të socialistëve. Ajo qëndroi në sallë vetëm për të ndjekur fjalën e bashkëshortit, që prezantonte projektet për 4 vitet e ardhshme.

 

 

Është hera e parë që Linda Rama shfaqet në një institucion shtetëror, në një aktivitet zyrtar të qeverisë ku flitet për vendimmarrjen politike dhe administrative. Prania e saj në sallë, ka thyer distancën që bashkëshortja e kryeministrit ka mbajtur deri dje në lidhje me vendimmarrjen qeverisëse.

 

Pak kohë më parë, gjatë një interviste në Euronews, Linda Rama nuk e ka fshehur ndikimin që ka tek bashkëshorti, duke e konsideruar veten si “dora tjetër në timon”.

 

“Për të respektuar vullnetin e njerëzve, ata kanë zgjedhur Edin që të jetë protagonist. E dija që kosa e egër nuk do më kursente as mua. Statusi i bashkëshortes lidhet gjithmonë me privilegje. Jam Linda që ka qenë gjithmonë, kam dhe unë të drejtë timoni. Edi është debatues i vështirë, nuk heq dorë as unë, më pas ai reflekton”- tha Linda ndër të tjera.

 

Vetë Rama, në intervistën për Opinion para zgjedhjeve të 25 Prillit, ka folur për vetminë, që e rrethon duke qenë në majë të piramidës së pushtetit. Tërthorazi, shprehu nevojën për ta thyer këtë vetmi, që vetëm pak mund t’ia kuptonin.

 

Shenjat janë se e ka kuptuar, që ilaçin për ta mundur vetminë e pushtetit e ka pasur më pranë se sa kishte menduar. Ndaj një shfaqjeje vanitoze sot nga ana e Linda Ramës, kryeministri nuk i ka thënë dot jo.

Më shumë

“Non-grata”, Berisha shkon me ‘Foltoren’ në SHBA

Të dielën e 5 dhjetorit ora 12:00 me orën lokale, do të zhvillohet ‘Foltorja’ e ish-kryeministrit Sali Berisha me shqiptarët e Amerikës. Njoftimin e ka bërë publik lideri historik i PD përmes një postimi në Facebook. Organizimi është bërë nga diaspora shqiptare në SHBA.   Takimi do të zhvillohet me video-konferencë njësoj sikur të […]

Dekriminalizim e dorëheqje, si mbetën 6 bashki pa kryetar

Vënia nën akuzë nga SPAK i kryebashkiakut të Mallakastrës, Qerim Ismailaj, dhe mënyra se si do t’i rrjedhë përballja me drejtësinë për akuzën e “falsifikimit”, nuk e përjashton mundësinë e ndërprerjes së mandatit të tij.   Por nga ana tjetër, në vend janë gjashtë bashki të cilat nuk e kanë një kryetar të […]

Shtyhet ngritja e komisionit të reformës zgjedhore

Miratimi i komisionit të posaçëm të reformës zgjedhore është tërhequr nga seanca e sotme në Kuvendin e Shqipërisë.   Vendimi ka ardhur pas kërkesës së kreut të grupit parlamentar të Partisë Demokratike, Alfred Rushaj.   Kjo për faktin se palët ende nuk janë dakordësuar për objektin e komisionit të posaçëm të reformës zgjedhore. […]

Kuvendi i Shqipërisë ratifikon konventën me Izraelin për shmangien e taksimit të dyfishtë

Kuvendi i Shqipërisë ratifikon konventën me Izraelin për shmangien e taksimit të dyfishtë. Ministrja e Financave Delina Ibrahimaj ka prezantuar në Kuvend projektligjin që do të votohet ditën e sotme mbi konventën e nënshkruar mes Shqipërisë dhe Izraelit.   Sipas saj kjo konventë do të bëjë që çdo shtetas apo biznes që zhvillon […]

  • © 2017 Albanian Profile Të gjitha të drejtat e rezervuara