e martë 22 qershor 2021
e martë 22 qershor 2021

 

Kapitenia Stephanie Demores bën pjesë në grupin e parë të ushtarakëve amerikanë që mbërritën në Shqipëri në kuadër të “Defender Europe 21″. Stërvitja shumëkombëshe e drejtuar nga shtetet e bashkuara, i ka dhënë mundësi nënës së tre fëmijëve të njohë Shqipërinë, ku thotë se do të kalojë pushimet.

 

 

“Vendi juaj është shumë i bukur, ka male, që ne në Florida nuk i kemi. Do kisha shumë dëshirë të kthehesha. Kam kohë që i kërkoj bashkëshortit të më dërgojë me pushime, kam përshtypjen se do ta sjell këtu. Ka vështirësitë e veta të jesh grua në ushtri. Kam 3 fëmijë dhe im shoq po kujdeset për ta në shtëpi”, shprehet ushtarakja amerikane.

 

Kapitenia Demores inkurajon gratë, përfshirë dhe ato shqiptare të bëhen pjesë e ushtrisë. Të tilla kishte dhe ndër radhët e 267 ushtarakëve të tjerë amerikanë që mbërritën këtë të diel në Rinas për t’iu bashkuar stërvitjes.

 

“Kam rreth 2000 ushtarë të tjerë që do të vijnë këtu javën e ardhshme. Ne jemi këtu për të punuar me aleatet e NATO-s dhe forcat partnere. Duam të sigurojmë që mund të ruajmë paqen në zonë. Dhe në saj të përpjekjeve tona t’i tregojmë mbështetjen NATO-s dhe aleatëve tonë”, tha komandanti, Blake Glass.

 

Ambasadorja e SHBA në Tiranë, Yuri Kim gjatë pritjes në aeroportin e Rinasit të trupave amerikane, deklaroi se në total në vendin tonë do të vijnë 6 mijë trupa ndërsa theksoi se nga ana e SHBA janë shpenzuar 35 milionë dollarë gjatë stërvitjes.

 

“Kjo është stërvitja ushtarake e drejtuar nga amerikanët më e madhe e zhvilluar ndonjëherë në Ballkanin Perëndimor. Shqipëria është shteti kryesor mikpritës në të gjithë vendet e Ballkanit. Është shumë e rëndësishme, historike. Nuk ka vetëm përfitime ushtarake nga kjo stërvitje , por ka sjellë punë , injektim monetar në ekonominë vendase. Deri më tani ushtria amerikane ka shpenzuar 35 milionë dollar në Shqipëri. Duke punësuar shoferë, punëtorë ndërtimi. Pra është diçka e madhe”, tha ambasadorja Kim.

 

Deri në fillim të qershori në Shqipëri do të zhvillohen stërvitje ku përfshihen dhe qitjet e drejtpërdrejta, ato mbrojtëse ajrore, raketore apo dhe detare. Në javët e ardhshme do të vijnë mbi 6000 ushtarë të tjerë në vendin tonë ku janë ndërtuar 7 nga 30 bazat e stërvitjes. “Defender Europe 21” zhvillohet njëkohësisht në 16 shtete, në 12prej tyre janë ndërtuar baza sërvitore për 28 mijë ushtarët që marrin pjesë në të.

 

 

Më shumë

NATO nis stërvitjet ushtarake në Shqipëri

NATO nisi sot stërvitjen ushtarake në Shqipëri, me pjesëmarrjen e mijëra forcave nga Shtetet e Bashkuara.   Stërvitjet në këtë shkallë janë të parat në Ballkanin Perëndimor që nga Lufta e Dytë Botërore, tha koloneli amerikan, Joseph Scrocca.   Ai tha se Shqipëria është “një aleate e vendosur e NATO-s që nga viti 2009” […]

Stërvitja më e madhe ushtarake e NATO në Shqipëri, Kim: Shqipëria, vend kryesor pritës

Ambasadorja amerikane në Tiranë, Yuri Kim, mori pjesë pasditen e sotme në një takim të organizuar në Presidencë, ku të pranishëm ishin edhe kryeministri Rama, lideri i opozitës Basha, si dhe gjeneral-major Joseph Jarrard, Zv. Komandant Gjeneral i Ushtrisë së SHBA në Europë.     Në fokus të takimit ishte stërvitja “Defender Europe […]

Në vjeshtë nis puna për Bazën Ajrore të NATO-s në Kuçovë

Punimet për rindërtimin e Bazës Ajrore të Kuçovës pritet të nisin në muajin tetor të këtij viti. Lajmin e dha ministri i Mbrojtjes Niko Peleshi, i cili u njoh me infrastrukturën aktuale të kësaj baze dhe planin për investimin e NATO-s.   I shoqëruar nga shefi i Shtabit të Përgjithshëm të FA gjeneralmajor Bajram […]

Sekretari i Shtetit Pompeo, falenderon Shqipërinë për kontributin në Ngushticën e Hormuzit

Sekretari amerikan i Shtetit, Mike Pompeo ka bërë disa postime në rrjetet sociale ku falënderon vendet që kontribuojnë në ruajtjen e linjës së transportit detar në Ngushticën e Hormuzit.   Mes vendeve që janë bërë pjesë e këtij koalicioni është dhe Shqipëria, për të cilën Pompeo bëri një falënderim të veçantë.   “Faleminderit […]

  • © 2017 Albanian Profile Të gjitha të drejtat e rezervuara