e diel 28 shkurt 2021
e diel 28 shkurt 2021

 

 

Zonja e parë e Shteteve të Bashkuara të Amerikës, Melania Trump, këtë të hënë, i dha lamtumirën kombit me anë të një video mesazhi të postuar në Twitter.

 

Trump u shpreh se të shërbente si Zonja e Parë ishte “nderi më i madh” i jetës së saj.

 

“Unë jam frymëzuar nga amerikanë të jashtëzakonshëm, të cilët përmes zemërgjerësisë, guximit dhe mirësisë së tyre kanë frymëzuar vendin tonë,” – tha Trump.

 

“Katër vitet e kaluara kanë qenë të paharrueshme e ndërsa Donald dhe unë përfundojmë ciklin tonë kohor në Shtëpinë e Bardhë, mendoj për gjithë ata njerëz që kanë hyrë në zemrën time me historitë e tyre të dashurisë, patriotizmit dhe vendosmërisë,” – shtoi ajo.

 

 

Gjatë videos shtatë minutëshe ajo shkurtimisht adresoi dhe probleme si pandemia e COVID-19, duke u bërë thirrje amerikanëve që të “kenë kujdes dhe ndërgjegjësim për të mbrojtur më të rrezikuarit”.

 

Zonja e parë gjithashtu shprehu vlerësimin e saj ndaj të gjithë qytetarëve që punuan gjatë krizës shëndetësore, duke përfshirë punonjësit e kujdesit shëndetësor, të prodhimit, shoferët e kamionëve dhe mësuesit.

 

Në fjalimin e saj ajo u bëri thirrje amerikanëve “të jenë të pasionuar në gjithçka bëjnë e të mos harrojnë se dhuna nuk është kurrë zgjidhje dhe është e pajustifikueshme”.

 

Zonja e parë shtoi se amerikanët duhet të përqendrohen në atë që i bashkon, të rebelohen në atë që i ndan, të zgjedhin gjithmonë dashurinë mbi urrejtjen, paqen mbi dhunën dhe të tjerët para vetes.

 

Gjatë video mesazhit ajo përmendi vetëm një herë bashkëshortin e saj, Donald Trump, por asnjëherë presidentin e zgjedhur Joe Biden, i cili pritet të betohet të mërkurën.

 

Melania Trump ka kundërshtuar traditën duke mos ftuar Zonjën e Parë të ardhshme, Jill Biden, për të vizituar Shtëpinë e Bardhë përpara inaugurimit.

 

Kjo reflekton dhe qëndrimet e Donald Trump, i cili ka njoftuar se nuk do të marrë pjesë në ceremoninë e inagurimit në Uashington ditën e mërkurë por do të jetë në Florida.

 

Ai është presidenti i parë në largim i cili nuk do të marrë pjesë në ceremoninë tradicionale, të mbajtur tanimë prej 152 vitesh.

 

 

 

Më shumë

Biden mban qëndrim të ashpër ndaj Turqisë

Administrata e presidentit të Shteteve të Bashkuara, Joe Biden po mban një qëndrim të ashpër ndaj Turqisë për shkak të blerjes së sistemit raketor rus.   Biden nuk e ka ndryshuar qëndrimin e administratës së paraardhësit të tij, Donald Trump për këtë çështje.   “Pozicioni ynë nuk ka ndryshuar. Ne i bëjmë thirrje Turqisë […]

Një bombardues amerikan ka fluturuar mbi Gjirin Persik

Shtetet e Bashkuara njoftuan se një bombardues B-52 ka kryer një fluturim mbi Gjirin Persik si shenjë e demonstrimit të fuqisë dhe “parandalimit të një agresioni të mundshëm”. Njoftimi i ushtrisë amerikane vjen në kohën e tensioneve në rritje me Iranin dhe frikës se shkaku i tyre mund të vie deri te ndonjë sulm […]

G7 kërkon lirimin e menjëhershëm të Navalnyt

Vendet e grupit G7 e quajtën të “motivuar politikisht” burgosjen e kritikut të Kremlinit, Aleksei Navalny dhe kundërshtuan “shtypjen e dhunshme” të protestuesve pro-Navalny nga ana e Rusisë.   Përmes një deklarate të përbashkët, ministrat e jashtëm të Shteteve të Bashkuara, Kanadasë, Francës, Gjermanisë, Italisë, Japonisë dhe Mbretërisë së Bashkuar kërkuan “lirimin e menjëhershëm […]

Forumi i Davosit – Presidenti i Kinës Xi Jinping, i bën thirrje komunitetit ndërkombëtar për bashkim

Presidenti i Kinës Xi Jinping mori pjesë në Ngjarjen Virtuale të Forumit Ekonomik Botëror (WEF) të Axhendës së Davosit dhe mbajti një fjalim të posaçëm të hënën në Pekin përmes lidhjes me video.   “Pandemia është larg përfundimit. Ringjallja e fundit e rasteve të epidemisë na kujton se duhet të vazhdojmë luftën,” tha […]

  • © 2017 Albanian Profile Të gjitha të drejtat e rezervuara