e hënë 19 prill 2021
e hënë 19 prill 2021

 

Këshilli i Sigurimit i Kombeve të Bashkuar “duhet të zgjedhë midis të armatosurit e terroristëve apo të qëndruarit në këmbë buzë Gjirit Persik” paralajmëron Sekretari Amerikan i Shtetit Mike Pompeo

“Vendet e Lindje së Mesme, nga Gjiri gjer në Izrael, mbështesin shtrirjen e embargos mbi furnizimet me armë”  ka twuituar në një mesazh të fundit ai.

“Është thellësisht e rëndësishme për secilin nga këto vende. Arabët dhe izraelianët flasin me të njejtin zë dhe Këshilli i Sigurimit duhet t’i dëgjojë”.

Irani kërcënon Izraelin nëpërmjet Hamasit në Rripin e Gazës dhe celulave terroriste të tij në Jude e në Samari e nëpërmjet  mercenarëve të Hezbullahut në Libanin e Jugut të cilët kanë hedhur 150 mijë raketa kundër territorit izraelian. Hezbullah ka terrorizuar popullsinë libaneze për dekada të tëra, duke ndërhyrë në parlament, duke penguar ekonominë e vendit dhe, sipas të dhënave të ndryshme, duke e shndërruar portin e vetëm të Bejrutit në një magazinë armatimesh dhe lëndësh eksplozive, shpërthimi i të clave ka shkaktuar qindra të vdekur dhe disa mijëra të plagosur.

Irani është buratini i Houthi të Jemenit, një grup i cili lëshon raketa kundër civilëve në Arabinë Saudite dhe brutalizon popullsinë lokale.

Po ashtu, Irani është një ndër mbështetësit e regjimit kriminal të Bashar Assadit në Siri i cili ka masakruar popullsinë e vet në një luftë civile të përgjakshme që po zgjat prej vitesh.

Izraeli ka dhënë prova të mjaftueshme që dëshmojnë se Irani vazhdon programin e prodhimit të armëve bërthamore, përveç faktit se regjimi i Teheranit e ka deklaruar hapur qëllimin e tij për të shkatërruar shtetin e Izraelit.

Komentet e kësaj jave të Sekretarit të Shtetit Pompeo ishin të lidhura me një letër dërguar Këshillit të Sigurimit të OKB nga ana e Këshillit të Kooperimit të Gjirit (GVV), në të cilën kërkohet shtrirja e embargos së armëve nga dhe për Iran përtej datës së fundit të 15 Tetorit të këtij viti. Ky Këshill përfshin  Bahreinin, Kuvejtin, Omanin, Katarin, Arabinë Saudite dhe Emiratet e Bashkuara Arabe. Sipas letrës, Irani vazhdon të prodhojë armë konvencionale dhe të pajisë me to organizata terroriste dhe levizje sektare në të gjithë rajonin.

Letra thekson gjithashtu se Irani ka ndërmarrë ndërhyrje të armatosura në vendet fqinjë në mënyrë të drejtpërdrejtë apo nëpërmjet organizatave terroriste të përgatitura në territorin e tij.

Mike Pompeo observoi se SHBA do të duhej të propozonte një rezolutë në Këshillin e Sigurimit, “për të shtrirë embargon, pas vitesh pune të diplomacisë”.

Më shumë

Mbërrijnë në Greqi turistët e parë nga Izraeli, secili me çertifikata vaksinimi

Një nga fluturimet e para me turistë nga Izraeli, mbërriti pak para orës 11 të mëngjesit në Greqi. Turistët nga Tel Aviv kishin në duar çertifikatën e vaksinimit, e cila u lejon atyre të fillojnë pushimet menjëherë, pa karantinë.   Sipas Presidentes së Komisionit, Ursula von der Leyen, çertifikata dixhitale e gjelbër është një […]

Provokimi i ri i Kremlinit – Putin ka gjithnjë me vete valixhen bërthamore

Presidenti rus, Vladimir Putin ka gjithnjë me vete instrumentet e nevojshme të komunikimit, përfshirë ata strategjikë, kudo që ai ndodhet. Këtë e ka pohuar zëdhënësi i Kremlinit, Dimitri Peskov, kur u pyet nëse Putini kishte me vete valixhen e tij bërthamore, gjatë fundjavës së kaluar në Siberi, bashkë me ministrin e tij të mbrojtjes. […]

A është mirë presidenti? Joe Biden pengohet disa herë në shkallët e avionit , Air Force One

Në një video të fundit të presidentit amerikan Joe Biden shihet ky i fundit teksa pengohet në shkallët e avionit Air Force One.   Ai është parë të pengohet disa herë duke ngjitur shkallët e avionit të premten.   Presidenti 78-vjeçar pavarësisht incidentit, u ngrit, por përsëri u pengua për herë të dytë […]

Takim i tensionuar SHBA-Kinë në Alaskë

Administrata e Presidentit Biden filloi të enjten bisedimet e para të nivelit të lartë në prani fizike me Kinën rivale, duke thënë se veprimet kineze kërcënojnë rendin global të bazuar në rregulla dhe duke u zotuar se Uashingtoni do të mbështesë miqtë e tij.   “Ne nuk kërkojmë konflikt, por ne e mirëpresim konkurrencën […]

  • © 2017 Albanian Profile Të gjitha të drejtat e rezervuara