e martë 17 maj 2022
e martë 17 maj 2022

 

Pandemia e koronavirusit, ndryshimi i klimës dhe siguria e ushqimit janë temat kryesore të takimit të nivelit të lartë që zhvillohet të martën mes ministrave të jashtëm nga grupi i vendeve të G-20ës në Itali. Kjo është hera e parë që ministrat e jashtëm takohen personalisht për bisedime në qytetin Matera që nga viti 2019.

 

Ministrat e jashtëm të vendeve të G-20ës që përbëjnë më shumë se gjysmën e popullsisë së botës po takohen në Itali për të eksploruar mundësitë për një bashkëpunim më të mirë mes tyre, përfshirë vaksinat dhe çështje lidhur me ndryshimet klimatike.

 

Në hapje të takimit të ministrave të jashtëm të G-20ës, ministri i Jashtëm italian Luigi Di Maio i përmendi të dyja këto fusha si të domosdoshme ku vendet duhet të bashkohen siç tha ai.

 

“Pandemia e Covid-it theksoi nevojën për një koordinim të përgjigjes ndërkombëtare ndaj emergjencave që kapërcejnë kufijtë e vendeve. Në një botë të ndërlidhur, multilateralizmi dhe bashkëpunimi ndërkombëtar janë të vetmit instrumentë efektiv në përballjen me sfidat globale”, tha ministri italian Luigi Di Maio.

 

Disa ministra po marrin pjesë në distancë për shkak të shqetësimeve nga pandemia, përfshirë përfaqësuesit nga Kina, Rusia dhe Brazili.

 

Në fjalën e tij Sekretari amerikan i Shtetit Antony Blinken ritheksoi çështjen e urgjencës së shpërndarjes së vaksinave.

 

Zoti Blinken shfrytëzoi rastin për të theksuar kontributet e Shteteve të Bashkuara për COVAX-in, programin e mbështetur nga OKB-ja për të siguruar vaksina për vendet në nevojë, të cilat përfshijnë rreth 500 milionë doza të vaksinës Pfizer dhe 80 milionë doza të tjera.

 

Ndërsa disa nga vendet më të pasura po përpiqen të bindin gjithnjë e më shumë segmente të popullsisë së tyre për t’u vaksinuar kundër sëmundjes që ka marrë gati 4 milionë jetë në të gjithë botën, vendet më të varfra, veçanërisht në Afrikë, po përpiqen me dëshpërim të sigurojnë vaksina.

 

Shkencëtarët dhe shumë udhëheqës politikë kanë paralajmëruar se pandemia nuk mund të vihet nën kontroll në mënyrë efektive nëse të gjitha vendet nuk kanë nivele të konsiderueshme të vaksinimit.

 

Seanca e dytë e diskutimeve të së martës përqendrohet tek Afrika.

 

Për ministrin Di Maio, “2021 është një vit vendimtar për të rifilluar bashkëpunimin ndërkombëtar”, për ndryshimin e klimës.

 

Vendimi në fillim të këtij viti nga administrata e Presidentit Joe Biden për t’u kthyer në marrëveshjen e Parisit për klimën ka inkurajuar vendet që po bëjnë presion për një trajtim urgjent të kërcënimeve të ndryshimeve klimatike.

 

Vitin e kaluar, nën administratën e ish-Presidentit Trump, Shtetet e Bashkuara u bënë i vetmi vend që hoqën dorë nga marrëveshja e vitit 2015.

 

Ministrat e G-20ës do të diskutojnë gjithashtu rreth zhvillimit e qëndrueshëm dhe çështje të tregtisë.

 

Italia shpreson që takimi të ndihmojë në sigurimin e një rimëkëmbjeje më të qëndrueshme e elastike ndërsa bota del nga kriza globale COVID-19.

 

Më shumë

Duke shpresuar se Omicron nuk do të shkatërrojë Krishtlindjet, Betlehemi ndez dritat e pemës

BETHLEHEM, Bregu Perëndimor, 4 dhjetor (Reuters) – Banorët ndezën një pemë gjigante të Krishtlindjeve jashtë Kishës së Lindjes së Betlehemit të shtunën, duke shpresuar që një variant i ri i koronavirusit të mos prishë një sezon tjetër pushimi në vendlindjen tradicionale të Jezusit. Betlehemi u mbyll vetëm Krishtlindjet e kaluara, duke humbur sezonin […]

Zgjerimi i ndikimit turk rrit tensionet me Iranin

Arrestimi i agjentëve iranianë në Turqi muajin e kaluar, thonë analistët, është shenja më e fundit e rritjes së tensioneve midis dy fqinjëve. Kjo po ndodh ndërsa Turqia po zgjeron ndikimin e saj në rajonin e Kaukazit në dëm të Iranit.   Forcat turke të sigurisë arrestuan agjentët iranianë për të cilët Turqia […]

Energjia atomike energji e gjelbër?

Gjermania dhe disa shtete të BE kundërshtojnë kategorizimin e energjisë atomike si energji të gjelbër. Por shumica e vendeve të BE e mbështet këtë, mes tyre edhe Franca.     Gjermania dhe katër shtete të tjera e kundërshtuan hapur në Glasgou, ku përfundoi Konferenca Botërore për Klimën, kategorizimin e energjisë atomike si energji të […]

Izraeli mohon akuzat për spiunazh në Turqi

Izraeli është angazhuar për lirimin e një çifti izraelit të cilët janë dërguar në mbajtje nga ana e autoriteteve turke, tha kryeministri izraelit, Naftali Bennett.   Media shtetërore turke ka thënë se izraelitët e ndaluar ishin spiunë.   Kryeministri Bennett tha përmes një deklarate se ai ka biseduar me familjen e dy izraelitëve, […]

  • © 2017 Albanian Profile Të gjitha të drejtat e rezervuara