e diel 14 gusht 2022
e diel 14 gusht 2022

 

 

Më datë 14-16 dhjetor, Ministri i Jashtëm i Rusisë Sergej Lavrov ka zhvilluar një vizitë pune në tre vende ballkanike – Bosnje dhe Hercegovinë, Serbi dhe Kroaci.

 

Në Sarajevë kreu i Ministrisë së Jashtme të Rusisë u prit nga Kryetari i Presidiumit të Bosnje-Hercegovinës Milorad Dodik dhe zhvilloi bashkëbisedime me Zv/Kryetaren e Këshillit të Ministrave, Ministren e Punëve të Jashtme Bisera Turkovic.

 

Palët shkëmbyen mendimet mbi rregullimin e çështjeve të Bosnjes. Në kontekstin e 25-vjetorit të Marrëveshjes së Përgjithshme për Paqen në Bosnje-Hercegovinë (të nënshkruar në Paris më 14 dhjetor 1995) u theksua nevoja për zbatimin e saj të rreptë, respektimin e autonomive të gjera të dy entiteteve – Republikës Srpska dhe Federatës së Bosnje-Hercegovinës, si edhe barazinë e tre popujve shtet-formuesë.

 

 

Në Beograd kreu i Ministrisë së Jashtme Ruse u prit nga Presidenti i Republikës së Serbisë Aleksandër Vuçiç. U zhvillua një shkëmbim konfidencial i pikëpamjeve për çështjet kryesore të agjendës dypalëshe, ndërkombëtare dhe rajonale. Palët riafirmuan prirjen e tyre të ndërsjellë për të thelluar partneritetin strategjik ruso-serb.

 

Sergej Lavrov dhe Aleksandër Vuciç mbajtën ceremoninë e ndezjes së Flakës së përjetshme në Varrezat e Çlirimtarëve të Beogradit nga një grimcë flake nga Varri i Ushtarit të Panjohur në Kopshtin Aleksandrov, e cila u soll nga Moska nga Shoqëria Historike Ruse me ndihmën e Ministrisë së Mbrojtjes të Rusisë.

 

Sergej Lavrov u takua me Kryetarin e Asamblesë Kombëtare të Republikës së Serbisë Ivica Daçiç si dhe zhvilloi negociatat me Ministrin e Punëve të Jashtme Nikola Selakoviç. Ministrat nënshkruan Planin e konsultimeve ndër-ministrore për 2021-2022.

 

 

Në Zagreb Sergej Lavrov zhvilloi takime me Presidentin e vendit Zoran Milanoviç, Kryeministrin Andrej Plenkoviç, Ministrin e Punëve të Jashtme dhe Evropiane Gordan Grliç-Radman.

 

Palët shkëmbyen mendime mbi çështjet e bashkëpunimit dypalësh, situatën në rajonin e Ballkanit dhe temat aktuale ndërkombëtare. U shpreh kënaqësia e ndërsjellë me përmbajtjen thelbësore të dialogut politik ruso-kroat, palët vunë re forcimin progresiv të lidhjeve ekonomike. U theksua interesi i ndërsjellë për zhvillimin e mëtejshëm të bashkëpunimit në fushën kulturore dhe humanitare.

 

 

Sergej Lavrov gjithashtu mori pjesë në ceremoninë e inaugurimit të selisë së re të Ambasadës Ruse në qytetin e Zagrebit.

 

Më shumë

Lira në rënie drastike, të huajt dynden për të blerë banesa në Turqi

Shitjet e banesave në Turqi për të huajt u rritën me 48.4% në një nivel rekord në nëntor, sipas shifrave zyrtare të publikuara sot, pasi një rënie e lirës turke bëri që blerjet të jenë dukshëm më të lira për ata që blejnë me valutë “të fortë”.   Tregu i pasurive të paluajtshme […]

BIRN hap ekspozitën në nder të gazetarëve të vrarë në luftërat në Ballkan

  Rrjeti Ballkanik i Gazetarisë Investigative do të hapë një ekspozitë dhe do të botojë një libër që përkujton gazetarët dhe punonjësit e medias që u vranë gjatë dhe menjëherë pas shpërbërjes së përgjakshme të Jugosllavisë.     Një ekspozitë e BIRN, e titulluar “Last Despatches”, do të hapet në Sarajevë më 14 dhjetor […]

Maqedoni e Veriut: Alternativa bëhet pjesë e koalicionit qeveritar

Partia opozitare Alternativa është bërë pjesë e koalicionit qeveritar në RMV. Kryeministri Zoran Zaev dhe kryetari i Alternativës Afrim Gashi kanë nënshkruar marveshjen 9 pikëshe për hyrjen e Alternativës në Qeveri.     Kryeministri i Maqedonisë së Veriut, Zoran Zaev tha se kjo marrëveshje paraqet një qëndrueshmëri politike për të hapur negociatat me BE-në, […]

Kosovë-Serbi: Normalizim i marrëdhënieve apo bllokim?

Kosova dhe Serbia në javën e fundit ashpërsuan retorikën politike me akuza dhe kundërakuza dhe ndaluan vizitat e ndërsjella të zyrtarëve qeveritarë, duke bërë kështu që të reagojë edhe Bashkimi Evropian. Autoritetet e Prishtinës i ndaluan hyrjen në Kosovë kreut të Zyrës për Kosovën në Qeverinë e Serbisë, Petar Petkoviç, njëherësh edhe drejtues i […]

  • © 2017 Albanian Profile Të gjitha të drejtat e rezervuara