e diel 24 tetor 2021
e diel 24 tetor 2021

 

Kolegji Zgjedhor përcaktoi modelin përfundimtar të fletës së votimit që do të përdoret në zgjedhjet e 25 Prillit, ndërsa koha e shkurtër në dispozicion rrezikon të vërë në pikëpyetje serioze prodhimin e tyre.

 

Mbrëmjen e së dielës, pas një kalvari përplasjes mes Komisionit Qëndror të Zgjedhjeve dhe 2 forcave kryesore politike, Kolegji miratoi modelin sipas të cilit në fletën e votimit nuk do të shënohen emrat e kandidadatëve të secilës parti, por vetëm numrat sipas renditjes së paraqitur nga partitë që i kanë propozuar. Sipas ndryshimeve ligjore, këtë herë zgjedhësit do të mund të votojnë përveç partisë, dhe për kandidatin e tyre të preferuar, ndonëse përparësi merr radha e përcaktuar nga forca politike së cilës ata i përkasin.

 

Komisioneri shtetëror Ilirjan Celibashi kishte propozuar një model në të cilin kandidatët të ishin me emrat dhe mbiemrat e tyre. Socialistët e kundërshtuan, duke mbështetur idenë se një fletë e tillë, veçanërisht në Tiranë, do të ishte jo vetëm e komplikuar për zgjedhësit, por do të vështrësonte dhe fazën e numërimit të votave. Ata propozuan që në vend të emrave, kandidatët të shënoheshin me numra. Edhe demokratët ishin kundër, por vetëm për faktin se sipas tyre emrat nuk duheshin shënuar horizontalisht, por vertikalisht

 

Çështja ishte shqyrtuar më parë nga Komisioni i Ankimeve dhe i Sanksioneve, në KQZ, ku kishte fituar varianti i propozuar nga Partia socialiste. Edhe Kolegji Zgjedhor, la në fuqi të njejtin vendim, duke mbyllur kështu debatet mbi këtë temë.

 

Por kapitulli për fletët e votimit mbetet i hapur, për një tjetër aspekt, duke qenë se në rrezik tani është prodhimi i tyre. Kompania sllovene “Celtis”, e cila ka marrë përsipër t’i shtypë ato, në përgjigje të një letre të Komisionit Qëndror të Zgjedhjeve, theksonte dy ditë më parë, se afati i kërkuar 10 ditor (12 Prill-22 Prill) “është një mision i pamundur”. Sipas kompanisë, duke llogaritur kohën e nevojshme përgatitore, të papriturat e mundshme gjatë fazë së prodhimit apo dhe vështrësitë në transport, për shkak të kufizimeve anti COVID 19, “do të nevojiteshin më shumë se 20 ditë për të realizuar me sukses” këtë operacion. Një afat, i cili praktikisht do të bënte të pamundur zhvillimin e zgjedhjeve me 25 Prill.

 

 

Mënyra e duhur e plotësimit të fletës së votimit

 

Menjëherë pas përzgjedhjes së modelit të fletës së votimit për zgjedhjet e 25 prillit, kreu i Komisionit Qendror të Zgjedhjeve Ilirian Celibash ka sqaruar edhe si do të mund të votojnë qytetarët duke ndarë preferencat partiake dhe emrat konkretë të kandidatëve. Ai sqaroi se qytetarët do të mund të votojnë vetëm partinë, ose vetëm kandidatin e dëshiruar. Por zgjedhja duhet bërë brenda të njëjtit subject, pasi fleta e votimit do të konsiderohet e pavlefshme nëse qytetarët do përzgjedhin një parti dhe një kanditat të një force tjetër politike.

 

Lidhur me përfaqësimin me numra të kandidatëve për deputetë, Celibashi sqaroi se për të shmangur konfuzionin, në çdo qendër do vendosen postera me emrat dhe numrat përkatës të kandidatëve. Përveç kësaj, në dhomat e votimit do vendosen edhe fletëpalosje në mënyrë që qytetarët të verifikojnë numrat përkatës të kandidatëve.

 

 

 

 

Më shumë

72-vjetori i themelimit të Republikës Popullore të Kinës, Ambasadori kinez në Tiranë, Zhou Ding: Thellojmë miqësinë, krijojmë një të ardhme më të mirë së bashku

Ambasadori kinez në Tiranë, Zhou Ding, me rastin e 72-vjetorit të themelimit të Republikës Popullore të Kinës, shprehu përmes një deklarate nderin për të ndarë gëzimin e festës kombëtarë të Kinës me miqtë shqiptarë nga qarqe të ndryshme. Ai shprehu respekt ndaj miqve që kujdesen dhe mbështesin miqësinë kino-shqiptare për një kohë të gjatë.   […]

Mazhoranca prezanton programin qeverisës, Linda Rama shfaqet në parlament

Bashkëshortja e kryeministrit, Linda Rama u shfaq sot në lozhën e sallës së parlamentit për të ndjekur nga afër prezantimin e programit qeverisës në mandatin e tretë të socialistëve. Ajo qëndroi në sallë vetëm për të ndjekur fjalën e bashkëshortit, që prezantonte projektet për 4 vitet e ardhshme.     Është hera e […]

Kryeministri nuk lejoi gazetarët nga Kosova t’i bënin pyetje Merkelit, Federata Europiane e Gazetarëve: Turp!

Në përfundim të konferencës për shtyp me kancelaren Angela Merkel është shënuar edhe një incident. Kryeministri pasi sulmoi Kosovën dhe Albin Kurtin, nuk ka pranuar të marrë pyetje nga gazetarët nga Kosova, me pretendimin se nuk kishte kohë.   Për ngjarjen ka reaguar edhe Federata Europiane e Gazetarëve e cila e ka konsideruar të […]

LSI pa grup parlamentar, PD nuk i vjen në ndihmë

Rezultati i dobët në zgjedhjet e 25 Prillit, me vetëm 4 mandate, nga 19 deputetë që siguroi në 2017-ën, i kushtoi Lëvizjes socialiste për integrim, pamundësinë për të krijuar një grup parlamentar. Partia Demokratike, duket se nuk u ofrua ta ndihmonte aleaten e saj kryesore në 4 vitet e shkuara, duke shënuar në […]

  • © 2017 Albanian Profile Të gjitha të drejtat e rezervuara