Në kohën kur e gjithë bota i ka sytë te vaksina anti-covid, Izraeli duket se po ofron medikamentin që jo vetëm parandalon virusin, por edhe shëron të sëmurët në gjendje të rëndë. EXO-CD24 është përbërja inovative që u prezantua dhe testua pak ditë më parë në Izrael.
Profesori Nadir Arber dhe Dr. Shiran Shapira nga Spitali Ichilov, në një video-konferencë,e cila në Shqipëri u mundësua nga ambasada e Izraelit, i dhanë përgjigje pyetjeve se si janë shëruar pacientët e infektuar përmes EXO-CD24.
“Është një medikament shumë efikas. I lehtë për tu prodhuar dhe pa kosto të lartë. Për sa i përket mjekimit, ai ka dy efekte: i pari ka të bëjë me sinjalizimin e virusit dhe i dyti me ndalimin e përhapjes së tij. Avantazhi më i madh është qasja e lehtë me këtë mjekim, dhe fakti që ai nis një veprim të përqendruar në sistemin tonë imunitar, në momentin e parë të marrjes së tij. Efektet janë të dukshme që në ditët e para ndërsa për pak muaj sistemi ynë imunitar do të jetë në formën e tij më të mirë”, tha ai.
Por si depërton deri në mushkri, mjekimi që ka shëruar sipas të dhënave të para 29 nga 30 pacientë të trajtuar.
“Mjekimi frenon stuhinë citokine – një reagim vdekjeprurës imunitar si pasojë infektimit me koronavirus, që mendohet se është përgjegjësja për shumicën e vdekjeve që lidhen me sëmundjen. Përdoren ekzosome – qese të vogla bartëse që transferojnë materiale midis qelizave – për të dhënë një proteinë të quajtur CD24 në mushkëri . Kjo proteinë është e vendosur në sipërfaqen e qelizave dhe ka një rol të njohur dhe të rëndësishëm në rregullimin e sistemit imunitar. Proteina ndihmon në qetësimin e sistemit imunitar dhe frenimin e stuhisë”, tha më tej ai.
EXO-CD24 është nuk është një pilulë që merret gjatë kohës që je i infektuar me koronavirus.
“Një nga përbërësit më të rëndësishëm të këtij mjekimi është ai anti-viral. Mjekimi merret nëpërmjet inhalatorit një herë në ditë për disa minuta, për pesë ditë radhazi. Mjekimi drejtohet drejt në zemër të stuhisë, në mushkëritë – kështu që ndryshe nga formulat e tjera… të cilat në mënyrë selektive frenojnë një citokinë të caktuar, ose veprojnë gjerësisht, por shkaktojnë shumë efekte anësore serioze, EXO-CD24 administrohet në nivel lokal, punon gjerësisht dhe pa efekte anësore”, shpjegon më tej mjeku.
Në kohën kur e gjithë bota është në një nevojë urgjente për vaksina, Izraeli ka mundur të vaksinojë mbi 5 milionë banorë, duke u bërë shteti me më shumë vaksinime për numër banorësh. Sot News
Më shumë
-
Autonomia spitalore nis nga Fieri
-
Shënohen rastet e para të trombozës tek personat e vaksinuar
-
Situata e qëndrueshme epidemiologjike dhe muaji i Ramazanit, ekspertët lehtësojnë masat kufizuese
-
7 Prill, Dita Botërore e Shëndetit – Manastirliu: Vaksinim kapilar në gjithë vendin!
-
Dita Botërore e ndërgjegjësimit për Autizmin
-
Nis vaksinimi masiv
“Lasgushi” sjell sasinë e parë të vaksinave kineze nga Turqia
Autoritetet njoftuan sot se kishin siguruar 1 milion doza të vaksinës Sinovac, përmes distributorit të saj të autorizuar në Turqi. Ngarkesa e parë prej 192 mijë dozash u soll sot Stambolli me avionin e quajtur “Lasgushi” të Air Albania. Për efektshmërinë e kësaj vaksine ka deri më tani të dhëna të ndryshme. Në […]
OBSH refuzon planet e BE për librezat e vaksinimit
Libreza e vaksinimit në BE synon të ndihmojë për përballimin e pandemisë korona. Por Organizata Botërore e Shëndetësisë ka rezerva serioze – dhe bën një prognozë të guximshme. Organizata Botërore e Shëndetësisë (OBSH) ka rezerva serioze ndaj planit të Komisionit të BE për një “librezë digjitale vaksinimi kundër Covidi-19”. Drejtori rajonal […]
Ekspertët e “politikës”, si u shkrinë mjekët me qeverinë
Në një vit pandemi kryeministri është kujdesur që të mos mbajë mbi shpatulla asnjë vendim për karantinën apo lirimin e masave anti-Covid. Ai ka thënë se vendimet i merr Komiteti Teknik i Ekspertëve. Përbërja e këtij Komiteti u tregua vetëm pas presionit publik se kush ishin ekspertët që merrnin vendime për të gjithë. […]
Çfarë është pasaporta e BE-së për vaksinim?
Presidentja e Komisionit Evropian Ursula von der Leyen, ka thënë këtë javë se Komisioni Evropian do të prezantojë një propozim, më vonë gjatë muajit mars, për të krijuar një pasaportë digjitale të vaksinimit, me qëllim të lehtësimit të udhëtimit brenda bllokut evropian. Këtu gjeni disa nga pyetjet dhe përgjigjet lidhur me këtë çështje. […]
- © 2017 Albanian Profile Të gjitha të drejtat e rezervuara