e diel 5 dhjetor 2021
e diel 5 dhjetor 2021

 

Të dielën, qyteti i Nagasakit shënoi 75-vjetorin e bombardimit nga Shtetet e Bashkuara, teksa kryetari i Bashkisë dhe të mbijetuarit i bënë thirrje liderëve botërore që të bëjnë më shumë për të hequr armët bërthamore.

Në orën 11:02 të orës lokale në Japoni, një avion luftarak i llojit B-29 lëshoi “Burrin e Shëndoshë” një bombë plutoniumi prej 4.5 tonësh.

Të mbijetuarit e Nagasakit dhe pjesëmarrës të tjerë në ceremoni mbajtën një minutë heshtje në nder të mbi 70 mijë viktimave.

Kjo ishte bomba e dytë që lëshoi SHBA, vetëm tre ditë pas bombës së parë në Hiroshima, e cila shënoi dhe sulmin e parë bërthamor ku humbën jetën 140 mijë persona.

Më 15 gusht, Japonia u dorëzua duke i dhënë fund Luftës së Dytë Botërore.

Ceremonia në Parkun e Paqes kishte një numër të reduktuar pjesëmarrësish për të shkak të pandemisë. Kryetari i Bashkisë Tomihisa Taue lexoi deklaratën e paqes dhe ngriti shqetësimin se vendet me armë bërthamore janë tërhequr nga përpjekjet e çarmatimit, por janë duke krijuar armë të reja bërthamore në miniaturë për përdorim më të lehtë.

Taue veçoi Shtetet e Bashkuara dhe Rusinë, se “krijojnë një situatë të rrezikshme duke hequr dorë nga Traktati i Forcave Bërthamore me Rreze të Mesme Veprimi”.

“Si rrjedhojë, kërcenimi nga armët bërthamore po bëhet gjithmonë e më real”, tha Taue.

Ai tha se “tmerri i vërtetë i armëve bërthamore ende nuk është përcjellë në mënyrë të duhur në botë” pavarësisht përpjekjeve të të mbijetuarve për ta bërë Nagasakin vendngjarjen e fundit të kësaj lloj tragjedie.

Kryeministri Shinzo Abe kritikoi traktatin duke e cilësuar  si “jo realist”, pasi asnjë prej vendeve që kanë armë bërthamore nuk e ka firmosur atë.

Vetë kryeministri Abe ka refuzuar që ta firmosë traktatin teksa ka theksuar se Japonia “nuk synon të mbajë anën e askujt por të shërbejë si një urë lidhëse midis shteteve që kanë dhe atyre që nuk kanë armë bërthamore në mënyrë që të inkurajojë dialogun mes palëve dhe të arrijë një marrëveshje të mirëfilltë për heqjen e armëve bërthamore.”

 

 

Më shumë

Zgjerimi i ndikimit turk rrit tensionet me Iranin

Arrestimi i agjentëve iranianë në Turqi muajin e kaluar, thonë analistët, është shenja më e fundit e rritjes së tensioneve midis dy fqinjëve. Kjo po ndodh ndërsa Turqia po zgjeron ndikimin e saj në rajonin e Kaukazit në dëm të Iranit.   Forcat turke të sigurisë arrestuan agjentët iranianë për të cilët Turqia […]

Irani kryen manovra ushtarake para rifillimit të bisedimeve bërthamore

Ushtria e Iranit ka nisur manovrat ushtarake të përvitshme pranë Gjirit Persik, njoftoi televizioni shtetëror iranian, disa javë përpara rifillimit të bisedimeve mes Teheranit dhe fuqive botërore për ringjalljen e marrëveshjes bërthamore të vitit 2015. Manovrat po zhvillohen në një territor të gjerë, në pjesën lindore të ngushticës së Hormuzit deri në atë veriore […]

32-vjetori i Rënies së Murit të Berlinit

09 Nëntori shënon 32-vjetorin e rënies së Murit të Berlinit. Kjo datë simbolizon rënien e komunizmit të Evropë. Pak pas mesnatës së 13 gushtit 1961, qeveria gjermane u dha urdhër 40 mijë ushtarëve dhe policëve gjermano-lindorë të bllokonin me tela me gjemba gjithë kufirin, duke lënë vetëm 13 pika kalimi për në Berlinin Perëndimor. […]

SHBA rihap kufijtë me Europën

Shtetet e Bashkuara kanë rihapur kufijtë për udhëtarët ndërkombëtarë të vaksinuar, duke i dhënë fund ndalimit 20-mujor të udhëtimit, në të njëjtin moment që Europa po lufton me një rritje të rasteve të Covid-19, duke e çuar kontinentin e vjetër sërish në epiqendrën e pandemisë.   Udhëtarët e vaksinuar plotësisht nga 33 vende, duke […]

  • © 2017 Albanian Profile Të gjitha të drejtat e rezervuara