e shtunë 18 shtator 2021
e shtunë 18 shtator 2021

 

 

NATO njoftoi pezullimin e të gjithë mbështetjes për autoritetet afgane dhe bëri thirrje për “respektim të normave dhe standardeve ndërkombëtare mbi të drejtat e njeriut dhe të drejtën ndërkombëtare humanitare në të gjitha rrethanat”.

 

Ministrat e Punëve të Jashtme të vendeve anëtare të NATO-s u takuan për të diskutuar “ngjarjet e rënda në Afganistan”, ndërsa pas takimi lëshuan një deklaratë të përbashkët duke u kërkuar autoriteteve në vendin e shkatërruar nga lufta të “respektojnë dhe lehtësojnë” largimin e sigurt dhe të rregullt të “qytetarëve tanë, shtetasve të vendeve partnere, si dhe afganëve në rrezik ”.

 

Ministrat gjithashtu u zotuan të mbajnë “koordinim të ngushtë operacional” gjatë përpjekjeve të evakuimit në aeroportin e Kabulit.

 

“Ne u bëjmë thirrje të gjitha palëve në Afganistan të punojnë me mirëbesim për të krijuar një qeveri përfshirëse dhe përfaqësuese, përfshirë edhe me pjesëmarrjen kuptimplote të grave dhe grupeve të pakicave”, thuhet në deklaratë.

 

Gjithashtu, në deklaratë nxiten autoritetet “të mbrojnë të drejtat e njeriut të të gjithë afganëve, veçanërisht grave, fëmijëve dhe pakicave” në vend.

 

Mbështetja e sundimit të ligjit dhe lejimi i qasjes së papenguar humanitare janë gjithashtu ndër detyrimet ndërkombëtare të Afganistanit, vunë në dukje ministrat.

 

Talebanët morën kontrollin e Afganistanit pasi morën Kabulin më 15 gusht, duke detyruar presidentin dhe zyrtarë të tjerë të lartë të largoheshin nga vendi.

 

Pushtimi i papritur ka shkaktuar një nxitim për të ikur nga Afganistani, përfshirë civilët që ndihmuan ushtarët ose grupet e huaja dhe tani kanë frikë nga hakmarrja e talebanëve.

 

Më shumë

20 vjetori i sulmeve terroriste në SHBA, Biden në kërkim të mbylljes së një epoke

Sulmet e 11 shtatorit 2001 ndodhën brenda një periudhe prej më pak se 102 minutash, duke shkaktuar vdekjen e 2,996 njerëzve në atë ditë. Ky është sulmi më i rëndë terrorist në historinë moderne të Shteteve të Bashkuara.   Sulmet u pasuan nga lufta në Afganistan që zgjati gati 20 vjet, që sipas […]

Senatori amerikan: “Agjencia e Faucit i dha fonde Institutit të Wuhan e financoi studime për Covid-19 në Kinë”

Këshilltari kryesor i Shtëpisë së Bardhë për Covid-19, Anthony Fauci, po përballet me thirrjet për të dhënë dorëheqjen pasi dokumentet e sapo publikuara sugjeruan që agjencia e tij financoi kërkime ‘të rrezikshme’ lidhur me Institutin e Wuhan në Kinë, pavarësisht mohimeve të mëparshme.   Kërkesat për shkarkimin e këshilltarit shëndetësor vijnë pasi Intercept […]

Afganistan: Turqia iu afrohet talibanëve

SHBA janë tërhequr nga Afganistani. Turqia po përpiqet të zerë vendin e amerikanëve si fuqi rajonale, edhe për shkak të interesave të saj. Shumë turq nuk e shohin me sy të mirë afrimin e presidentit Erdogan me talibanët.     Shifrat e Kombeve të Bashkuara e bëjnë të qartë gjendjen dramatike në Afganistan: […]

Talebanët: Kina do të mbajë ambasadën e saj në Kabul

Kina do të mbajë ambasadën e saj në kryeqytetin e Afganistanit, Kabul, theksuan talebanët, raporton Anadolu Agency (AA).   Njoftimi erdhi pasi Abdul Salam Hanafi, zëvendës drejtor i zyrës politike të talebanëve në Doha, Katar, foli në telefon me zëvendësministrin e Jashtëm të Kinës, Wu Jianghao, tha zëdhënësi i talebanëve, Suhail Shaheen.   […]

  • © 2017 Albanian Profile Të gjitha të drejtat e rezervuara