e diel 17 tetor 2021
e diel 17 tetor 2021

 

Duka i Edinburgut, Philip ka ndërruar jetë ditën e sotme disa ditë pasi doli nga spitali, ku u shtrua në gjendje të rëndë shëndetësore.

 

I njohur për sensin e tij të humorit dhe herë pas here gafat e tij, princi ka mbyllur syte mesditën e sotme sytë. Princi Philip është bashkëshorti më jetëgjatë në historinë e monarkive.

 

Martesa e tij me Mbretëreshën Elizabeta e II gjati 74 vjet dhe kanë pasur 4 fëmijë. Gjatë qëndrimit të tij në Buckingham Palace, Philip kreu mijëra angazhime.

 

Kush ishte Duka i Edinburgut?

Por kush është ai dhe si ka nisur historia e dashurisë së Dukës 99-vjeçar me Mbretëreshën e Anglisë? Duka i Edinburgut la një karrierë premtuese në Marinën Mbretërore për të qëndruar pranë mbretëreshës dhe për t’u bërë “shkëmbi” i saj, megjithatë në jetën e tyre private ai ishte gjithmonë “kryefamiljari” i familjes.

 

Edhe pse i njohur për gabimet e tij në paraqitjet publike, ai konsiderohet të ketë kontribuar në evolucionin e monarkisë dhe modernizuar “Firmën”, siç shtypi britanik shpesh e quan familjen mbretërore.

 

Vitet e fëmijërisë larg prindërve të tij dhe njohja e parë me Elizabetën

 

Princi Philip i Greqisë dhe Danimarkës lindi në Korfuz më 10 qershor 1921 nga Princi Andreas i Greqisë dhe Princesha Alice e Battenberg. Në dhjetor të vitit 1922, George IV, gjyshi i Mbretëreshës Elizabeth, urdhëroi anijen “Calypso” të Marinës Mbretërore Britanike që të merrte familjen nga ishulli, në atë kohë Philip ishte vetëm 18 muajsh. Fëmijëria e princit të ri u karakterizua nga paqëndrueshmëria ndërsa kalonte kohë me të afërmit në Francë dhe Mbretërinë e Bashkuar.

Prindërit e tij ishin divorcuar dhe ai i shihte rrallë, veçanërisht nënën e tij, e cila ishte mbyllur në një spital pasi u diagnostikua se vuante nga sëmundje të shëndetit mendor. Philip u shkolluar për një vit në Gjermani dhe më pas u rikthye në Britani të Madhe, duke iu bashkuar Marinës Mbretërore për të zhvilluar takimin e parë me bashkëshorten e tij të ardhshme verën e vitit 1939. Princesha e atëhershme, vetëm 13 vjeç u mahnit kur e pa, ndërsa në 1947, dy vjet pas përfundimit të Luftës së Dytë Botërore, çifti u martua.

Në vitin 1948 lindi fëmija i parë i çiftit, Princi Charles, i ndjekur nga Princesha Anna në 1952. Sidoqoftë, jeta e tyre e qetë ndryshoi në mënyrë drastike me vdekjen e mbretit më 6 shkurt 1952. Princesha Elizabeth u kurorëzua mbretëreshë dhe Duka i Edinburgut hoqi dorë nga një karrierë premtuese në Marinë për ta mbështetur atë. Një rol i ri e priste atë, udhëtimet dhe paraqitjet zyrtare me monarken jashtë vendit dhe brenda kufijve. Në vitin 1960 çiftit iu shtua edhe një fëmijë tjetër, Princi Andrew, Duka i Jorkut, ndërsa në 1964 lindi Princi Edward, Earl of Wessex.

 

Në publik, ai mund të ketë ecur një hap pas gruas së tij, por nuk mund të ketë nënvlerësim të rëndësisë së princit Philip gjatë mbretërimi të Mbretëreshës. Siç tha ajo vetë në një fjalim për përvjetorin e tyre të martesës në 1997: Ai ka qenë, thjesht, forca ime gjatë gjithë këtyre viteve. Unë dhe e gjithë familja i detyrohemi më shumë se ai do të pretendonte apo do të dinte ndonjëherë.

 

 

 

 

 

Më shumë

Princ William, mesazh për miliarderët: Në vend që të udhëtoni në hapësirë, shpëtojeni Tokën

Së fundmi BBC ka publikuar një intervistë të zhvilluar me Princ William. Në intervistë, William ka dhënë një mesazh për të gjithë miliarderët që udhëtojnë në hapësirë. Duka i Cambridge  është shprehur se mendjet e mëdha duhet të mendojnë se si t’i zgjidhin problemet në planetin Tokë, në vend që të udhëtojnë në hapësirë […]

Gratë afgane protestojnë për rikthimin e të drejtave të tyre në arsim dhe punësim

Një grup i grave në Afganistan protestuan për rikthimin e të drejtave të tyre për arsim dhe punësim të cilat janë kufizuar pasi talebanët morën administrimin e vendit, raporton Anadolu Agency (AA).   Rreth 15 gra u mblodhën në parkun Shahr-e Naw që ndodhet në qendër të Kabulit dhe hodhën slogane duke mbajtur në […]

Talebanët i kërkojnë Uashingtonit të zhbllokojë rezervat e Bankës Qendrore të Afganistanit

Talebanët i kërkuan Uashingtonit të shtunën që të lirojnë rezervat e bllokuara të bankës qendrore të Afganistanit, gjatë një takimi me një delegacion amerikan në Katar, dialogu i parë ballë për ballë në një nivel të lartë që kur grupi islamik mori kontrollin e vendit pas tërheqjes së Shteteve të Bashkuara në fund […]

Xi Jinping në 110-vjetorin e Revolucionit: Kina do të “arrijë ribashkimin” me Tajvanin

Presidenti kinez Xi Jinping tha të shtunën se Revolucioni i vitit 1911 hapi rrugën për ndryshimet e thella shoqërore që kanë ndodhur në Kinën moderne.   Xi, gjithashtu sekretar i përgjithshëm i Komitetit Qendror të Partisë Komuniste të Kinës dhe kryetar i Komisionit Qendror Ushtarak, i tha këto në një konferencë në Pekin me […]

  • © 2017 Albanian Profile Të gjitha të drejtat e rezervuara