Në 12 tetor 1879 u themelua në Stamboll Shoqëria e të Shtypurit Shkronja Shqip

Kryetar i Shoqërisë ishte Sami Frashëri, kurse anëtarë qenë një grup patriotësh të kohës, disa prej tyre ndër më të njohurit e Rilindjes, si Abdyl Frashëri, Pashko Vasa, Jani Vreto, Hasan Tahsini, Koto Hoxhi, Zija Prishtina e të tjerë.

Synimi kryesor i Shoqërisë, i ngritur nga Komiteti Qendror për Mbrojtjen e të Drejtave të Shqiptarëve, siç e thotë edhe vetë emërtesa e saj, ishte shtypja dhe shpërndarja e librave shqip.

Pas ndalimit të veprimtarisë së Shoqërisë nga autoritetet osmane, selia e saj u shpërngul në Bukuresht, ku në vitin 1886 u ndërtua dhe shtypshkronja e synuar, për shtypjen e librave shqip.

Me alfabetin e Stambollit u shkruan dhe u shtypën një sërë librash prej Sami bej Frashërit, si: “Abetare e gjuhës shqip” (1886), “Shkronjëtore e gjuhës shqip” (1886), “Dheshkronjë” (1888).

Në po këtë shtypshkronjë u shtypën dhe librat e parë të Naim Frashërit, që zënë vend kryesor në letërsinë shqipe të shekullit XIX.

Në imazhe: fragmente nga Kanonizma e Shoqërisë së të Shtypurit të Shkronjave Shqip.

• 

  5 Dhjetor 1920, Lidhjes së Kombeve i kërkohet të njohë Shqipërinë shtet sovran

• 

  4 – Dhjetori, Festa Kombëtare e Forcave të Armatosura Shqiptare

• 

  112-vjetori i çeljes të së parës shkolle kombëtare pedagogjike në Shqipëri

• 

  109 Vjet Shtet Shqiptar

• 

  Si ishte aeroporti i Vlorës në vitet 1914-1916 dhe në vitet ’40. Sa kushtonin fluturimet drejt Romës, Gjirokastrës e Tiranës

• 

  “Në emër të Amerikës”, një ekspozitë për 75 vjetorin e largimit të misionit amerikan nga Shqipëria dhe diktaturën që pasoi