Saturday 30 September 2023
Saturday 30 September 2023
Ekonomia

Në 2020 rënia ekonomike 3.31%

 

 

Në Shqipëri, rritja ekonomike përgjatë vitit 2020 vlerësohet të ketë shënuar një rënie prej 3.31 përqind, sipas të dhënave të publikuara sot nga Instituti i Statistikave. Niveli i Prodhimit të Brendshëm Bruto rezulton të jetë më lartë edhe se sa vetë pritshmëritë e Qeverisë shqiptare dhe dukshëm në diferencë me ato të institucioneve financiare ndërkombëtare. Parashikimet e Fondit Monetar Ndërkombëtar, ishin për një recesion në kuotat e –7.5 përqind, ndërsa ato të Bankës Botërore për -6.7 përqind.

 

Ekonomia shqiptare mori një goditje të parë që në dimrin e vitit 2019, për shkak të tërmetit të fortë që ra në nëntor. Për pasojë në tremujorin e parë, aktiviteti ekonomik zbriti në -2,52 përqind, ndikuar pjesërisht dhe nga efektet e pandemisë COVID 19 e cila ishte në fillimet e saj. Prodhimi i Brendshëm Bruto shënoi një rënie të forte më pas, në tremujorin e dytë të vitit, duke u tkurrur me 10.29 përqind, si pasojë e mbylljes së gjithanshme të aktiviteteve jo vetëm në vend por dhe në pjesën tjetër të botës, si përpjekje për parandalimin e pandemisë. Me përjashtim të Bujqësisë dhe sektorit të Pasurive të patundshme, të gjitha degët e tjera të ekonomisë rregjistruan rënie të forte, e cila u zbut në tremujorin e tretë, kur ekonomia u tkurr me -3.47 përqind.

 

Të dhënat e sotme të INSTAT-it, tregojnë së në tremujorin e fundit ekonomia vendase shënoi një kthesë, duke dalë nga terreni negativ, e duke shënuar një rritje prej 2,99 përqind, kundrejt tremujorit të katërt të vitit 2019. Pothuajse të gjithë sektorët e ekonomisë patën një aktivitet pozitiv, të udhëhequra nga Ndërtimi, i cili u rrit me 18,48 %. Ky është dhe sektori me një peshë specifike në strukturën e PBB-së, duke kontribuar me 1.84 pikë përqindje.

 

Përjashtim në këtë tremujor, bëri Grupi i aktivitetiteve Tregti,Transport, Akomodim dhe Shërbim ushqimor me një rënie prej 5.51 përqind, por dhe Aktiviteti i Bujqësisë, Pyjeve dhe Peshkimit me -2,91 përqind.

 

Më shumë

Politikat e copëtuara për bujqësinë

Shqipëria është vendi më bujqësor në Europë, me këtë sektor jetik që sjell gati 19% të Prodhimit të Brendshëm Bruto (PBB). Pavarësisht rënies së fortë në krahasim me fillimin e viteve ’90, kjo peshë është shumë më e lartë se mesatarja e Bashkimit Europian (2%) dhe gati dy herë më e lartë se […]

Shqiptarët shpenzuan 13.6 milionë euro në 9 muaj për të siguruar pronat, si ndahet tregu mes kompanive

Për nëntë muajt e parë të këtij viti, shqiptarët shpenzuan rreth 1.67 miliardë lekë ose rreth 13.6 milionë euro për sigurimin e pronave.   Të dhënat nga Autoriteti i Mbikëqyrjes Financiare (AMF) tregojnë se primet e shkruara bruto nga sigurimet e pronës u rritën me 31% krahasuar me të njëjtën periudhë të një […]

Drafti: Rritet kufiri i pagës së pataksueshme në 40 mijë lekë, përgjysmohet nga 30-50 mijë lekë, pragu për shtresën e mesme bëhet 200 mijë lekë

Nga korriku i vitit 2022 pritet që të ndryshojë sërish tatimi mbi pagat, duke rritur si dyshemenë për kufirin e pataksueshëm të pagës minimale në 40 mijë lekë (nga 30 mijë lekë që është sot), po ashtu dhe kufirin mbi të cilin pagat taksohen me normën maksimale prej 23%, në 200 mijë lekë, nga […]

Çmimet e naftës shtrenjtohen për herë të gjashtë në pak muaj, arrijnë 184 lekë, afër rekordit historik

Çmimet e karburanteve kanë shënuar një tjetër rritje ditët e fundit, për herë të gjashtë radhazi në vetëm pak muaj.   Në pikat e tregtimit të“Kastrati”, më i madhi në vend për shumicën dhe pakicën, nafta tregtohet me 184 lekë, ose 8 lekë më shumë se më parë. Benzina është shtrenjtuar në 186 lekë, […]

  • © 2017 Albanian Profile Të gjitha të drejtat e rezervuara