e enjte 9 dhjetor 2021
e enjte 9 dhjetor 2021

 

Mali i Zi ka ditë që po përjeton krizë qeveritare dhe ende nuk është arritur marrëveshja për rikonstruimin e qeverisë.

 

 

Mosmarrëveshjet në radhët e koalicionit qeverisës kanë shtyrë miratimin e një sërë ligjesh në Parlament. Opozita thotë, se zgjidhja e vetme është formimi i qeverisë teknike, e cila do të përgatiste zgjedhjet e parakohshme parlamentare.

 

Qeveria malazeze ka ditë që po përjeton krizë qeveritare. Partitë e koalicionit udhëheqës kanë mosmarrëveshje serioze rreth mënyrës së qeverisjes dhe kërkojnë ndryshime në qeveri.

 

Fronti Demokratik i njohur si parti pro serbe dhe Demokratët kërkojnë ndryshime dhe inkuadrimin e personave të tjerë nga radhët e politikës në kabinetin aktual të ekspertëve të udhëhequr nga Kryeministri Zdravko Krivokapiq, ndërkohë që Lëvizja Qytetare URA e Dritan Abazoviq edhe më tej insiston për qeverinë e ekspertëve, ashtu siç ka qenë marrëveshja e 9 shtatorit të vitit të kaluar.

 

Kryeministri Krivokapiq nën presion të vazhdueshëm

 

Kryeministri Zdravko Krivokapiq zhvilloi raundin e radhës të bisedimeve me përfaqësuesit e shumicës parlamentare ku propozoi ndryshime në qeveri, e cila do të kishte 16 ministra në vend të 12 sa numëron tani dhe tre zëvendëskryeministra, në vend të një zëvendëskryeministri që tani është Dritan Abazoviq. Krivokapiq po ashtu ka propozuar ndarjen e disa ministrive. Ai ka thënë se “është i hapur për secilin model rikonstruimi, për të cilin do të merreshin vesh 41 deputetët e shumicës parlamentare”.

 

Partitë e koalicionit duhej të deklaroheshin me shkrim për propozimet e Kryeministrit, por afatet e paralajmëruara nga ai kanë përfunduar pa sukses. Situata e krijuar është paradoksale dhe vërtetohet se partitë janë diametralisht të ndryshme me ideologji, por siç shihet asnjërës nuk i shkon në favor rrëzimi i qeverisë dhe zgjedhjet e parakohshme.

 

Opozita propozon zgjedhje të parakohshme

 

Partitë opozitare të udhëhequra nga Partia Demokratike e Socialistëve e Presidentit Millo Gjukanoviq, janë të mendimit se dalja nga kjo situatë është formimi i së ashtuquajturës qeveri kalimtare, e cila do të përgatiste zgjedhjet e parakohshme parlamentare.

 

Analistët politikë thonë se zgjedhjet e parakohshme janë të pashmangshme dhe për këtë janë të vetëdijshëm të gjithë aktorët politikë në Mal të Zi, por ato shohin dhe mundësinë e ndryshimeve në kabinetin qeveritar.

 

Më shumë

Mali i Zi nuk do pranojë refugjatët afganë: S’kemi detyrim!

Mali i Zi nuk do të pranojë refugjatët afganë të cilët po largohen pasi Talibanët kanë marrë kontrollin e Kabulit, deklaroi Ministria e Jashtme e Malit të Zi.   Në një deklaratë për median ministria konfirmoi se Mali i Zi mbështeti një deklaratë në të cilën 60 shtete u bëhej thirrje të respektojnë […]

Shqiptarët gjatë pluralizmit në Mal të Zi

Në sesionin shkencor “Shqiptarët në Mal të Zi gjatë tri dekadave të fundit” u shpalosen analiza shumëdimensionale mbi proceset dhe dukuritë që kanë ndodhur gjatë pluralizmit në këtë vend.   Studiuesë të ndryshëm shfaqen pikëpamje dhe analiza mbi pozitën e shqiptarëve dhe për nivelin e integrimit të tyre në Mal të Zi.   […]

Kryetari i komunës së Tuzit, Nik Gjeloshaj: Mali i Zi diskriminon shqiptarët

Kryetari i komunës së Tuzit në Mal të Zi, Nik Gjeloshaj, thotë se ai ka informuar partnerët ndërkombëtarë të Malit të Zi, duke përfshirë SHBA-në, se vendi po diskriminon pakicën e tij shqiptare.   “Qeveria diskriminon shqiptarët dhe nuk bashkëpunon me komunën tonë. Arsyet janë të ndryshme, por kjo është kryesisht për shkak […]

Masakra e Tivarit, tragjedia më e madhe e regjimit komunist

Masakra e Tivarit e vitit 1945 cilësohet ndër ngjarjet më tragjike të popullit shqiptar, kur forcat ushtarake të ish-Jugosllavisë vranë gati 4000 të rinj dhe burra nga Kosova.   Kjo ngjarje tragjike vazhdimisht kujtohet nga shqiptarët në Mal të Zi, kurse këto ditë doli nga shtypi libri i studiuesit Nail Draga “Masakra e Tivarit, […]

  • © 2017 Albanian Profile Të gjitha të drejtat e rezervuara