e shtunë 16 tetor 2021
e shtunë 16 tetor 2021

 

Anëtarë të Partisë Socialdemokrate vendosën në makinat e qeverisë së Kosovës letra ngjitëse me targa që duken si ato të lëshuara nga Serbia për makinat e serbëve të Kosovës në shenjë pakënaqësie me marrëveshjen e një ditë më parë të arritur në Bruksel, për shtensionimin e situatës në veriun e vendit.

 

Sipas marrëveshjes Kosovë – Serbi që pasoi tensionet rreth vendimit të qeverisë në Prishtinë për të vendosur masën e reciprocitetit për përdorimin e targave të makinave, të shtunën duhet të largohen barrierat e vendosura nga protestuesit serbë dhe njësitë e posaçme të policisë nga vendkalimet kufitare në veriun e banuar me shumicë serbe.

Forcat paqeruajtëse të udhëhequra nga NATO-ja do të sigurojnë vendkalimet kufitare për dy javë.

Të premten sekretari i Përgjithshëm të NATO-s, Jens Stoltenberg, priti të dërguarin e Bashkimit Evropian për bisedimet Kosovë – Serbi, Miroslav Lajçak, për të diskutuar siç u tha për shtensionimin e situatës në veri të Kosovës. Zoti Stoltenberg në një postim në rrjetet sociale theksoi se forcat e KFOR-it do të vazhdojnë të sigurojnë një mjedis të sigurt dhe liri të lëvizjes.

Nga e hëna, sipas marrëveshjes, do të zbatohet vënia e letrave ngjitëse në targat e makinave të të dyja palëve, deri në gjetjen e një zgjidhjeje përfundimtare, për të cilën një grup punues do të fillojë nga puna më 21 tetor.

Marrëveshja u përshëndet nga diplomatët perëndimorë ndërsa u kritikua ashpër nga partitë opozitare në Kosovë, të cilat thanë se me këtë, qeveria e Kosovës hoqi dorë nga sovraniteti në veriun e vendit.

Marrëveshja pritet t’i jap fund situatës në veriun e Kosovës, ku grupe qytetarësh serbë edhe sot në ditën e dymbëdhjetë me radhë po mbajnë të bllokuara rrugët që shpiejnë në vendkalimet kufitare me Serbinë, në Jarinjë dhe Bërnjak në shenjë proteste ndaj vendimit të qeverisë së Kosovës për targat e makinave.

Më shumë

Fermerët në Kosovë protestojnë me traktorë, kundërshtojnë subvencionimin e grurit

Qindra fermerë protestuan sot me traktorë para Ministrisë së Bujqësisë në Kosovë, për të kundërshtuar politikat e subvencionimit të grurit.   Fermerët kërkuan nga Ministria e Bujqësisë që kriteret e reja për subvencionimin të hynin në fuqi nga vitit i ardhshëm.   Kërkesë tjetër e tyre ishte bërja e një memorandum bashkëpunimi mes Ministrisë […]

Fantazi serbe për largimin e SHBA nga Kosova

Tërheqja e trupave amerikane nga Afganistani ka shkaktuar satisfaksion të hapur në Serbi, ku ndërkohë disa politikanë fantazojnë për një largim të ngjashëm të trupave amerikane edhe nga Kosova, shkruan “Die Presse”.     Prej javësh gjendja kaotike në Afganistan pas marrjes rrufeshëm të pushtetit nga talibanët është në fokus të mediave botërore. Shumë […]

Kosovë: Shumë kandidatë për zgjedhjet lokale me probleme ligjore

Të paktën 160 kandidatë nga 30 subjekte politike nuk mund të garojnë në zgjedhjet lokale të 17 tetorit. Sipas KQZ ka edhe kandidatë për kryetarë të komunave që kanë probleme me ligjin.   Jo të gjithë kandidatët për asambletë komunale dhe ata për kryetar komunash që duan të garojnë për zgjedhjet lokale të 17 […]

Serbia ndërton objektin e “Universitetit të Prishtinës në Mitrovicë”

Serbia ka filluar ndërtimin e objektit të përhershëm të të ashtuquajturit “Universiteti i Prishtinës me seli të përkohshme në Mitrovicë”.   Investimi në mbi 6 milionë euro do të bëhet nga Qeveria e Serbisë përmes Zyrës për Kosovën, që funksionon në kuadër të saj.   Drejtori i kësaj zyreje Petar Petkoviq, hodhi gurthemelin për […]

  • © 2017 Albanian Profile Të gjitha të drejtat e rezervuara