Friday 24 March 2023
Friday 24 March 2023
Bota

Netanyahu thotë se armatimi i Hezbollahut ndodhet pranë një depoje të gazit në Bejrut

 

Kryeministri i Izraelit, Benjamin Netanyahu, akuzoi të martën grupin militant Hezbollah të Libanit për prodhimin e armëve pranë një “stacioni karburanti” në Bejrut, duke paralajmëruar për “një tjetër tragjedi” nëse ndodh ndonjë shpërthim.

Izraeli ka akuzuar vazhdimisht lëvizjen shiite Hezbollah, të mbështetur nga armiku i Izraelit, Irani, për ndërtimin e raketave për të sulmuar shtetin hebre.

Në një fjalim përmes videos nga Jerusalemi, transmetuar në Asamblenë e Përgjithshme të Kombeve të Bashkuara në Nju Jork, Netanyahu paraqiti një hartë me koordinata që ai tha se tregonin një “depo sekrete armësh” në rrethinat jugore të Bejrutit.

Bejruti është ende duke u rimëkëmbur nga një shpërthim i 4 gushtit kur një rezervë e madhe me kimikate shpërtheu në portin e qytetit, duke vrarë më shumë se 190 njerëz, plagosur mijëra të tjerë dhe duke shkatërruar pjesë të mëdha të qytetit.

Fabrika e pretenduar e armëve është “disa metra larg një stacioni karburanti” në njërën anë dhe 50 metra nga një “kompani gazi” në anën tjetër.

Vendi është gjithashtu afër aeroportit ndërkombëtar të Bejrutit.

Netanyahu tregoi detaje të dy vendeve të tjera të pretenduara të prodhimit të raketave, në lagjet Lajlaki dhe Çoueifat të Bejrutit, të cilat ai tha se ndodheshin nën ndërtesa apartamentesh, raporton AFP.

“Unë u them popullit të Libanit se Irani dhe Hezbollahu qëllimisht ju kanë vënë në rrezik të madh ju dhe familjet tuaja”, tha Netanyahu.

Izraeli dhe Libani janë teknikisht në një gjendje lufte dhe kufiri i tyre i përbashkët, mbikqyret nga një forcë e Kombeve të Bashkuara. Në atë rajon shpesh ndodhin incidente.

Izraeli gjithashtu ka kryer dhjetëra sulme ajrore në caqet e Hezbollahut në Sirinë fqinje, ku grupi po lufton së bashku me qeverinë e presidentit, Bashar al-Assad.

Hezbollahu, si tërësi, konsiderohet grup terrorist nga Shtetet e Bashkuara, Britania e Madhe, Izraeli, Arabia Saudite dhe disa vende tjera të Bashkimit Evropian. rel

Më shumë

Duke shpresuar se Omicron nuk do të shkatërrojë Krishtlindjet, Betlehemi ndez dritat e pemës

BETHLEHEM, Bregu Perëndimor, 4 dhjetor (Reuters) – Banorët ndezën një pemë gjigante të Krishtlindjeve jashtë Kishës së Lindjes së Betlehemit të shtunën, duke shpresuar që një variant i ri i koronavirusit të mos prishë një sezon tjetër pushimi në vendlindjen tradicionale të Jezusit. Betlehemi u mbyll vetëm Krishtlindjet e kaluara, duke humbur sezonin […]

Zgjerimi i ndikimit turk rrit tensionet me Iranin

Arrestimi i agjentëve iranianë në Turqi muajin e kaluar, thonë analistët, është shenja më e fundit e rritjes së tensioneve midis dy fqinjëve. Kjo po ndodh ndërsa Turqia po zgjeron ndikimin e saj në rajonin e Kaukazit në dëm të Iranit.   Forcat turke të sigurisë arrestuan agjentët iranianë për të cilët Turqia […]

Energjia atomike energji e gjelbër?

Gjermania dhe disa shtete të BE kundërshtojnë kategorizimin e energjisë atomike si energji të gjelbër. Por shumica e vendeve të BE e mbështet këtë, mes tyre edhe Franca.     Gjermania dhe katër shtete të tjera e kundërshtuan hapur në Glasgou, ku përfundoi Konferenca Botërore për Klimën, kategorizimin e energjisë atomike si energji të […]

Izraeli mohon akuzat për spiunazh në Turqi

Izraeli është angazhuar për lirimin e një çifti izraelit të cilët janë dërguar në mbajtje nga ana e autoriteteve turke, tha kryeministri izraelit, Naftali Bennett.   Media shtetërore turke ka thënë se izraelitët e ndaluar ishin spiunë.   Kryeministri Bennett tha përmes një deklarate se ai ka biseduar me familjen e dy izraelitëve, […]

  • © 2017 Albanian Profile Të gjitha të drejtat e rezervuara