e hënë 26 korrik 2021
e hënë 26 korrik 2021

 

Parlamenti mbylli punimet duke përfunduar kështu legjislaturën e nëntë të tij. Por ndryshe nga vitet e tjera kjo legjislaturë do të mbahet mend si, Parlamenti që solli mjaft zhvillime në politikë. Ndodhitë historike nisën që në shkurt të 2019 me djegien e mandateve të deputetit nga ana e opozitës. LSI dhe Partia Demokratike u larguan nga Parlamenti dhe u futën më pas disa deputetë të tyre. Kështu që legjislatura e periudhës 2019-2021 vijoi punimet vetëm me 122 deputetë nga 144 deputetë në total. Në të vërtetë, e gjithë kjo legjislaturë do të mbahet mend, por gjithsesi më historike e bëjnë disa akte normative të miratuara nga ky Parlament. Duke përmendur këtu si atë më pikantin dhe më të rëndësishmin shkarkimin e presidentit Ilir Meta. Vendim, i cili ka sjellë përplasje të forta mes deputetëve, por në përfundim mori votën e shumicës prej tyre si nga radhët e mazhorancës edhe nga radhët e opozitës parlamentare. Shumica socialiste ndërmori 2 herë nismën për shkarkimin e tij. Herën e parë nuk e shkarkoi, por vetëm e këshilloi, ndërsa herën e dytë më 9 qershor 2021, me 104 vota pro, Kuvendi shkarkoi presidentin. Tashmë, vendimin përfundimtar do e marrë Gjykata Kushtetuese. Ndërkohë, si një tjetër ligj i rëndësishëm i votuar nga ky Parlament evidentohet edhe ai për ndryshimin e Kushtetutës, i cili gjithashtu nuk kaloi pa debate dhe përplasje në Parlament. Historik ka qenë për këtë legjislaturë edhe kthimi i 62 ligjeve për rishqyrtim nga presidenti.

 

Ndërsa, në total këto 4 vite janë miratuar gjithsej 487 ligje, nga të cilat: 88 ligje bazë; 184 ndryshime/shtesa në legjislacion; 76 akte normative me fuqinë e ligjit, 136 ratifikime dhe 3 denoncime ndërkombëtare. Në këto ligje të miratuara p137rmendim atë të reformës në drejtësi, me zgjedhjen e Këshillit të Lartë Gjyqësor, Këshillit të Lartë të Prokurorisë, anëtarët e Gjykatës Kushtetuese, Inspektorin e Lartë të Drejtësisë dhe Prokurorin e Përgjithshëm.

 

 

65 deputetë mbeten jashtë Parlamentit

 

Ky Parlament e mbylli punën me një tjetër ndryshim jo pa rëndësi, ku rreth 50 deputetë aktualë nuk do të jenë pesë e legjislaturës së ardhshme. Sipas të dhënave të publikuara, në zgjedhjet e 25 prillit 34 deputetë nuk u zgjodhën nga votuesit, duke ndërprerë kështu jetën parlamentare. Pra një përqindje e madhe e figurave që kemi parë në këto vite në Parlament nuk do të jenë pjesë e tij më, duke përfshirë këtu edhe Gramoz Ruçin, i cili dha dorëheqjen nga jeta politike gjatë 30 vjetorit të Kongresit të Partisë Socialiste. Konkretisht, nuk do të jenë më në Parlament figura si Pandeli Majko, Rudina Hajdari, Artur Roshi dhe ish-ministrja e Mbrojtjes Mimi Kodheli. Mes emrave të tjerë që nuk do të jenë në Kuvend janë edhe Vasilika Hysi, Adnor Shameti, Alket Hyseni, Anastas Angjeli, Halit Valteri, Myslim Murrizi, Kujtim Gjuzi dhe Ilir Beqaj, disa prej të cilëve ishin pjesë e komisionit për shkarkimin e Metës. Në Parlamentin e ri nuk do jetë më deputetë as Ditmir Bushati, i cili u largua duke shprehur një sërë pakënaqësish ndaj kolegëve të tij dhe ndaj kryeministrit Edi Rama. Gjithsesi, Parlamenti i rinis punimet më 9 shtator dhe pritet të ketë një sërë deputetësh të rinj të përzgjedhur më 25 prill.

 

Më shumë

38 kandidatë për kryetar bashkie në 2019 nuk dorëzuan formularin e Dekriminalizimit

Ilirjan Celibashi, kreu i Komisionit Qëndror të Zgjedhjeve prezantoi në Kuvend raportin e veprimtarisë së punës së institucionit që drejton për vitin 2020.   Celibashi tha se 38 kandidatë të subjekteve politike nuk pranuan të dorëzojnë formularin e Dekriminalizimit pranë KQZ në zgjedhjet e 30 Qershorit të vitit 2019.   Kryekomisioneri u ndal dhe […]

“Vatra” në mbrojtje të Berishës: Vendim i marrë nën trysninë e lobistëve

Federata Pan-Shqiptare e Amerikës, Vatra, reagoi për vendimin e Departamentit të Shtetit për të shpallur “non grata” ish-kryeministrin Sali Berisha.   Në një deklaratë të shpërndarë, Vatra, ndërsa shpreh besimin tek institucionet amerikane, thekson se vendimi më shumë sesa i bazuar mbi parimet amerikane, është marrë nën trysninë e disa grupeve lobiste për […]

Gramoz Ruçi tërhiqet pas 30 vitesh nga jeta politike

Kryetari i Parlamentit dhe një nga figurat historike të Partisë Socialiste, Gramoz Ruçi njoftoi të shtunën tërheqjen e tij nga politika. Ai shfrytëzoi një kongres të Jashtëzakonshëm të PS, të organizuar në ditëlindjen e 30-të të kësaj force politike, për të bërë të ditur vendimin e tij.   “Kam zgjedhur ditën e sotme, se […]

Basha rikonfirmohet bindshëm në krye të PD

Kryetari aktual Lulzim Basha, u rikonfirmua për një mandat të tretë në drejtimin e Partisë Demokratike, pas votimit të zhvilluar të dielën në të gjithë degët e kësaj force politike. Ndonëse rezultati nuk është konfirmuar ende zyrtarisht, të dhënat paraprake flasin për një fitore bindëse të zotit Basha me afro 81 përqind të votive. […]

  • © 2017 Albanian Profile Të gjitha të drejtat e rezervuara