e diel 28 shkurt 2021
e diel 28 shkurt 2021

 

Duke nisur nga java e ardhshme maska për t’u mbrojtur ndaj koronavirusit, do të jetë e detyrueshme kudo.

 

Kështu deklaroi Kryeministri Edi Rama në konferencën e përbashkët me mediat me ministren e Shëndetësisë Ogerta Manastirliu.

 

Ai tha se gjobat nuk do të falet por do të mblidhet bashkë me faturën e dritave.

 

“Kush ankohet për gjobën e ka shumë të thjeshtë, mjafton mos ta marri”, tha Rama.

 

“Maska përjashtohet vetëm në shtëpi, apo restorantin dhe barin ku jeni duke konsumuar diçka. Maskë e detyrueshme në çdo mjedis, çdo rrugë, hapësirë publike. Masa ndëshkimore do të zbatohet për të gjithë tek fatura e dritave të mos ketë asnjë iluzion asnjë individ që mund ti shmanget gjobës.

 

Nuk duhet të jetë gjoba arsyeja se përse njerëzit duhet të vendosë maskën, implementimin do e bëjë policia e shtetit dhe ajo bashkiake. Nëse për bizneset gjoba do të vendoset në rrugën tradicionale, për individët gjoba do jetë në faturën e dritave”, shtoi Rama.

 

Ai bëri të ditur se Policia e Shtetit dhe Policia Bashkiake do të survejojë territorin dhe do të kenë tolerancë zero ndaj shkelësve.

 

Kjo masë vjen për të mos u mbyllur sërish. “Nuk mund të rrezikojmë kaq shumë për hir të disave që janë në shumicë. Nuk dimë impaktin e gripit sezonal me kovidin. Do të përgatitemi për më të keqen. Do të luftojmë që të mos mbyllim Shqipërinë”.

 

Nga ana e saj ministrja e Shëndetësisë, u shpreh se situata epidemiologjike në Shqipëri paraqitet e kontrolluar.

 

Manastirliu vuri theksin në rritjen e ndërgjegjies qytetare, teksa tha se përgatitemi për rritjen e testimeve në gjithë strukturat që kërkojmë të vijojmë aktivitetin.

 

Ministrja tha në fjalën e saj se shteti aktualisht siguron dy terapi të shtrenjta falas për qytetarët, për të trajtuar COVID-19 atë të plazmës imune dhe atë të Remdesivi, trajtim që në u përdor edhe për presidentin e SHBA-së, Donald Trump. Ajo theksoi gjithashtu se kapacitete testuese janë rritur me 30 %.

 

Më tej, ministrja ka folur rreth 3 skenarëve ku do të përfshihen spitalet rajonale nëse do të plotësohet numri i shtretërve që janë në dispozicion.

 

Ministrja Manastirliu: Situata në Shqipëri paraqitet e kontrolluar, por me raste të rritjes së lehtë dhe ajo çka mund të themi është se nga momenti i parë, i rastit të parë ku masat e izolimit dhanë efekte pozitive dhe na dhanë kohën e nevojshme për tu parapërgatitur për situatën që do të vinte më pas, është rikthyer sërish në Europë dhe po e shohim vetë. Nuk po e shmangin dot përhapjen e virusit sepse virusi ka të njëjtën sjellje, ai nuk ndryshon. Ajo çka ndryshon është përgjegjësi.

 

Mbajtja e maskës

Larja e duarve

Distancimi social

 

Këto janë tre armët të cilat ne i njohim, i kemi të pranuara por për fat të keq jo të gjithë i zbatojmë. nëse duam të fitojmë betejat që nuk janë të vogla, beteja për rikthimin në normalitet duhet të fitojmë atë më të rëndësishmen, që është beteja me shëndetin. Besoj që masat që qeveria shqiptare ka marrë në raport me forcimin e kapaciteteve, gjatë këtyre 7 muajve të epidemisë, ku i gjithë sistemi shëndetësor ka qenë në këmbë. kemi mundësuar rritjen e testimeve, në mënyrë që të izolojmë sa më shpejt. Mbi 805 e rasteve të dyshuara testohen dhe izolohen brenda 48 orëve. në një periudhë që na pret të vjeshtës dhe dimrit kërkohen të rriten kapacitet, për të cilat ne i kemi marrë masat.

 

Ne përgatitemi për të rritur testimin dhe gjithashtu jemi në pritje për testimet e shpejta. Dua të ndalem te shkollat, ishte një sfidë e vërtetë. është bërë një punë e madhe për të zbatuar protokollet, qoftë dezinfektimi, qoftë mbajtja e maskave, në mënyrë që të kufizojmë përhapjen e virusit. Deri tani ne nuk kemi pasur asnjë vatër shpërthimi në shkollë. Atë që e kemi planifikuar në strategjinë tonë e kemi bërë realitet. Do të vijojë të mbetet prioritet gjatë gjithë periudhës.

 

Përpos faktit që Shqipëria nga momenti e parë përballet me një numër prej 15 mijë të infektuarish ku aktualisht kemi mbi 5 mijë raste aktive kemi rreth 230 të shtruar në spitale.

 

Mbajtja e  maskës, larja e duarve dhe distancimi social.  Duhet të fitojmë betejën më të rëndësishme që është beteja me shëndetin. Të gjithë ne i kemi djegur përgjatë gjithë këtyre muajve, nuk janë pak rritja e testimeve janë rritur me 30 % kapacitete gjurmuese në gjithë territorin. Mbi 80 % të rasteve të dyshuara testohen dhe izolohen brenda 48 orëve. Padyshim që në vjeshtë kërkohet që të rriten edhe më shumë kapacitete, për të cilat i kemi marrë masat. qoftë për të vijuar shtimin e personelit të epidemiologëve në gjithë ato zona edhe bashki ku rritja do të jetë më e madhe se në qarqet e tjera, kapacitete logjistike, testimet. Sot kemi dy laborator shtetëror ku testimet bëhen falas, ne përgatitemi për të rritur edhe më shumë numrin e  tyre sidomos në shkolla, bizneset dhe ndërmarrje të mëdha. Sot ne garantojmë 100 % të terapive që kanë dhe vendet e tjera duke përfshirë terapinë e plazmës imune dhe kemi arritur edhe terapinë e Remdesivir-it që po përdoren në vende të Evropës për të siguruar falas këtë terapi të shtrenjtë

 

Të tre skenarët parashikojnë përfshirjen e spitaleve rajonale në momentin që do të plotësohet numri i shtetërve.

 

Në skenarin e parë do të shtohet 5 spitalet rajonale, në skenarin e dytë 3 spitale të tjera rajonale dhe në skenarin e tretë 3 spitale të tjera, në total do të kemi në dispozicion rreth 1600 shtretër të tjerë, të pajisur me të gjithë elementët e nevojshëm, pajisje të nevojshme për të trajtuar rastet Covid.

 

Përballja me vjeshtën dhe dimrit do të jetë një sfidë për të gjithë. Kemi pasur në vëmendje maksimale vaksinim dhe ëpr të marrë masa që të krijojmë fondet e nevojshme që në momentin që vaksina e Covid do të jetë e disponueshme ne të mundemi ta disponojmë edhe në vendin tonë. Qeveria shqiptare është duke punuar me vendet e BE. Puna po bëhet në 360 gradë duke vlerësuar çdo moment, vijojmë të forcojmë kapacitet tona më mjekë dhe infermierë.

 

Më shumë

Pandemia pengoi trajtimin e pacientëve kronikë

Në Tiranë, një studim i shoqatës “Së Bashku për Jetën” zbuloi një seri vështirësish që pandemia solli për trajtimin e afro 400 mijë të sëmurëve kronikë, që ka Shqipëria.   Shumë prej tyre duhet të vinë rregullisht në Qendrën Spitalore Universitare “Nënë Tereza”, kur brenda saj janë dy spitale Covid.   Shoqata “Së […]

Ekipit të OBSH-së i ndalohet hyrja në Kinë

Anëtarëve të një ekipi të Organizatës Botërore të Shëndetësisë (OBSH) u është ndaluar hyrja në Kinë. Ekipi duhej të hetonte origjinën e koronavirusit në Vuhan. Pekini kishte rënë dakord për këtë vizitë në dhjetor, pas shumë muajsh negociatash me OBSH-në. Dy zyrtarë ishin nisur në udhëtimin e tyre por, njëri tani është kthyer dhe […]

Fshehje dhe kaos shifrash për testimet e COVID-19 në laboratorët privatë

Në fund të marsit, kur vendi sapo ishte përfshirë nga ethet e pandemisë së COVID-19, reklamat për teste në spitalet private ngritën shqetësime etike dhe ligjore. Ligji shqiptar për “parandalimin e sëmundjeve e epidemike” e ndalon mundësinë e komercializimit për dignostikimin dhe kurimin e sëmundjeve epidemike dhe specifikon se shërbimi duhet të jetë falas. […]

  • © 2017 Albanian Profile Të gjitha të drejtat e rezervuara