e hënë 1 mars 2021
e hënë 1 mars 2021

 

 

Ngrihet pranë Akademisë së Shkencave Qendra e Botimeve Albanologjike e Enciklopedike, jepet njëzëri pëlqimi për propozimin e Kryesisë në mbledhjen e zgjeruar të Asamblesë

 

Propozimi i kryesisë u bë i shoqëruar me preventivat orientuese dhe platformat paraprake të hartuara nga grupet e punës dhe komisionet përkatëse, në bashkëpunim me përfaqësues të ASA-s, e pas konsultimit me ASHAK-un e marrjes së konfirmimit në parim të tyre për bashkëpunim.

 

Kryetari i ASH, akad. Skënder Gjinushi në raportin e Kryesisë, për këtë çështje, theksoi se:

 

“Forcimi i rolit aktiv të Akademisë së Shkencave në kërkim-studim nëpërmjet drejtimit e realizimit të projekteve madhore në albanologji dhe krijimit të kushteve për thithjen dhe drejtimin e projekteve të tjera do të jetë një prioritet tjetër i rëndësishëm jo vetëm për këtë vit, por edhe me një shtrirje në disa vjet.

 

Fillimi i punës për hartimin e tri veprave madhore albanologjike: Enciklopedia shqiptare, Fjalori i madh i shqipes dhe Historia e shqiptarëve; si dhe organizimi me sukses i konferencës ndërkombëtare të albanologjisë, përbëjnë angazhimin tonë kryesor gjatë këtij viti. Marrja prej Akademisë së Shkencave, në bashkëpunim me ASHAK-un, e rolit organizator në hartimin e tri projekteve madhore shqiptare, realizon një prej objektivave kryesorë të reformës, atë të rolit strategjik në zhvillimin cilësor të shkencave albanologjike.

 

Për realizimin e kësaj ndërmarrjeje të madhe pranë Akademisë së Shkencave do të ngrihet qendra e botimeve albanologjike e enciklopedike (QBAE), hap për të cilin kërkohet dhe pëlqimi i kësaj Asambleje.

 

Ndërkohë, janë hartuar preventivat orientuese e platformat paraprake të domosdoshme për fillimin e punës zbatuese, në bashkëpunim me përfaqësues të ASA-s, me anëtarë të Asamblesë e të komisioneve. Ato janë konsultuar me ASHAK-un dhe është konfirmuar miratimi në parim i tyre.

 

Bashkëngjitur projektvendimi i Kryesisë:

 

Për ngritjen e njësisë së kërkim-studimit Qendra e botimeve albanologjike dhe enciklopedike.

 

Kryesia e Akademisë së Shkencave, për realizimin e detyrave themelore të saj, në përputhje me misionin sui generis të saj, si promotore strategjike në zhvillimin e shkencave albanologjike;

 

Për të organizuar, bashkërenduar dhe realizuar hartimin dhe botimin e disa veprave madhore albanologjike, projekte për të cilët është rënë dakord dhe janë përfshirë në protokollin e bashkëpunimit, për t’u ndërmarrë së bashku me Akademinë e Shkencave dhe Arteve të Kosovës;

 

Nisur nga mbështetja në parim për financim të këtyre projekteve nga Këshilli i Ministrave, e të konkretizuar me VKM e dates 20.01.2021, për dhënien e një fondi prej 100 milionë për to;

 

Pas marrjes së pëlqimit prej Asamblesë së saj, Seksionit të Shkencave Shoqërore dhe Albanologjike dhe prej komisioneve përkatëse;

 

Bazuar në nenin 19 të Ligjit nr. 53/2019 Për Akademinë e Shkencave në Republikën e Shqipërisë;

 

Vendosi:

 

  1. Pranë Akademisë së Shkencave ngrihet njësia e kërkim-studimit me emërtimin Qendra e Botimeve Albanologjike dhe Enciklopedike (QBAE);

 

  1. Detyrat themelore të QBAE janë: organizimi, bashkërendimi e realizimi i punës për hartimin e botimin e veprave madhore: Enciklopedia Shqiptare, Fjalori i madh i shqipes, Historia e shqiptarëve (për të huajt) dhe Historia e letërsisë shqipe;

 

  1. Drejtimi ekzekutiv-administrativ dhe ai shkencor i QBAE, do të bëhet gjegjësisht nga: Drejtori i Qendrës së Projekteve dhe të Koordinimit Shkencor, në cilësinë e drejtorit ekzekutiv, bibliotekarja e ASH në cilësinë e sekretares teknike dhe akad. Pëllumb Xhufi, prof. Neritan Ceka, akad. Jani Thomai, prof. Valter Memisha, prof. Emil Lafe e akad. Ilirjan Malollari për anën shkencore, si dhe Sekretari Shkencor i ASH.

 

  1. Në përbërje të QBAE, me propozim të drejtuesve shkencorë dhe pas konsultimit me komisionet e përhershme dhe me institucionet e tjera bashkëpunuese, ngrihen redaksitë dhe strukturat ndihmëse, me propozim të këshillit shkencor dhe drejtorit ekzekutiv, e vendim të Kryesisë.

 

  1. QBAE financohet nga buxheti i shtetit dhe nga donacionet e mundshme;

 

  1. Fondi prej 100 milion lekë akorduar Akademisë së Shkencave, vihet në dispozicion të QBAE për realizimin e projekteve të sipërpërmendura. Ky fond, si dhe financimet e tjera të mundshme, do të pasqyrohen e ndiqen në një llogari më vete dhe veprimet financiare do të kryhen nga sektori i finances, nën përgjegjësinë e kancelarit.

 

  1. Mënyra dhe masa e shpërblimit a e pagimit të anëtarëve të QBAE, të redaksive dhe strukturave ndihmëse, do të përcaktohen me vendim të veçantë të Kryesisë, referuar pozicioneve të ngjashme në institucionet kërkimore e ato të arsimit të lartë, rregulluar me kontratat përkatëse;

 

  1. QBAE duhet të realizojë detyrat e saj e brenda një periudhe 2-3-vjeçare. Gjatë gjithë kësaj periudhe ajo do të raportojë para Kryesisë dhe Asamblesë, si për ecurinë e punës së saj ashtu dhe për shpenzimet e kryera.

 

 

Më shumë

Shtëpia-muze e shkrimtarit Sterjo Spasse drejt përfundimit

Ministrja e Kulturës Etleva Margariti njoftoi ditën e sotme mbi procesin e punës për rindërtimin e shtëpisë së shkrimtarit Sterjo Spasse që do të kthehet në shtëpi-muze. “Po punohet me ritme të shpejta, që ish-vatra e kulturës në fshatin Gollomboç, pranë liqenit të Prespës, të kthehet në shtëpinë-muze të shkrimtarit Sterio Spasse, duke u […]

Adriano Celentano prej 1 viti i mbyllur në shtëpi për shkak të frikës nga COVID-19

Këngëtari i njohur italian, Adriano Celentano, ka treguar se është mbyllur në shtëpi prej një viti me bashkëshorten, Claudia Mori, që nga shpërthimi i pandemisë.   “Claudia dhe unë jemi mbyllur praktikisht prej 1 viti në shtëpi dhe dje na sollën rrobat e burgut”, u shpreh këngëtari italian në një lidhje telefonike në emisionin […]

“Moti i madh” i arbëreshëve dorëzohet zyrtarisht në UNESCO!

Lajmi bëhet i ditur nga ministrja e Kulturës Elva Margariti e cila shprehet se viti i ri nis edhe me këtë lajm të mirë.   “Le ta nisim këtë vit të ri me një lajm të mirë, që vjen nga bota arbëreshe, nga “gjaku ynë i shprishur”, ajo degë besnike, që prej 500 vjetësh […]

KADARE “Oficer i Madh i Legjionit të Nderit”

2021 ka nisur mbarë për shkrimtarin Ismail Kadare, i cili është nderuar nga presidenti francez Emmanuel Macron me titullin e lartë shtetëror “Oficer i Madh i Legjionit të Nderit”. Përmes një dekreti të posaçëm që mban datën 31 dhjetor, Kadare e ka marrë këtë titull që e gëzojnë 250 personalitete në Francë. Krahas Kadaresë, […]

  • © 2017 Albanian Profile Të gjitha të drejtat e rezervuara