Një vit nga tërmeti shkatërrimtar

Sot mbushet një vit nga tërmeti tragjik i 26 nëntorit, që la pas 51 viktima dhe mbi 3000 të plagosur.

Tërmeti me magnitudë 6.4 të shkallës rihter që tronditi Shqipërinë atë natë shkaktoi dëme të shumta si shembje pallatesh, shtëpish, shkollash e institucione të tjera. Thirrjet dëshpëruese të familjareve që të afërmit i kishin nën rrënoja, njerëz të traumatizuar që dolën rrugëve, sirenat e autoambulancave, policisë, zjarrfikësve, ushtrisë, ushtonin ngado.

Një vit pas tërmetit të fortë që goditi vendin, hetimet e nisura për shkatërrimet e shumta që ndodhën, me pasojë dhe vdekjen e dhjetra qytetarëve, nuk janë mbyllur ende, me përjashtim të Durrësit. Nga mbi 50 të arrestuarit thuajse të gjithë kanë lënë qelitë, ndërsa ka patur dhe raste, si ai i drejtoreshës së Urbanistikës në Bashkinë e Kavajës e cila është rikthyer në detyrë, ndonëse është nën hetim për “vrasje nga pakujdesia”.

Qindra të plagosur, la pas ajo dridhje e fuqishme e tokës, kryesisht  ne Durrës, Kurbin. Tiranë e Lezhë.

Mbi 200 mijë persona u preken direkt nga dëmet që la pas.

Shqipëria u kthye menjëherë në qendër të raportimeve të mediave botërore. Shqiptarët, fqinjët, partnerët nisen mobilizimin e shpejtë për t’i ardhur në ndihmë Shqipërisë.

Ekipe kërkim – shpëtimi mbërritën nga vende të ndryshme.

Për ditë me radhë nën rrënoja kërkohej për ndonjë të mbijetuar apo trupa të viktimave.

Sot një vit më pas, pasojat janë ende të freskëta, pasojat e atij tërmeti shkatërrimtar, e për  shumëkënd që humbi me të dashurit, dhimbja që la pas nuk do të shërohet kurrë.

• 

  I kthehen Kishës Orthodhokse Lipsanet e Shën Joan Vladimirit

• 

  80 vjet më parë u dha Autoqefalia e Kishës Ortodokse

• 

  Pse i harruam gratë në pandemi?

• 

  Nesër nis muaji i Ramazanit, Kreu i KMSH uron besimtarët: Agjërim sa më të lehtë, qoftë muaji i mëshirës dhe i mirëkuptimit

• 

  Studiuesit diskutojnë rreth historisë kombëtare shqiptare

• 

  149-vjetori i lindjes së Asdrenit